ខេត្តបន្ទាយមានជ័យ ៖ ខេត្តបន្ទាយមានជ័យ មានអ្នកជំងឺអេដស៍ចំនួន៤,០៩១នាក់ ដែលកំពុងប្រើប្រាស់ថ្នាំARV និងកុមារឆ្លងពីម្តាយចំនួន៤១នាក់ ។ នេះបើយោងតាមរបាយការណ៍នៅក្នុងសិក្ខាសាលាមួយ កាលពីថ្ងៃទី១៥ ខែវិច្ឆិកា…
ខេត្តបន្ទាយមានជ័យ ៖ ខេត្តបន្ទាយមានជ័យ មានអ្នកជំងឺអេដស៍ចំនួន៤,០៩១នាក់ ដែលកំពុងប្រើប្រាស់ថ្នាំARV និងកុមារឆ្លងពីម្តាយចំនួន៤១នាក់ ។ នេះបើយោងតាមរបាយការណ៍នៅក្នុងសិក្ខាសាលាមួយ កាលពីថ្ងៃទី១៥ ខែវិច្ឆិកា ឆ្នាំ២០២៣ នៅខេត្តបន្ទាយមានជ័យ ។
លោកវេជ្ជបណ្ឌិត ចេ ពីចិត្ត អនុប្រធានមន្ទីសុខាភិបាលខេត្តបន្ទាយមានជ័យបានលើកឡើងថា នៅខេត្តបន្ទាយមានជ័យ រហូតដល់ឆ្នាំ២០២៣នេះ មានអ្នកផ្ទុកមេរោគអេដស៍ចំនួន៤,០៩១នាក់ដែលកំពុងប្រើប្រាស់ថ្នាំARVចំនួន៤,០៩១នាក់ និងមានកុមារដែលផ្ទុកមេរោគអេដស៍ចំនួន៤១នាក់ និងមនុស្សពេញវ័យដែលផ្ទុកមេរោគអេដស៍ចំនួន៤,០៥០នាក់។
លោកបានបញ្ជាក់ទៀតថា អ្នកដែលផ្ទុកមេរោគអេដស៍ចំនួន៤,០៩១នាក់នៅខេត្តបន្ទាយមានជ័យត្រូវបានមន្ត្រីជំនាញធ្វើតេស្តរកឃើញមេរោគអេដស៍ខ្ពស់១០០ភាគរយ ទើបផ្តល់ថ្នាំបង្កាដោយពុំ
គិតពីCD4 និងWHOនោះទេ ។
ឯកឧត្តម រស់ សីលវ៉ាត់ អនុប្រធានអាជ្ញាធរជាតិប្រយុទ្ធជំងឺអេដស៍បានមានប្រសាសន៍សិក្ខាសាលាស្តីពីការស្វែងរកវិធីសាស្គ្រដោះស្រាយបញ្ហាស្មុគស្មាញក្នុងការគ្រប់គ្រងស្ថានភាពរីករាលដាលមេរោគអេដស៍ មានគោលបំណងគូសបញ្ជាក់ពីការប្តេជ្ញាចិត្តខ្ពស់របស់រាជរដ្ឋាភិបាលកម្ពុជាក្នុងការបន្តកិច្ចខិតខំប្រឹងប្រែងប្រកប ដោយឆន្ទះមោះមុត ឈានទៅសម្រេចបានគោលដៅបញ្ចប់បញ្ហាអេដស៍នៅកម្ពុជាឆ្នាំ២០២៥ ។
ចែករំលែកព័តមាននេះ