ឆ្នាំ២០២៣នេះ កម្ពុជាមានលទ្ធភាពថែរក្សាលំនឹងតម្លៃអគ្គិសនី ទោះបីរដ្ឋត្រូវខាតបង់មួយចំនួនក៏ដោយ
រាជធានីភ្នំពេញ ៖ សម្ដេចធិបតី ហ៊ុន ម៉ាណែត នាយករដ្ឋមន្ដ្រី នៃកម្ពុជា បានគូសបញ្ជាក់ឲ្យដឹងថា ឆ្នាំ២០២៣នេះ កម្ពុជា…
រាជធានីភ្នំពេញ ៖ សម្ដេចធិបតី ហ៊ុន ម៉ាណែត នាយករដ្ឋមន្ដ្រី នៃកម្ពុជា បានគូសបញ្ជាក់ឲ្យដឹងថា ឆ្នាំ២០២៣នេះ កម្ពុជា មានលទ្ធភាព ក្នុងការថែរក្សាលំនឹង នូវតម្លៃអគ្គិសនី ទោះបីជារដ្ឋ ត្រូវខាតបង់មួយចំនួនក៏ដោយ ។
ថ្លែងក្នុងពិធីសម្ពោធដាក់ឲ្យប្រើប្រាស់ជាផ្លូវការ អាកាសយានដ្ឋានអន្តរជាតិសៀមរាប-អង្គរ នាព្រឹកថ្ងៃទី១៦ ខែវិច្ឆិកា ឆ្នាំ២០២៣ សម្ដេចធិបតី ហ៊ុន ម៉ាណែត បានឲ្យដឹងថា បើទោះបីកម្ពុជាជួបការលំបាកដោយសារបញ្ហាសេដ្ឋកិច្ចសកល តែកម្ពុជាបន្តប្រឹងប្រែងមិនឲ្យតម្លៃអគ្គិសនីឡើងថ្លៃនោះឡើយ ។
សម្ដេចធិបតី នាយករដ្ឋមន្ត្រី បានគូសបញ្ជាក់ថា ៖ «ទោះបីវិបត្តិថាមពល នៅលើពិភពលោក ដែលតម្រូវឲ្យប្រទេសជាច្រើន ក្នុងតំបន់ និងលើពិភពលោក ត្រូវដំឡើងថ្លៃអគ្គិសនីប្រើប្រាស់ដល់ប្រជាពលរដ្ឋ ធ្វើឲ្យប៉ះពាល់ជីវភាពប្រជាពលរដ្ឋ នៅបណ្ដាប្រទេសមួយចំនួន។ កម្ពុជា ឆ្នាំ២០២៣នេះ មានលទ្ធភាព ក្នុងការថែរក្សាលំនឹង ថ្លៃភ្លើង ទោះបីជារដ្ឋ ត្រូវខាតបង់មួយចំនួនក៏ដោយ ប៉ុន្ដែយើងបានខិតខំ ធ្វើយ៉ាងឲ្យថ្លៃអគ្គិសនី នៅកម្ពុជា ថែរក្សាបានពេញមួយឆ្នាំ» ។
ជាមួយគ្នានោះដែរ សម្តេចធិបតី នាយករដ្ឋមន្ត្រី បានលើកឡើងនៅក្នុងរយៈពេល ៣ខែនេះ អគ្គិសនីកម្ពុជា បានគិតគូរក្នុងការជួយលើកទឹកចិត្ត តាមរយៈការបញ្ចុះតម្លៃ ១៥% នៃការប្រើប្រាស់អគ្គិសនី ដែលលើសពីមធ្យម នៃការប្រើប្រាស់ ហើយជួយទៅដ៏ប្រតិបត្តិករ ក្នុងវិស័យទេសចរណ៍ ជាសណ្ឋាគារ ផ្ទះសំណាក់ ផ្សារទំនើប ភោនីដ្ឋានធំៗ នៅទូទាំងប្រទេសកម្ពុជា ៕
ចែករំលែកព័តមាននេះ