ករុណា ពេជ្រ បដិសេធពាក្យចចាមអារ៉ាមថា មានបញ្ហានឹងស្ថានទូត ក្រោយមកអាមេរិកមិនឃើញសម្តែង
- ភ្នំពេញ
តារាចម្រៀងលោក ករុណា ពេជ្រ បានចេញមុខឆ្លើយតបចំពោះពាក្យចចាមអារ៉ាមមួយចំនួនដែលបានលើកឡើងថា
រាជធានីភ្នំពេញ ៖ តារាចម្រៀងលោក ករុណា ពេជ្រ បានចេញមុខឆ្លើយតបចំពោះពាក្យចចាមអារ៉ាមមួយចំនួនដែលបានលើកឡើងថា លោកប្រហែលជាមានបញ្ហាជាមួយស្ថានទូតអាមេរិកនៅកម្ពុជា ដោយសារតែគេមិនឃើញលោកសម្តែងច្រៀងរាំដូចមុនៗ ក្រោយមកជាន់ទឹកដីមួយនេះជាថ្មី។
លោក ករុណា ពេជ្រ បានចាត់ទុកពាក្យចចាមអារ៉ាមខាងលើនេះ មិនមែនជាការពិតឡើយ ព្រោះលោកមិនមានបញ្ហាអ្វីជាមួយស្ថានទូតអាមេរិកនៅកម្ពុជាដែរ ខណៈពេលដែលការមកទឹកដីអាមេរិកលើកនេះ គឺលោកមកដើរលេង មិនមែនមកសម្តែងអ្វីឡើយ។
តារាចម្រៀងលោក ករុណា ពេជ្រ បានលើកឡើងថា «បងប្អូនខ្មែរមួយចំនួនតូច គាត់ពុំសូវបានយល់ច្បាស់ពីច្បាប់វីសា USA ដូច្នេះពួកគាត់បានខ្សឹបខ្សៀវគ្នា បង្ខូចកិត្តិយសខ្ញុំថា ករុណា ពេជ្រ មកសហរដ្ឋអាមេរិកលើកនេះ ប្រហែលជាមានបញ្ហាអ្វីជាមួយទូត USA នៅស្រុកខ្មែរបានគេមិនអោយសម្តែង ច្រៀង ដូចតារាដទៃដូច្នេះ ករុណា ពេជ្រ សូមបញ្ជាក់បងប្អូនអោយបានជ្រាបថា ខ្ញុំមក USA លើកនេះ គឺមកដើរលេង ដើរកម្សាន្ត ដើរទាត់ខ្យល់ទេ មិនមែនមកសម្តែងជាអាជីព ឬមកប្រកបធ្វើការងារលួ.ចលា.ក់នោះឡើយ គឺខ្ញុំចូលសម្ភាសន៍សុំវីសា ប្រភេទ B1-B2 សម្រាប់ដើរលេង»។
លោកបញ្ជាក់ថា «ប្រសិនខ្ញុំចេញសម្តែង ច្រៀង បែបរកស៊ី ខុសពីច្បាប់ វីសា របស់ខ្ញុំ គឺខ្ញុំត្រូវខុសច្បាប់ ហើយអាចទូតមិនអនុញ្ញាត្តជាន់ដី USA អស់មួយជីវិតក៏អាចថាបាន ដូច្នេះបងប្អូនមួយចំនួនកំពុងខ្សឹបខ្សៀវចង់បង្ខូចកិត្តិយសខ្ញុំ សូមមេត្តាជ្រាបជាដំណឹង ជាពិសេសយល់ដឹងអោយច្បាស់លើប្រភេទវីសា របស់សហរដ្ឋអាមេរិក»។
ជាការកត់សម្គាល់ តារាចម្រៀងលោក ករុណា ពេជ្រ បានចេញទៅដើរកម្សាន្ត និងជួបជុំសាច់ញាតិនៅលើទឹកដីអាមេរិកចំនួន៤សប្តាហ៍ មុនពេលលោកវិលត្រឡប់មកកាន់ទឹកដីកម្ពុជាវិញ ។ ក្នុងដំណើរមកទឹកដីមហាអំណាចរបស់លោកនាពេលនេះ បើទោះបីជាមិនមែនមកសម្តែងក៏ដោយ ប៉ុន្តែលោកក៏ត្រូវបានទទួលស្វាគមន៍យ៉ាងកក់ក្តីពីសំណាក់សាច់ញាតិ និងបងប្អូនខ្មែរយើងនៅទីនោះ ព្រោះពួកគេបានស្គាល់លោកជាតារាចម្រៀងម្នាក់ផងដែរ។
ជាក់ស្តែង នៅមុនពេលឡើងយន្តហោះមកកាន់ស្រុកកំណើតវិញ លោក ករុណា ពេជ្រ បានបង្ហោះសារថា «លាមួយរយៈខ្លី ទឹកដីសហរដ្ឋអាមេរិក អរគុណគ្រប់យ៉ាង បងប្រុស បងស្រី ចេចេ ម៉ាក់ប៉ា បងប្អូនខ្មែរ នៅ USA ដែលបានស្រលាញ់ រាប់អាន ទទួល ករុណាពេជ្រ ដោយក្តីរាប់អាន អាណិតស្រលាញ់»។ លោកថា «មកលេងលើកនេះ មានអនុស្សាវរីយ៍ល្អៗច្រើនណាស់ ហើយខ្ញុំនឹងចងចាំដោយស្នាមញញឹម មានឱកាសជួបគ្នាសារជាថ្មីម្តងទៀត»៕
ចែករំលែកព័តមាននេះ