ស្ត្រីពេស្យា និងបុរសដែលស្វែងរកស្ត្រីពេស្យា ឬអ្នករកកម្រៃជើងសា ឱ្យភ្ញៀវជាច្រើននាក់ បានប្រមូលម្តុំគ្នាធ្វើបាតុកម្មនៅក្បែរតំបន់ ភ្លើងក្រហម ក្នុងទីក្រុងសេអ៊ូល កាលពីថ្ងៃទី១៧ ឧសភា កន្លងមក ដើម្បីប្រឆាំងនឹងប៉ូលិសដែលបិទសណ្ឋាគារ ឬផ្ទះសំណាក់វាំងននបិទជាច្រើនកន្លែង ខណៈមនុស្សជាច្រើននាក់ព្យាយាមប្រឆាំងដោយការដុតខ្លួន ប៉ុន្តែមិនបានទទួលជោគជ័យ ។
បាតុករប្រហែល៤០០នាក់ ភាគច្រើនជាស្ត្រីដោយពាក់មួកពណ៌ក្រហម ស្រោមមុខ និងវ៉ែនតា ការពារកម្តៅថ្ងៃ បាននាំគ្នាស្រែកទាមទារសិទ្ធិក្នុងការប្រកបមុខរបរពេស្យា កាលពីថ្ងៃទី១៧ ឧសភា កន្លងទៅ និងមានការប៉ះទង្គិចគ្នាតិចតួចរវាងក្រុមបាតុករ និងប៉ូលិស ប៉ុន្តែមិនមានអ្នកណាម្នាក់រងរបួសធ្ងន់ធ្ងរឡើយ។
ក្នុងអំឡុងពេល មានក្រុមបាតុករប្រហែល២០នាក់ស្លៀកតែខោទ្រនាប់ ហើយលាបពណ៌ចម្រុះតាមរាងកាយ និងផ្ទៃមុខសម្រាប់បិទបាំងខ្លួន ដោយមានស្រោចវត្ថុរាវអាចដុតឆេះនៅលើដងខ្លួនដើម្បីប្រឆាំង ប៉ុន្តែមានមនុស្សមកហាមឃាត់ទាន់ពេលវេលា ។ ស្របពេលជាមួយគ្នានេះក៏មានស្ត្រីមួយចំនួនដេកអាក្រាតននលគកនៅលើផ្លូវ និងស្រែកឡាំប៉ាមិនពេញចិត្តដោយមានមិត្តភក្តិរង់ចាំលួងលោមឱ្យពួកគេស្ងប់ស្ងៀម ។
មុខរបរពេស្យាចារចាត់ទុកថា ជារឿងខុសច្បាប់នៅកូរ៉េខាងត្បូង ប៉ុន្តែក៏មានមនុស្សប្រកបរបរនេះយ៉ាងច្រើន ទោះបីជាកន្លងមកអាជ្ញាធរបានធ្វើការបង្ក្រាបជាច្រើនលើកក៏ដោយ ។
មូលហេតុនៃការធ្វើបាតុកម្មគឺដោយសារប៉ូលិសយករថយន្តទៅឈប់សំចតនៅក្បែរសណ្ឋាគារវាំងនន មិនឱ្យអតិថិជនចូលទៅរកសេវាផ្លូវភេទ។ក្រុមស្ត្រីពេស្យា បានចោទប្រកាន់ទៅលើហាងទំនិញមួយកន្លែងថា ជាអ្នកជំរុញឱ្យប៉ូលិសប្រតិបត្តិការបែបនេះតែប៉ូលិសបានបដិសេធការចោទប្រកាន់ខាងលើ ។ មានហេតុផលមួួយផ្សេងទៀត ក្នុងចំណោមហេតុផលប្រឆាំង គឺកាលពីថ្ងៃអាទិត្យកន្លងមក ក្រុមស្ត្រីពេស្យាបានធ្វើបាតុកម្មដោយចូលទៅទិញទំនិញមានតម្លៃខ្ពស់ពីហាងខាងលើដោយប្រើតែលុយ«កាក់» លុះនៅពេលបដិ សេធពួកនាងក៏ចាក់«កាក់»ទាំងអស់គរទុកចោលនៅក្នុងហាង ៕
ចែករំលែកព័តមាននេះ