កម្ពុជាត្រូវការថាមពលដើម្បីអភិវឌ្ឍន៍ ។ ប៉ុន្តែកម្ពុជាមានឆន្ទះខ្ពស់ក្នុងកិច្ចការពារទន្លេមេគង្គហើយ មិនបំផ្លាញទន្លេដ៏សំខាន់នេះ ព្រោះតែតម្រូវការថាមពលឡើយ ។ សារនយោបាយមួយដែលបានប្រកាសផ្ទាល់មាត់ ដោយមេដឹកនាំបន្តវេនកម្ពុជា គឺពិតជាមានអត្ថន័យកក់ក្តៅ និងទំនុកចិត្តមួយជូនអ្នកអភិរក្ស…
កម្ពុជាត្រូវការថាមពលដើម្បីអភិវឌ្ឍន៍ ។ ប៉ុន្តែកម្ពុជាមានឆន្ទះខ្ពស់ក្នុងកិច្ចការពារទន្លេមេគង្គហើយ មិនបំផ្លាញទន្លេដ៏សំខាន់នេះ ព្រោះតែតម្រូវការថាមពលឡើយ ។
សារនយោបាយមួយដែលបានប្រកាសផ្ទាល់មាត់ ដោយមេដឹកនាំបន្តវេនកម្ពុជា គឺពិតជាមានអត្ថន័យកក់ក្តៅ និងទំនុកចិត្តមួយជូនអ្នកអភិរក្ស និងអ្នកអភិវឌ្ឍន៍ទាក់ទងនឹងប្រភពថាមពល ដែលមកដល់ពេលនេះ ពួកគេកំពុងតែព្រួយបារម្ភ ។
នៅក្នុងពិធីបិទស្ទឹងសាងសង់ទំនប់វារីអគ្គិសនីស្ទឹងតាតៃលើ ដែលមានអានុភាព១៥០ម៉េហ្គាវ៉ាត់នៅស្រុកថ្មបាំងខេត្តកោះកុង សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានប្រកាស យ៉ាងច្បាស់ថា រាជរដ្ឋាភិបាលនីតិកាលទី ៧ នឹងមិនធ្វើទំនប់អគ្គីសនីនៅលើទន្លេមេគង្គឡើយ បើទោះបីជាចំណេញបែបណាក៏ដោយ។
នេះគឺជាសារនយោបាយដ៏កក់ក្តៅ ខណៈដែលគេដឹងថា គម្រោងកសាងទំនប់វារីអគ្គីសនី២ កន្លែងនៅលើដងទន្លេមេគង្គ គឺនៅស្ទឹងត្រែង និងសំបូរ មានអនុភាពផលិតថាមពលដ៏ធំ សម្រាប់បំពេញតម្រូវការថាមពលដែលកម្ពុជាកំពុងតែប្រឈមមុខនឹងការខ្វះខាត ។ ខណៈដែលគេដឹងថា នៅលើដងទន្លេមេគង្គក្រោមនេះ ចាប់ពីឡាវ ថៃ មកកម្ពុជា រហូតដល់ វៀតណាម មានកន្លែងដែលអភិវឌ្ឍន៍ជាវារីអគ្គីសនីដល់ទៅ១១កន្លែង នៅក្នុងនោះ នៅឡាវមាន៧កន្លែង នៅព្រំដែនរួមរវាងឡាវនិងថៃមាន២ និងកម្ពុជាមាន២ដែរ ។
គម្រោងកសាងវារីអគ្គីសនីនៅសំបូរ ដែលមានទីតាំងនៅក្នុងខេត្តក្រចេះ ត្រូវបានគេជឿជាក់ថា អាចផលិតនិងអោយកម្ពុជាទាញថាមពលបានរហូតដល់ទៅ២.៦០០ មេហ្គាវាត់ ប៉ុន្តែវាអាចប៉ះពាល់ដល់ដីព្រៃ និងដីបម្រើជីវភាពពលរដ្ឋ ក៏ដូចជាជីវសាស្ត្រចម្រុះដល់ទៅ ប្រមាណ ជា ៧០.០០០ហិកតា ។ ដោយឡែកគម្រោងកសាងទំនប់វារីអគ្គីសនីនៅស្ទឹងត្រែង គឺអាចមានអនុភាពដល់ទៅ ១.៤០០ មេហ្គាវាត់ ហើយផលប៉ះពាល់របស់វាក៏មិនតូចដែរ។
តាមប្រព័ន្ធផ្សព្វផ្សាយ គម្រោងទាំងពីរនេះ គឺសុទ្ធតែមានអ្នកចែចូវ ហើយក៏ត្រូវរាជរដ្ឋាភិបាល ផ្តល់សិទ្ធិសិក្សាអំពីលទ្ធភាពកសាងទំនប់នេះផងដែរ។ ប៉ុន្តែសារនយោបាយថ្ងៃទី៣០ គឺពិតជាបញ្ជាក់ច្បាស់អំពីការយកចិត្តទុកដាក់និងថ្លឹងថ្លែងហ្មត់ចត់អំពីផលប្រយោជន៍សេដ្ឋកិច្ច និង ផលប៉ះពាល់ ខណៈដែល គម្រោងទាំងពីរនេះ គឺមានផលប៉ះពាល់ធំ ជាពិសេសគឺ ជីវចម្រុះ នៅបឹងទន្លេសាបដែលជាជម្រកត្រីទឹកសាបកម្ពុជា ជីវភាពប្រជាពលរដ្ឋ វប្បធម៌ និង ភូមិដ្ឋាន របស់ជាពលរដ្ឋជា
ដើម ។
តាមប្រសាសន៍របស់សម្តេចធិបតីនៅពេលនោះ កម្ពុជាមិនត្រឹមតែលើកឡើងពីគម្រោង កសាងទំនប់វារីអគ្គីសនីនៅតាមដងទន្លេមេគង្គនោះទេ សូម្បីតែថាមពលដើរដោយធ្យូងថ្ម ដែលមានផលប៉ះពាល់ដល់បរិស្ថានក៏ត្រូវបានយកចិត្តទុកដាក់ផងដែរ ។
សម្តេចធិបតីបានសង្កត់ធ្ងន់ថា រាជរដ្ឋាភិបាលកម្ពុជា លែងអនុញ្ញាតឲ្យមានការវិនិយោគ បង្កើតរោងចក្រអគ្គិសនីដុតធ្យូងថ្មទៀតហើយ។ ដោយឡែករោងចក្រផលិតអគ្គិសនីដុតធ្យូងថ្ម ដែលមានស្រាប់ នឹងត្រូវពិនិត្យលទ្ធភាព បញ្ឈប់ដំណើរការមុនកំណត់ ហើយកន្លងមករាជ រដ្ឋាភិបាល កម្ពុជាធ្លាប់បានបញ្ឈប់គំរោងវិនិយោគរោងចក្រផលិតអគ្គិសនី ដើរដោយធ្យូង ថ្មកម្លាំង ៧០០ មេហ្គាវ៉ាត់នៅ ស្រុកបុទមសាគរ ខេត្តកោះកុង ឲ្យទៅគម្រោងវិនិយោគផលិត អគ្គិសនីដោយជីវម៉ាស់វិញ។
សម្តេចធិបតីបានបន្តថា កម្ពុជាកំពុងតែធ្វើបុរេសកម្មថាមពលពីប្រភពកកើតឡើងវិញ ដែល មក ដល់បច្ចុប្បន្នកម្ពុជាមានប្រភពថាមពលកកើតឡើងវិញ រហូតដល់ ៦២ ភាគរយនៃ ប្រភព សរុប ហើយនឹងបន្តឱ្យបាន៧០ភាគរយយ៉ាងហោចណាស់នៅឆ្នាំ២០៣០។
នៅក្នុងពេលជាមួយគ្នានោះ សម្តេចក៏បានលើកទឹកចិត្តបំផុតនិងជំរុញអោយអ្នក ពាក់ព័ន្ធ ពង្រឹងនិងយកចិត្តទុកដាក់នៅលើសន្តិសុខនិងឯករាជ្យភាពថាមពល ពីព្រោះតម្រូវការថាម ពលនឹងកាន់តែត្រូវការខ្លាំង ។
សរុបមកវិញគោលនយោបាយថាមពលរបស់រាជរដ្ឋាភិបាលអណត្តិទី៧ គឺពិតជា សារ បញ្ជាក់ យ៉ាងច្បាស់អំពីការរក្សានូវតុល្យភាពនៃបរិស្ថាននិងតម្រូវការថាមពល សម្រាប់ការអភិវឌ្ឈន៍ ប្រទេសឆ្លើយតបនឹងគោលដៅដែលរាជរដ្ឋាភិបាលបានកំណត់ ។ យើងខ្ញុំក៏សង្ឃឹមថា រាល់ គម្រោងវិនិយោគផ្សេងៗ ដែលមន្ត្រីថ្នាក់ក្រោមកំពុងតែរិះគិតនឹងតម្រែតម្រង់តាម ផែនការ ដែលបានលើកឡើង ។ អត្ថបទៈ ហេង ចេស្តារ
ចែករំលែកព័តមាននេះ