ខេត្តបន្ទាយមានជ័យ ៖ បង្ក្រាបទីតាំងខារ៉ាអូខេដោយកម្លាំងធ្វើការឃាត់ខ្លួនមនុស្សប្រុស-ស្រីចំនួន១០៧នាក់ ក្នុងនោះ មានជនជាតិបរទេស៤២នាក់ផងដែរ ដើម្បីពិនិត្យធ្វើតេស្តរកសារធាតុញៀន ធ្វើឡើងនៅថ្ងៃទី០៧ ខែវិច្ឆិកា ឆ្នាំ២០២៣ នៅក្រុងប៉ោយប៉ែត ។
លោកឧត្តមសេនីយ៍ត្រី ធិន ស៊ិនដេត ស្នងការការរងទទួលផែការងារប្រឆាំងគ្រឿងញៀនខេត្តបន្ទាយមានជ័យបានប្រាប់ថា កាលពីយប់ថ្ងៃទី០៤ វិច្ឆិកា ឆ្នាំ២០២៣ ស្ថិតនៅភូមិអូរជ្រៅ សង្កាត់ប៉ោយប៉ែត កម្លាំងនគរបាលជំនាញ បានចុះប្រតិបត្តិការបង្ក្រាបទីតាំងខារ៉ាអូខេ(យីហោSKY.KTV) និងឃាត់ខ្លួនមនុស្សបានចំនួន១០៧នាក់ (មានស្រី៤០នាក់) ។
ក្នុងនោះ មានជនបរទេសចំនួន៤២នាក់ (ស្រី០៧នាក់) មានជនជាតិឥណ្ឌូនេស៊ី២១នាក់ ជនជាតិវៀតណាម១៥នាក់ ជនជាតិចិន០៣នាក់ និងជនជាតិថៃ០៣នាក់ ដោយដកហូតបានម្សៅ.សថ្លាចំនួន០៦ថង់ និង១កូនថង់តូច ថ្នាំកញ្ចប់ពណ៌ក្រហម(រូបសេះ១កញ្ចប់ពណ៌ក្រហម(រូមទំពាំងបាយជូរ)១កញ្ចប់ ពណ៌លឿង១០កញ្ចប់ ពណ៌ទឹកក្រូច១កញ្ចប់ និងថ្នាំពណ៌ក្រហមអក្ស(LV)១កញ្ចប់ ។
លោកបានបញ្ជាក់ទៀតថា ជនសង្ស័យចំនួន១០៧នាក់ មានស្រី៤០នាក់ ភាគច្រើនជាជនបរទេសដែលឃាត់ខ្លួននៅទីតាំងខារ៉ាអូខេនិងដកហូតវត្ថុតាងគ្រឿងញៀន និងសង្ស័យចែកចាយនិងប្រើប្រាស់គ្រឿងញៀនត្រូវបានបិតទីតាំងខារ៉ាអូខេ(យីហោSKY.KTV)ជាបណ្តុះអាសន្ន ហើយត្រូវបានបញ្ជូនទៅអធិការដ្ឋាននគរបាលក្រុងប៉ោយប៉ែត ដើម្បីធ្វើការសាកសួរនិងពិនិត្យធ្វើតេស្តរកសារធាតុញៀន។
លោកឧត្តមសេនីយ៍ត្រី ធិន ស៊ីនដេត បានបញ្ជាក់ថា ជនសង្ស័យចំនួន១០៧នាក់ កម្លាំងជំនាញបានពិនិត្យធ្វើតេស្តរកសារធាតុញៀនរយៈពេល២ថ្ងៃទើបអាចបញ្ចប់ ។
មានព័ត៌មានបន្ថែម កោះសន្តិភាពមានផ្សាយជូនបន្ត ។
ចែករំលែកព័តមាននេះ