ខេត្តបន្ទាយមានជ័យ ៖ ជនជាតិចិន១ក្រុមបានវា.យតប់គ្នាជាមួយសន្តិសុខក្លិបកម្សាន្តរ៉ូយ៉ាល់ខេធីវី(RoyalKTV) រហូតដល់សមត្ថកិច្ចផ្ទុះអាវុ.ធ២ទៅ៣គ្រាប់ ពេលចុះអន្តរាគមន៍ទើបបញ្ឈប់ជម្លោះនោះបាន ។ បាតុភាពនេះ បានកើតឡើងនៅម៉ោង២ទៀបភ្លឺ ចូលថ្ងៃទី១៤ ខែវិច្ឆិកា ឆ្នាំ២០២៣ ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ។
ប្រជាពលរដ្ឋរស់នៅក្បែរនោះ បានប្រាប់ឱ្យដឹងថា ពួកគាត់ឃើញមានជនជាតិចិន១ក្រុម បានព្រួតគ្នាវា.យតប់ជាមួយសន្តិសុខក្លិបកម្សាន្តរ៉ូយ៉ាល់ខេធីវី នៅមុខបរិវេណក្លិប ហើយក៏មានស្នូរបា.ញ់កាំភ្លើ.ង២ទៅ៣គ្រាប់នៅពេលដែលកងកម្លាំងចុះអន្តរាគមន៍ផងដែរ បង្កឱ្យមានការភ្ញាក់ផ្អើលដល់ប្រជាពលរដ្ឋមានការភ័យខ្លាចយ៉ាងខ្លាំង ។
បើតាមពលរដ្ឋរូបនោះ បានបញ្ជាក់ថា ការប្រទូស្តរ៉ា.យគ្នារវាងជនជាតិចិន១ក្រុម វា.យទៅលើសន្តិក្លិបកម្សាន្តនេះ មិនទាន់បានដឹងអំពីមូលហេតុឱ្យច្បាស់លាស់នៅឡើយទេ គ្រាន់តែឃើញជនជាតិចិនទាំងនោះ បានព្រួតវា.យសន្តិសុខខ្មែរ ហើយត្រូវបានកម្លាំងសមត្ថកិច្ចចុះអន្តរាគមន៍ តែមិនឃើញមានការចាប់ ឬឃាត់ខ្លួនអ្នកណាមួយឡើយ គ្រាន់តែបំបែកហ្វូ.ងពួកគេតែប៉ុណ្ណោះ ។
ក្រោយការវា.យតប់គ្នារវាងជនជាតិចិន និងសន្តិសុខខ្មែរយាមក្លិបកម្សាន្តរ៉ូយ៉ាល់ខេធីវី លុះដល់ព្រឹកឡើងថ្ងៃទី១៤ ខែវិច្ឆិកា ឆ្នាំ២០២៣ ត្រូវបានសមត្ថកិច្ចជំនាញបានចុះបិទទ្វារក្លិបកម្សាន្តជាបណ្តោះអាសន្ន ក្រោយពេលមានជម្លោះនេះ ។
ប្រជាពលរដ្ឋក្រុងប៉ោយប៉ែត បានឱ្យដឹងទៀតថា ក្រុមជនជាតិចិនតែងតែបង្កអន្តិសុខធ្វើឱ្យប៉ះពាល់ដល់សណ្តាប់ធ្នាប់ជាញឹកញាប់ណាស់ នៅក្រុងប៉ោយប៉ែត ដូចជាវា.យតប់ កា.ប់ចា.ក់គ្នារវាងជនជាតិចិន និងចិន ធ្វើឱ្យប្រជាពលរដ្ឋខ្មែរមានការព្រួយបារម្ភពីភាពអសន្តិសុខនៅក្រុងប៉ោយប៉ែត ៕
ចែករំលែកព័តមាននេះ