ខេត្តបន្ទាយមានជ័យ ៖ ប្រជាពលរដ្ឋស្ម័គ្រចិត្តកាត់សំយ៉ាបផ្ទះមុនគេ គឺទទួលបានប័ណ្ណសរសើរពីអភិបាលក្រុងសិរីសោភ័ណចំនួន៥ល្វែង នៅថ្ងៃទី១៧ ខែវិច្ឆិកា ឆ្នាំ២០២៣ ដែលស្ថិតនៅតាមផ្លូវជាតិលេខ៥៦ ។ លោក…
ខេត្តបន្ទាយមានជ័យ ៖ ប្រជាពលរដ្ឋស្ម័គ្រចិត្តកាត់សំយ៉ាបផ្ទះមុនគេ គឺទទួលបានប័ណ្ណសរសើរពីអភិបាលក្រុងសិរីសោភ័ណចំនួន៥ល្វែង នៅថ្ងៃទី១៧ ខែវិច្ឆិកា ឆ្នាំ២០២៣ ដែលស្ថិតនៅតាមផ្លូវជាតិលេខ៥៦ ។
លោក ស្រេង សុផល អភិបាលក្រុងសិរីសោភ័ណបានប្រាប់ថា មានប្រជាពលរដ្ឋចំនួន៥គ្រួសារបានស្ម័គ្រចិត្តកាត់សំយ៉ាបផ្ទះដោយខ្លួនឯង ហើយពេលនេះរដ្ឋបាលក្រុងសិរីសោភ័ណបានចេញប័ណ្ណសរសើរជូនដែលលោកត្រូវប្រគល់ជូននៅពេលនេះ ជាការលើកទឹកចិត្តចូលរៀបចំសណ្តាប់ធ្នាក់និងសោភ័ណក្រុង។
លោកបានបញ្ជាក់ថា រយៈពេលជិត១សប្តាហ៍ដែលរដ្ឋបាលក្រុងសិរីសោភ័ណ បានជូនដំណឹងនិងចុះវាស់វែងដោយមន្ត្រីជំនាញហើយណែនាំដល់ប្រជាពលរដ្ឋដែលធ្វើសំយ៉ាបរំលោភចំណីផ្លូវកសាងតូប និងផ្ទះរំលោភចំណីផ្លូវដែលធ្វើអោយប៉ៈពាល់សណ្តាប់ធ្នាប់ និងសោភ័ណភាពក្រុងប្រឈមគ្រោះថ្នាក់ចរាចរណ៍កើតឡើងគ្រប់ពេល ។
លោក ស្រេង សុផល បានបញ្ជាក់ថា ជាការណែនាំពីអភិបាលខេត្តបន្ទាយមានជ័យ ឯកឧត្តម អ៊ុំ រាត្រី ដើម្បីរៀបចំសណ្តាប់ធ្នាប់អោយមានសោភ័ណ លោកបានដឹកនាំមន្ត្រីជំនាញចុះពិនិត្យកំណត់អ័ក្ខផ្លូវនិងធ្វើកាវាស់វែង ហើយណែនាំដល់ប្រជាពលរដ្ឋដែលកសាងសំយ៉ាបផ្ទះ និងតូបរំលោភលើចំណីផ្លូវដែលប៉ៈពាល់សណ្តាប់ធ្នាប់ និងប្រឈមគ្រោះថ្នាក់ ត្រូវបានចុះណែនាំហើយសុំអោយម្ចាស់ផ្ទះកាត់ដោយខ្លួនឯង ។
ជាក់ស្តែងពេលនេះ កាត់បានមួយចំនួនតាមផ្លូវជាតិលេខ៥៦ ហើយបន្តទៅផ្លូវជាតិលេខ៦និងធ្វើក្នុងទីប្រជុំជនក្រុងសិរីសោភ័ណ ។
ចែករំលែកព័តមាននេះ