អាមេរិកប្រកាសជំនួយយោធាថ្មីដល់អ៊ុយក្រែន
សង្គ្រាមអ៊ុយក្រែន ៖ សហរដ្ឋអាមេរិកប្រកាសពីជំនួយយោធាថ្មីដល់អ៊ុយក្រែនក្នុងទឹកប្រាក់១០០លាន
សង្គ្រាមអ៊ុយក្រែន ៖ សហរដ្ឋអាមេរិកប្រកាសពីជំនួយយោធាថ្មីដល់អ៊ុយក្រែនក្នុងទឹកប្រាក់១០០លានដុល្លារ ដែលជំនួយនោះរួមមានជាពិសេសបណ្ដាមធ្យោបាយការពារអាកាស ដែលការប្រកាសពីជំនួយថ្មីនោះធ្វើឡើង ចំថ្ងៃដែលរដ្ឋមន្ត្រីការពារប្រទេសអាមេរិក លោកLLOYD AUSTIN កំពុងស្ថិតនៅក្រុងគៀវ។
តាមសេចក្ដីប្រកាសមួយរបស់មន្ទីរប៉ង់តាហ្គោន និងក្រសួងការបរទេសអាមេរិកថា ជំនួយនេះរួមមានជាពិសេសប្រព័ន្ធHIMARS គ្រាប់កាំភ្លើងធំនិងអាវុធប្រឆាំងរថក្រោះព្រមទាំងគ្រាប់កាំភ្លើងធុនតូច។
ជំនួយថ្មីនោះបានមកពីមូលនិធិ ដែលសភាអាមេរិកអនុម័តរួចហើយ ខណៈគេរង់ចាំសភាអនុម័តកញ្ចប់ថវិកាជំនួយថ្មីដល់អ៊ុយក្រែន តាមការទាមទាររបស់ប្រធានាធិបតីលោកចូបៃដិន ដែលត្រូវជាប់គាំងដោយសារការជំទាស់របស់បណ្ដាសមាជិកសភាគណបក្សសាធារណរដ្ឋ។ អាមេរិកជាអ្នកផ្ដល់ជំនួយដល់អ៊ុយក្រែនច្រើនជាងគេបំផុត ដល់ទៅជាង៤៤ពាន់លានដុល្លារហើយចាប់តាំងពីរុស្សុីលុកលុយចូលអ៊ុយក្រែនមក៕
ចែករំលែកព័តមាននេះ