ខេត្តត្បូងឃ្មុំ ៖ ពិតជាមិននឹកស្មានដល់ ដោយបុរសម្នាក់ជាមនុស្សគ បានសុំលុយម្ដាយទៅទិញខោអាវសម្រាប់ពាក់ តែម្ដាយមិនមានលុយឱ្យគ្រប់ចំនួន ធ្វើឱ្យជនរូបនោះខឹងយ៉ាងសម្បាក៏ស្ទុះទៅទាញកាំបិ.តខ្វែវមកកា.ប់បំផ្លាញរបស់ទ្រព្យ បណ្ដាលឱ្យខូចខាត ហើយក៏កា.ប់ត្រូវឪពុកមួយកាំបិ.ត បណ្ដាលឱ្យស្លា.ប់នៅក្នុងថ្លុកឈា.មយ៉ាងអណោចអធ័ម។
ហេតុការណ៍ខាងលើនេះ បានកើតឡើងកាលពីវេលាម៉ោង៨និង៣០នាទីយប់ ថ្ងៃទី២៥ ខែវិច្ឆិកា ឆ្នាំ២០២៣ នៅចំណុចភូមិប្រាសាទ ស្ថិតក្នុងឃុំចក ស្រុកអូរាំងឪ ខេត្តត្បូងឃ្មុំ។ ហេតុការណ៍បង្កឱ្យមានការភ្ញាក់ផ្អើលនេះ បានដឹងដល់កម្លាំងសមត្ថកិច្ច ក៏ចុះមកអន្តរាគមន៍ឃាត់ខ្លួនបុរសជាកូនបង្កើត ដែលក្លាយខ្លួនជាឃា.ត.ក.របានភ្លាមៗតែម្ដង។
សមត្ថកិច្ចមូលដ្ឋាន បានប្រាប់ឲ្យដឹងនាព្រឹកថ្ងៃទី២៦ ខែវិច្ឆិកានេះថា បុរសមនុស្សគ ដែលលើកដៃកា.ប់ឪពុកស្លា.ប់ គឺជាកូនប្រុសបងគេ ក្នុងចំណោមគ្នា៣នាក់ និងនៅលីវមិនទាន់មានប្រពន្ធនៅឡើយ។ បន្ទាប់ពីទទួលទានអាហារពេលល្ងាចរួចរាល់ បុរសឈ្មោះ រុន រិត អាយុ៣៥ឆ្នាំ ជាមនុស្សគពីកំណើត បាននិយាយដោយធ្វើកាយវិការសុំលុយពីម្ដាយទិញខោអាវសម្រាប់ពាក់ តែម្ដាយឱ្យលុយចំនួន១៥០០០រៀល ជននេះមិនទទួលយកនោះទេ។
សមត្ថកិច្ចមូលដ្ឋានបានប្រាប់បន្តហើយដឹងទៀតថា បន្ទាប់មកមនុស្សគរូបនេះ ក៏យកកាំបិ.តខ្វេវមកកា.ប់បំផ្លាញចានឆ្នាំងតែម្ដង ហើយគ្រានោះម្ដាយក៏រត់គេចខ្លួន ដើម្បីកុំឲ្យមានគ្រោះថ្នាក់ដល់អាយុជីវិ.ត។ ចំណែកបុរសជាឪពុកវិញ ឈ្មោះ សឿន រុណ អាយុ៥៧ឆ្នាំ បានចេញមកឃាត់ ក៏ត្រូវកូនប្រុសបងគេរូបនោះ កំពុងតែកាន់កាំបិ.តក្នុងដៃក៏កា.ប់ប្រ.ហា.រឪពុកមួយកាំបិតខ្វែវចំចង្ការ និង.ក បណ្ដាលឲ្យស្លា.ប់នៅនឹងកន្លែងកើតហេតុតែម្តង បង្កឲ្យមានការភ្ញាក់ផ្អើលដល់អ្នកជិតខាង និងដឹងដល់កម្លាំងប៉ុស្តិ៍រដ្ឋបាលឃុំចក ចុះមកអន្តរាគមន៍ជាបន្ទាន់ រួចចាប់ខ្លួនជនដៃដល់ ដែលជាកូនប្រុសរបស់អ្នករងគ្រោះ។
សមត្ថកិច្ចបន្តទៀតថា ចំពោះមូលហេតុ គឺជនសង្ស័យឈ្មោះ រុន រិត បានសុំលុយម្តាយយកទៅទិញខោអាវ ហើយម្តាយបានអោយលុយ១៥០០០រៀល តែពេលនោះជនសង្ស័យសុំលុយថែមទៀត ប៉ុន្តែម្តាយមិនអោយ ស្រាប់តែជនសង្ស័យរករឿង ក៏ទាញកាំបិ.តផ្កាក់កា.ប់របស់របរ និងរកកា.ប់ម៉ូតូ ប៉ុន្តែត្រូវជនរងគ្រោះឈ្មោះ សឿន រុណ ត្រូវជាឪពុកបង្កើត បានចូលទៅឃាត់ ទើបបណ្តាលឱ្យជនសង្ស័យកា.ប់ត្រូវរហូតបា.ត់ប.ង់ជីវិ.តភ្លាមៗតែម្ដង។
សមត្ថកិច្ចមូលដ្ឋានបញ្ជាក់ថា ក្រោយពីទទួលព័ត៌មានភ្លាម កម្លាំងប៉ុស្តិ៍នគរបាលរដ្ឋបាលចក សហការជាមួយកម្លាំងជំនាញពហ្មទណ្ឌអធិការដ្ឋាននគរបាលស្រុកអូររាំងឪ បានចុះដល់កន្លែងកើតហេតុ និងធ្វើការឃាត់ខ្លួន នៅត្រង់ចំណុចមុខផ្ទះរបស់ជនសង្ស័យ។ ចំណែកបុរសជាឪពុកដែលស្លា.ប់ ត្រូវបានជំនាញក្រុមបច្ចេកទេសធ្វើការត្រួតពិនិត្យរួចរាល់ជាមួយនឹងក្រុមគ្រូពេទ្យមណ្ឌលសុខភាពចក បន្ទាប់មកក៏ប្រគល់ស.ពទៅឲ្យក្រុមសាច់ញាតិ ដើម្បីរៀបចំធ្វើបុណ្យតាមប្រពៃណី។
សូមបញ្ជាក់ថា បុរសជាមនុស្សគរូបនេះ ត្រូវបានកម្លាំងសមត្ថកិច្ចបញ្ជូនទៅកាន់ស្នងការដ្ឋាននគរបាលខេត្តនាព្រឹកថ្ងៃទី២៦ ខែវិច្ឆិកា ឆ្នាំ២០២៣ ដើម្បីចាត់ការតាមនីតិវិធីនៃច្បាប់។
ចែករំលែកព័តមាននេះ