កាលពីពេលថ្មីៗកន្លងទៅនេះ ផ្ទុះការចាប់អារម្មណ៍យ៉ាងខ្លាំងទៅលើក្មេងប្រុសជាជនជាតិបរទេសម្នាក់ បានរាំក្បាច់បុរាណខ្មែរទន់ភ្លន់ដំណើរមួយៗ ធ្វើឱ្យអ្នកដំណើរ ក៏ដូចជាភ្ញៀវទេសចរកំពុងដើរទស្សនាកម្សាន្តនៅលើដងផ្លូវ
រាជធានីភ្នំពេញ ៖ កាលពីពេលថ្មីៗកន្លងទៅនេះ ផ្ទុះការចាប់អារម្មណ៍យ៉ាងខ្លាំងទៅលើក្មេងប្រុសជាជនជាតិបរទេសម្នាក់ បានរាំក្បាច់របាំបុរាណខ្មែរទន់ភ្លន់ដំណើរមួយៗ ធ្វើឱ្យអ្នកដំណើរ ក៏ដូចជាភ្ញៀវទេសចរកំពុងដើរទស្សនាកម្សាន្តនៅលើដងផ្លូវ Pub Street ដែលជាជ្រុងមួយនៃខេត្តសៀមរាប នាំគ្នាកោតសរសើរយ៉ាងខ្លាំង តាមរយៈការរាំ កាន់រាងអែនអន តាមចង្វាក់ ដោយពុំនឹកស្មានថា សូម្បីតែក្មេងជាជនជាតិបរទេសក៏រាំបានយ៉ាងសមឥតទាស់យ៉ាងនេះ។
ប្រាកដណាស់ តាមរយៈសកម្មភាពក្មេងប្រុសជនជាតិបរទេសដែលចូលចិត្តសិល្បៈវប្បធម៌ខ្មែរនេះ ធ្វើអោយមហាជនសម្តែងការស្ងោចសរសើរជាខ្លាំង តាមរយៈកាយវិការដ៏រស់រវើកមួយនេះ។
គួរបញ្ជាក់ដែរថា ក្មេងប្រុសជនជាតិបរទេសខាងលើ បានមករស់នៅប្រទេសកម្ពុជារយៈពេល១ឆ្នាំកន្លះហើយ ដោយក្មេងប្រុសរូបនេះ ស្រឡាញ់ និងចូលចិត្តរស់នៅកម្ពុជា ហើយអ្វីដែលពិសេសនោះ គឺក្មេងប្រុសរូបនេះ ស្រឡាញ់សិល្បៈ វប្បធម៌ និងអរិយធម៌របស់ខ្មែរតែម្ដង។
តាមរយៈបទសម្ភាសន៍ជាមួយសារព័ត៌មានកោះសន្តិភាព ម្តាយរបស់ Elouan ដែលមានឈ្មោះថា Catherine បានប្រាប់អោយដឹងថា «Elouan ដែលមករស់នៅកម្ពុជា ក្នុងខេត្តសៀមរាបនេះ គឺមានរយៈពេល១ឆ្នាំកន្លះហើយ ដោយពួកយើងស្រឡាញ់ចូលចិត្តការរស់នៅទីនេះ ហើយក៏រស់នៅដូចជាប្រជាជនខ្មែរអញ្ចឹងដែរ»។
អ្នកស្រី Catherine ដែលមានឈ្មោះជាភាសាខ្មែរថា «បរមី» បានប្រាប់អោយដឹងបន្តថា «Elouan ចូលចិត្តសិល្បៈ របាំ តន្ត្រីបុរាណ គំនូរ សម្លៀកបំពាក់ខ្មែរ និងក្រមា ហើយនាពេលបច្ចុប្បន្នក៏អាចរាំរបាំផងដែរ ដូច្នេះហើយទើបបានជាគាត់អាចរាំបានដូច្នេះ»។
អ្នកស្រី បរមី ម្តាយរបស់ Elouan បន្តទៀតថា «គាត់កំពុងរៀនសរសេរ និងអានភាសាខ្មែរ អង់គ្លេស និងចិន ហើយក៏ចង់រៀនបន្ថែមទៅលើល្បុក្កតោផងដែរ។ Elouan រស់នៅកម្ពុជាកន្លងមកនេះ គាត់ចូលចិត្តម្ហូបខ្មែរ ដូចជា ៖ ប្រហុក សម្លម្ជូរ អាម៉ុក និងអ្វីផ្សេងៗទៀត»។
គួរបញ្ជាក់ផងដែរថា Elouan ជាក្មេងប្រុសម្នាក់ដែលបានបង្ហាញការរាំរបស់ខ្លួននៅលើផ្លូវ Pub Street នោះ ពិតជាទទួលបានការចាប់អារម្មណ៍យ៉ាងខ្លាំង ដោយសារក្មេងប្រុសរូបនេះ ស្រឡាញ់ចូលចិត្តសិល្បៈវប្បធម៌ខ្មែរ ពោលគឺចូលចិត្តរាំអោយមហាជនបានទស្សនា ដូចអ្វីដែលបានទស្សនាកាលពីកន្លងទៅនោះ ។
គួរបញ្ជាក់ទៀតថា វប្បធម៌ខ្មែរ កាន់រីកសាយភាយ ដូច្នេះក្នុងនាមជាខ្មែរត្រូវតែគាំទ្រនូវអ្វីដែលខ្មែរមាន ដើម្បីអោយវប្បធម៌ អរិយធម៌ របស់ប្រជនខ្មែរ កាន់តែលេចធ្លោបន្ថែមទៀតនៅលើឆាកកអន្តរជាតិ។
គួររំលឹកផងដែរថា ៖ ផ្ទុះការចាប់អារម្មណ៍! ក្មេងប្រុសបរទេសម្នាក់រាំរបាំបុរាណខ្មែរលើទឹកដីអង្គរកក្រើកបណ្តាញសង្គម (វីដេអូ) ៕ ដោយ ៖ លីហួ គីមឆាយ
@enjoy_with_elouan I love Khmer dance and the Angkor temples. Enjoy with me! #cambodia #Siemreap #angkor #apsaradance #khmerdance #angkowatcambodia🇰🇭
♬ son original – Enjoy_with_Elouan
@enjoy_with_elouan My dance this weekend at Pubstreet in Siem Reap. Thanks to my teacher @So Channou for teaching me. Filmed by Pesith Chao #khmermusic🇰🇭 #lovecambodia #pubstreetsiemreap #siemreap #khmerculture #khmer #dance
♬ son original – Enjoy_with_Elouan
@enjoy_with_elouan When I hear Khmer music, I start dancing. Thank you to the musicians for sharing this moment.#lovecambodia #enjoy #siemreap #pubstreetsiemreap #khmer #khmerculture #khmerdance
♬ son original – Enjoy_with_Elouan
@enjoy_with_elouan I would love to know how to play as well as my friends. I really like Khmer music. When I listen to it, mom says I smile #siemreap #lovecambodia #khmerdance #khmerculture #khmermusic🇰🇭 #cambodia
♬ son original – Enjoy_with_Elouan
@enjoy_with_elouan When I was making an offering at Wat Bo with my friend Veasna, we wanted to dance a little for fun. Enjoy #watbo #monk #khmerculture #khmerdance #lovecambodia vecambodia #siemreap
♬ son original – Enjoy_with_Elouan
ចែករំលែកព័តមាននេះ