ADផ្ទាំងផ្សព្វផ្សាយពាណិជ្ជកម្ម

Picture

ពេល​កូន​មិន​ចង់​រៀន នេះ​ជា​អ្វី​ដែល​ឪពុក​ម្តាយ​ត្រូវធ្វើ !

8 ខែ មុន
  • ភ្នំពេញ

រាជធានី​ភ្នំពេញ ៖ កុមារ​គ្រប់​រូប​មាន​លក្ខណៈ​ពិសេស​រៀង​ៗ​ខ្លួន ដូច្នេះ​ហើយ​ពួក​គេ​ត្រូវការ​បរិយាកាស​ខុស​ៗ​គ្នា ដើម្បី​ឈាន​ទៅ​ដល់​សក្តានុពល​ពួក​គេ ។ ក្នុង​ពេល​បច្ចុប្បន្ន វា​ក្លាយជា​ការ​ពិបាក​សម្រាប់​ក្មេង​ៗ​ក្នុង​ការ​ប្រឹងប្រែង​រៀនសូត្រ ដោយសារ​ការ​ប្រកួតប្រជែង និង​មេរៀន​ច្រើន​ពេក…

រាជធានី​ភ្នំពេញ ៖ កុមារ​គ្រប់​រូប​មាន​លក្ខណៈ​ពិសេស​រៀង​ៗ​ខ្លួន ដូច្នេះ​ហើយ​ពួក​គេ​ត្រូវការ​បរិយាកាស​ខុស​ៗ​គ្នា ដើម្បី​ឈាន​ទៅ​ដល់​សក្តានុពល​ពួក​គេ ។ ក្នុង​ពេល​បច្ចុប្បន្ន វា​ក្លាយជា​ការ​ពិបាក​សម្រាប់​ក្មេង​ៗ​ក្នុង​ការ​ប្រឹងប្រែង​រៀនសូត្រ ដោយសារ​ការ​ប្រកួតប្រជែង និង​មេរៀន​ច្រើន​ពេក ។​សូ​ម្បី​តែ​មនុស្ស​ពេញវ័យ​ក៏​អាច​ប្រឈម​មុខ​នឹង​សម្ពាធ​បែប​នេះ​នៅ​ក្នុង​ជីវិត​ប្រចាំ​ថ្ងៃ​ដែរ មិន​ថា​វា​ទាក់ទង​នឹង​ការងារ និង​គ្រួសារ ។

ក្មេង​ៗ​ក៏​មាន​សម្ពាធ​ដែរ ព្រោះថា ពួក​គេ​ត្រូវធ្វើ​ឱ្យ​បាន​ល្អ​ប្រសើរ​លើ​គ្រប់មុខ​វិជ្ជា ។ កុមារ​ខ្លះ​ងាយ​ផ្តោតអារម្មណ៍ និង​រៀន​ឆាប់​ចាំ ហើយ​ពួក​គេ​ក៏​ងាយស្រួល ហើយ​ចង់​រៀន​បន្ថែម​ទៀត ។ ខណៈ​ពេល​ដែល​ក្មេង​ខ្លះ​ទៀត ពិបាក​ក្នុង​ការ​រៀនសូត្រ ហើយ​ជា​រឿយ​ៗ​ធ្វើ​ឱ្យ​ពួក​គេ​ឃ្លាតឆ្ងាយ​ពី​ការ​សិក្សា ។ ការ​អប់រំ​នៅ​ក្នុង​ឆ្នាំ​ដំបូង​ៗ​ដើរតួ​នាទី​យ៉ាង​សំខាន់​ក្នុង​ការ​អភិវឌ្ឍន៍​រួម​របស់​កុមារ ។ ភាគច្រើន​នៃ​ទម្លាប់ វិន័យ​ត្រឹមត្រូវ និង​សុជីវធម៌​សង្គម​ត្រូវ​បាន​បង្កើត​ឡើង​ក្នុង​ឆ្នាំ​គ្រឹះ​ទាំងនេះ ។ នេះ​អាច​ក្លាយជា​កង្វល់​ដ៏​ធំ​មួយ សម្រាប់​ឪពុក​ម្តាយ​ជា​ច្រើន ។ ទោះបីជា​យ៉ាងណា​ក៏​ដោយ វា​តែងតែមាន​ដំណោះស្រាយ​មួយ​ចំនួន ដែល​អ្នក​អាច​អនុវត្ត ដើម្បី​ជួយ​កូន​របស់​អ្នក​អភិវឌ្ឍ​ទម្លាប់ និង​ជំនាញ​សិក្សា​កាន់តែ​ប្រសើរ ។

១. ទទួលយក​អ្វី​ដែល​កូន​អ្នកមាន ហើយ​កុំ​ទាន់​រំពឹង​ទុក​ខ្លាំង​ពេក ៖ ក្នុង​នាម​ជា​ឪពុក​ម្តាយ យើង​មាន​ក្តី​សង្ឃឹម និង​ការ​រំពឹង​ទុកជា​ច្រើន​ពី​កូន​របស់​យើង ។ យើង​ចង់ឱ្យ​ពួក​គេ​សប្បាយ​រីករាយ មាន​សុខភាព​ល្អ រៀន​ពូកែ និង​ជោគជ័យ​គ្រប់​ទិដ្ឋភាព​នៃ​ជីវិត​របស់​ពួក​គេ ។ ប៉ុន្តែ​អ្នក​ត្រូវ​ប្រាកដ​ថា ការ​រំពឹង​ទុក​របស់​អ្នក​មិន​ធ្វើ​ជា​បន្ទុក​ដែល​មិន​ចាំបាច់​សម្រាប់​កូន​របស់​អ្នក​ទេ ។ ជា​ឧទាហរណ៍ បើ​គេ​រៀន​មិន​ពូកែ ចូរ​ទទួលយក​វា ហើយ​ធ្វើខ្លួន​ឱ្យ​ធូរស្រាល និង​ស្រួលខ្លួន​សិន ។ នេះ​នឹង​ជំរុញ​កូន​របស់​អ្នក​ឱ្យ​ខិតខំ​បន្ថែម​ទៀត ។ ឱ្យ​និយម​ន័យ​គំនិត​ជោគជ័យ​របស់​អ្នក​ជាមួយ​ពួក​គេ ហើយ​ធ្វើ​ឱ្យ​ពួក​គេ​រីករាយ​នឹង​ការ​រៀនសូត្រ​ដោយ​មិន​ដាក់បន្ទុក​លើ​ពួក​គេ ។

២. មើល​ចេញពី​ចំណាប់អារម្មណ៍​របស់​ពួក​គេ ៖ ក្មេង​ៗ​ទៅ​សាលា ខំ​សិក្សា អនុវត្ត​តាម​កាល
វិភាគ ធ្វើ​កិច្ចការ និង​រៀន​ប្រធានបទ​ជាក់លាក់ ។ ប៉ុន្តែ​ប្រហែលជា​វា​មិន​ដំណើរការ​សម្រាប់​កូន​របស់​អ្នក​ទេ ។ ប្រសិនបើ​កូន​អ្នក​ធុញ ហើយ​មិន​ចាប់អារម្មណ៍​លើ​ប្រធានបទ​ដែល​បាន​បង្រៀន​នៅ​ក្នុង​សាលា ចូរ​ពង្រីក​វិធីសាស្ត្រ​របស់​អ្នក​ដោយ​ពិចារណា​លើ​ប្រធានបទ​ដែល​គេ​ចាប់អារម្មណ៍ ។ ឧទាហរណ៍ ប្រសិនបើ​កូន​របស់​អ្នក​រំភើប​អំពី​ភព ឬ​សត្វ ឬ​ធម្មជាតិ ឬ​ប្រសិនបើ​កូន​របស់​អ្នក​ចូល​ចិត្ត​ស្តាប់​រឿងនិទាន ចូរ​ស្វែង​យល់​ពី​ចំណាប់អារម្មណ៍​របស់​ពួក​គេ ហើយ​ចំណាយពេល​ដើម្បី​គាំទ្រ​ពួក​គេ ។ វា​នឹង​ជួយ​ឱ្យ​ពួក​គេ​ប្រឹងរៀន​បន្ថែម​អំពី​មុខ​វិជ្ជា​បែប​នេះ ។

៣. លើកទឹកចិត្ត​ការ​ចង់​ដឹង ចង់​ឃើញ​របស់​ពួក​គេ ៖ ក្មេង​ៗ​តែងតែ​ចង់​ដឹង​ចង់​ឃើញ​ពី​អ្វី​គ្រប់យ៉ាង​ដែល​នៅ​ជុំវិញ​ពួក​គេ ។ ផ្តល់​ឱ្យ​ពួក​គេ​នូវ​សេរីភាព​ក្នុង​ការ​ស្វែងរក​ចម្លើយ​ដោយ​ខ្លួនឯង ។ អនុញ្ញាត​ឱ្យ​ពួក​គេ​ឆ្ងល់​អំពី​ប្រធានបទ​នានា ហើយ​ឆ្លើយ​សំណួរ​របស់​ពួក​គេ​ដោយ​យកចិត្តទុកដាក់ ។ វា​នឹង​ទាក់ទាញ​ចិត្ត​កូន​របស់​អ្នក ហើយ​ពួក​គេ​នឹង​ចង់​ដឹង​ចង់​ឃើញ ដើម្បី​សិក្សា​អ្វី​ៗ​ជា​ច្រើន​ទៀត ។ កុំ​ខឹង​នឹង​ទំនោរ សកម្មភាព ឬ​សំណួរ​កូន​របស់​អ្នក ។

៤. កុំ​ខឹង​កូន ៖ សាលា មិន​គួរ​ជា​ចុងបញ្ចប់​នៃ​ការ​រៀន​នោះ​ទេ ។ កុំ​បាក់ទឹកចិត្ត បើ​កូន​រៀន​មិនសូវ​ពូកែ ឬ​មួយ​ថា គ្រូ​មិន​ពេញចិត្ត​នឹង​ការ​សិក្សា​របស់​ពួក​គេ ។ បើ​កូន​មិន​ចូល​ចិត្តការ​សិក្សា ពួក​គេ​អាច​សម្តែង​ចេញ​ការ​មិន​ពេញចិត្ត​ជាមួយ​មិត្តភក្តិ និង​គ្រូ​នៅ​សាលា ។ នេះ​ក៏​ព្រោះតែ​កុមារ​គ្រប់​រូប​ត្រូវការ​បរិយាកាស​ផ្សេង​គ្នា​ដើម្បី​លូតលាស់ ។ ជៀសវាង​ការ​ប្រើ​វិធីសាស្ត្រ​ខឹង​កូន ព្រោះ​វា​នឹង​ធ្វើ​ឱ្យ​កូន​ចាក​ចេញពី​ការ​សិក្សា​វិញ​នោះ​ទេ ។

៥. ធ្វើ​ឱ្យ​ការ​សិក្សា​មាន​ភាព​រីករាយ ៖ កុមារ​ធ្វើ​តាម​អ្វី​ដែល​ពួក​គេ​ចាប់អារម្មណ៍ ។ បង្កើត​មាន​ភាព​ច្នៃប្រឌិត ដើម្បី​ទាក់ទាញ​ការ​ចាប់អារម្មណ៍​របស់​ពួក​គេ ។

៦. រៀន​ជាមួយ​គ្នា ៖ ដូច​ជា​ក្រុម​គ្រួសារ​ហូប​បាយ​ជុំ​គ្នា​ដែរ ចូរ​ធ្វើ​ឱ្យ​ប្រាកដ​ថា អ្នក​ចំណាយពេល​នៅ​ជាមួយ​កូន រៀន និង​ធ្វើ​លំ​ហាត់​ជាមួយ​គ្នា ។ អាន​សៀវភៅ​ដែល​ពួក​គេ​ចូល​ចិត្ត មើល​ភាពយន្ត​ឯកសារ​អំពី​ប្រធានបទ​ដ៏​គួរ​ឱ្យ​រំភើប ទៅ​សារមន្ទីរ និង​សួនសត្វ ។ បង្ហាញ​ភាព​រីករាយ​ក្នុង​ការ​រៀន​អ្វី​ដែល​ថ្មី ៕

អត្ថបទ​នេះ​ផលិត​ឡើង​ក្រោម​កិច្ច​សហប្រតិបត្តិការ​ជាមួយ​សាលារៀន​វ៉េ​ស្ទ​ឡាញ​ន៍ និង​សាលារៀន​ណ​ត្ស​ឡាញ​ន៍ ។ សាលារៀន​ផ្តល់​ជូន​នូវ​កម្មវិធី​ម​ត្តេ​យ្យ​ភាសា​ខ្មែរ និង​អង់គ្លេស កម្មវិធី​ភាសា​អង់គ្លេស កម្មវិធី​ភាសា​ចិន និង​កម្មវិធី​ចំណេះ​ទូទៅ​ខ្មែរ ពី​ថ្នាក់​ទី ១ ដល់ទី ១២ វគ្គ​សិក្សា​ថ្មី ចូល​រៀន​ថ្ងៃ​ទី ៣០ ខែតុលា ឆ្នាំ ២០២៣ ខាង​មុខ​នេះ ។ សាលារៀន​ផ្តល់​ជូន​អាហារូបករណ៍​ពិសេស​រហូត​ដល់ ៤០% លើ​តម្លៃ​សិក្សា សម្រាប់​កា​ចុះ​ឈ្មោះ​ជា​ក្រុម លក្ខណៈ​គ្រួសារ ឬ​ពីរ​កម្មវិធី ព្រមទាំង​ផ្តល់​ជូន​ការ​ធានា​រ៉ាប់រង​គ្រោះថ្នាក់ និង​ការពារ​ការ​សិក្សា​បុត្រ​ធីតា​រហូត​ដល់ ៥ ឆ្នាំ ។ ការ​ផ្តល់​ជូន​ខាងលើ​នេះ​មាន​សុពលភាព​សម្រាប់​ការ​ចុះ​ឈ្មោះ​ចូល​រៀន​ត្រឹម​ថ្ងៃ​ទី ៤ ខែវិច្ឆិកា ឆ្នាំ ២០២៣ ។

សាលារៀន​ផ្តល់​ជូន​នូវ​វេទិកា និង​មធ្យោបាយ​សិក្សា​យ៉ាង​សម្បូរ​បែប​ជាមួយនឹង​ប្រព័ន្ធ​គ្រប់គ្រង​សាលារៀន ប្រព័ន្ធ​គ្រប់​គ្រង់​ការ​សិក្សា និង​អេប​សាលារៀន​ជូន​ដល់​មាតាបិតា​សិស្ស និង​សិស្សានុសិស្ស​ក្នុង​ការ​គ្រប់គ្រង​ការ​សិក្សា និង​តាមដាន​ព័ត៌មាន​សិក្សា​របស់​បុត្រ​ធីតា​ផង​ដែរ ។ សម្រាប់​ព័ត៌មាន​បន្ថែម សូម​ទំនាក់ទំនង​ទូរស័ព្ទ​លេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕