អគ្គនាយកដ្ឋានសុរិយោដីជម្រុញមន្ត្រីភូមិបាលសហការជាមួយអាជ្ញាធរមូលដ្ឋានដោះស្រាយដីធ្លីក្រៅប្រព័ន្ធតុលាការជូនពលរដ្ឋ
- បន្ទាយមានជ័យ
ខេត្តបន្ទាយមានជ័យ ៖ អគ្គនាយកដ្ឋានសុរិយោដីនិងភូមិសាស្គ្រជម្រុញអោយមន្ត្រីជំនាញភូមិបាល
ខេត្តបន្ទាយមានជ័យ ៖ អគ្គនាយកដ្ឋានសុរិយោដីនិងភូមិសាស្គ្រជម្រុញអោយមន្ត្រីជំនាញភូមិបាលសហការជាមួយអាជ្ញាធរមូលដោះស្រាយដីធ្លីក្រៅប្រព័ន្ធតុលាការជូនប្រជាពលរដ្ឋដែលលើកឡើងសិក្ខាសាលានៅថ្ងៃទី២២ ខែវិច្ឆិកា ឆ្នាំ២០២៣ នៅសាលប្រជុំសាលាខេត្តបន្ទាយមានជ័យ។
លោក លី សារី អភិបាលខេត្តបន្ទាយមានជ័យមានប្រសាសន៍ថា នៅខេត្តបន្ទាយមានជ័យមានក្រុមចុះបញ្ជីដីធ្លីមានចំនួន៩ក្រុមស្មើ១៨៥នាក់ដែលកំពុងបំពេញភារកិច្ចការងារនៅតាមមូលដ្ឋានចុះបញ្ជីដីធ្លីលក្ខណៈជាប្រព័ន្ធគឹតត្រឹមថ្ងៃទី១៥ ខែវិច្ឆិកា ឆ្នាំ២០២៣នេះ ប្រមូលទិន្នន័យបានចំនួន៣៤៨.៧៨៣ក្បាលដី បិទផ្សាយចំនួន៣២៣.៩៩៥ក្បាលដី និងចេញប័ណ្ណកម្មសិទ្ធដីធ្លីបានចំនួន២៧៩.០០១ប័ណ្ណមិនទាន់ចេញចំនួន២៦.៥៨១ប័ណ្ណ។
ឯកឧត្តម សួន សូផា អគ្គនាយកនៃអគ្គនាយកដ្ឋានសូរិយោដីនិងភូមិសាស្គ្របានមានប្រសាសន៍ជម្រុញអោយមន្ត្រីជំនាញផ្នែកភូមិបាលស្រុក-ក្រុងត្រូវសហការគ្នាល្អជាមួយអាជ្ញាធរភូមិ-ឃុំ-សង្កាត់ត្រូវដោះស្រាយទំនាស់ដីធ្លីជូនប្រជាពលរដ្ឋក្រៅប្រព័ន្ធតុលាការសំដៅធ្វើយ៉ាងណាប្រជាពលរដ្ឋទទួលបានភាពយុត្តិធម៌និងតម្លាភាព ស្របពេលដែលរាជរដ្ឋាភិបាលកម្ពុជាអាណត្តិទី៧នៃរដ្ឋសភាដែលដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានធ្វើកំណែទម្រង់ដីធ្លីនិងនគរូបនីយកម្មឱ្យកាន់តែស៊ីជម្រៅនិងបង្កើតអោយមាននៅគោលនយោបាយដីធ្លី ៕
ចែករំលែកព័តមាននេះ