បាក់ឌុបឆ្នាំ២០២៣! បេក្ខជនចូលរួមប្រឡងជាង៦ពាន់នាក់ បើប្រៀបធៀបឆ្នាំ២០២២ មានជាង៥ពាន់នាក់
- បន្ទាយមានជ័យ
ខេត្តបន្ទាយមានជ័យ ៖ ប្រឡងបាក់ឌុបឆ្នាំ២០២៣ បេក្ខជនក្នុងបញ្ជីមានចំនួន៦,១៦៨នាក់ បើ
ខេត្តបន្ទាយមានជ័យ ៖ ប្រឡងបាក់ឌុបឆ្នាំ២០២៣ បេក្ខជនក្នុងបញ្ជីមានចំនួន៦,១៦៨នាក់ បើប្រៀបធៀបឆ្នាំ២០២២ មានចំនួន៥,៧៦០នាក់កើនឡើង៤០៨នាក់ ហើយការបើកវិញ្ញាសារប្រឡងបានប្រព្រឹត្តទៅនៅព្រឹកថ្ងៃទី៦ ខែវិច្ឆិការ ឆ្នាំ២០២៣ នៅមណ្ឌលវិទ្យាល័យសិរីសោភ័ណ។
ក្នុងឱកាសបើកវិញ្ញាសារមានលោក លី សុវណ្ណារិទ្ធ អភិបាលរងខេត្តបន្ទាយមានជ័យ លោកជំទាវ រស់ សុផានី អភិបាលរងខេត្ត លោក កែ សួនសុភាព ប្រធានសហភាព សហព័ន្ធយុវជនខេត្ត និងមន្ត្រីACU។
លោក ឈូ ប៊ុនរឿង ប្រធានមន្ទីអប់រំយុវជននិងកីឡាខេត្តបន្ទាយមានជ័យបានប្រាប់ថា ប្រឡងសញ្ញាប័ត្រមធ្យមសិក្សាទុតិភូមិឆ្នាំ២០២៣នេះខេត្តបន្ទាយមានជ័យ មានបេក្ខជនក្នុងបញ្ជីមានចំនួន៦,១៦៨នាក់ ស្រី៣,៣៧៧នាក់ ក្នុងនោះចំណេះទូទៅចំនួន៥,០៨៤នាក់ស្រី២,៩០០នាក់ ស្វ័យរិនមានចំនួន៧៩៥នាក់ ស្រី៤១៣នាក់ បំពេញវិជ្ជាមានចំនួន២៨៩នាក់ស្រី៦៤នាក់ ដែលមានមណ្ឌលប្រឡងចំនួន៨កន្លែងមានចំនួន២៣៣បន្ទប់។
លោកបានបញ្ជាក់ថា បើប្រៀបធៀបប្រឡងសញ្ញាប័ត្រមធ្យមសិក្សាទុតិភូមិឆ្នាំ២០២២នេះខេត្តបន្ទាយមានជ័យសម័យប្រឡងថ្ងៃទី៥ ខែធ្នូ ឆ្នាំ២០២២ មានបេក្ខជនក្នុងបញ្ជីមានចំនួន៥,៧៦០នាក់ស្រី៣,១៥៨នាក់ អវត្តមានចំនួន១២៦នាក់ ដែលមានមណ្ឌលប្រឡងចំនួន៧កន្លែងនៅក្រុងសិរីសោភ័ណ។
លោក លី សុវណ្ណារិទ្ធ អភិបាលរងខេត្តបន្ទាយមានជ័យបានមានប្រសាសន៍ប្រឡងបាក់ឌុបនៅឆ្នាំ២០២៣នេះបេក្ខជនក្នុងបញ្ជីមានចំនួន៦,១៦៨នាក់បើប្រៀបធៀបឆ្នាំ២០២២មានចំនួន៥,៧៦០នាក់មានការកើនឡើងចំនួន៤០៨នាក់ស្រី២១៩នាក់ ថ្លែងអំណគុណចំពោះគណៈមេប្រយោគនិងមន្ត្រីACUហើយផ្តាំផ្ញើដល់បេក្ខជននិងបេក្ខនារីត្រូវខិតយកចិត្តទុកដាក់ក្នុងការប្រឡងទទួលបានជោគជ័យនិងជាប់អោយបានគ្រប់ៗគ្នា ៕
ចែករំលែកព័តមាននេះ