ខេត្តបន្ទាយមានជ័យ ៖ រហូតមកទល់ពេលនេះ ករណីឃាតកម្មបាញ់សំលាប់ជនជាតិចិនរួចប្លង់ចោលក្នុងរថយន្តដូចជាមិនទាន់ឃាត់ខ្លួនឃាតករបាននៅឡើយទេ ត្រឹមថ្ងៃទី០៩ ខែវិច្ឆិកា ឆ្នាំ២០២៣ ដែលបានកើតឡើងនៅក្នុងក្រុងប៉ោយប៉ែត ។ លោកវរសេនីយ៍ឯក…
ខេត្តបន្ទាយមានជ័យ ៖ រហូតមកទល់ពេលនេះ ករណីឃាតកម្មបាញ់សំលាប់ជនជាតិចិនរួចប្លង់ចោលក្នុងរថយន្តដូចជាមិនទាន់ឃាត់ខ្លួនឃាតករបាននៅឡើយទេ ត្រឹមថ្ងៃទី០៩ ខែវិច្ឆិកា ឆ្នាំ២០២៣ ដែលបានកើតឡើងនៅក្នុងក្រុងប៉ោយប៉ែត ។
លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែតបានប្រាប់ថា ស្ថិតនៅចំណុចបរិវេណខាងក្រោយស្ថានីយដឹកអ្នកដំណើរភ្ញៀវទេសចរក្រុងប៉ោយប៉ែត ក្នុងភូមិអណ្តូងថ្មមាស សង្កាត់និមិត្ត ក្រុងប៉ោយប៉ែត ត្រូវបានប្រជាពលរដ្ឋប្រទះឃើញសាកសពត្រូវបានប្លង់ចោលក្នុងរថយន្តម៉ាកឡិចស៊ីសRX.330 ពណ៌.ស ដែលពាក់ផ្លាកលេខភ្នំពេញ2AP-6254 ត្រូវបានរាយការណ៍ជូនសមត្ថកិច្ចនិងអាជ្ញាធរ ។
លោកបានបញ្ជាក់ថា ក្រោយទទួលព័ត៌មាន កម្លាំងនគរបាលជំនាញក្រុងប៉ោយប៉ែត និងខេត្តបានចុះមកពិនិត្យឃើញថា សាកសពជនជាតិចិនដែលមានអាយុប្រមាណជិត៣០ឆ្នាំ ត្រូវបានឃាតករបាញ់ត្រូវចំនួន២គ្រាប់ គ្រាប់ទី១ចំក្បាលពីក្រោយធា្លយមកភ្នែកខាងស្តាំគ្រាប់ និងទី២ត្រូវសៀតផ្កាម្ខាងទៅម្ខាងដែលស្លាប់នៅលើកៅរថយន្តខាងមុខខាងស្តាំដៃបានស្លាប់រយៈពេល២យប់មកហើយនិងរកឃើញវត្ថុតាងសំបោគ្រាប់អាវុធខ្លី២គ្រាប់ម៉ាក់ឡុក ។
លោកវរសេនីយ៍ឯក សៅ សារឿនបានបញ្ជាក់ថា សាកសពជនជាតិចិន ក្រោយជំនាញពិនិត្យហើបានយកទៅតម្កលទុកវត្តប្រជាធម្មសង្កាត់ផ្សារកណ្តាលកម្លាំងជំនាញកំពុងស្រាវជ្រាវរកឃាតករដែលបានបាញ់សំលាប់ទៅលើជនរងគ្រោះស្លាប់ប្លង់ចោលក្នុងរថយន្ត។
ប្រជាពលរដ្ឋលើកឡើងថា ករណីឃាតកម្មចាក់និងបាញ់សំលាប់នៅក្រុងប៉ោយប៉ែត បានកើតមានជាញឹកញាប់ដែលភាគច្រើនកើតឡើងទៅលើជនជាតិចិនបាញ់សំលាប់យកទៅបោះចោលក្បែរព្រំដែន និងចាក់សំលាប់ក្នុងអគារ ។
មានព័ត៌មានបន្ថែម កោះសន្តិភាពផ្សាយជូនបន្ត ។
ចែករំលែកព័តមាននេះ