អ៊ីស្រាអែលវា.យប្រហាររថយន្តសង្គ្រោះស្លា.ប់១៥នាក់
សង្គ្រាមអ៊ីស្រាអែល និងហាម៉ាស់ ៖ អគ្គលេខាធិការ អ.ប.ស លោកអានតូនីញ៉ូហ្គូទ័ររេស បានសម្ដែង
សង្គ្រាមអ៊ីស្រាអែល និងហាម៉ាស់ ៖ អគ្គលេខាធិការ អ.ប.ស លោកអានតូនីញ៉ូហ្គូទ័ររេស បានសម្ដែង
សង្គ្រាមអ៊ីស្រាអែល និងហាម៉ាស់ ៖ អគ្គលេខាធិការ អ.ប.ស លោកអានតូនីញ៉ូហ្គូទ័ររេស បានសម្ដែងការក្ដុកក្ដួលបន្ទាប់ពីការទម្លាក់គ្រាប់បែករបស់អ៊ីស្រាអែល ត្រូវចំរថយន្តសង្គ្រោះមួយ បណ្ដាលឲ្យមនុស្សស្លាប់ដល់១៥នាក់និងរបួស៥០នាក់នៅហ្គាហ្សាកាលពីថ្ងៃទី៣វិច្ឆិកា។
ប្រមុខអ.ប.សលើកឡើងថា បណ្ដារូបភាពបង្ហាញពីសាកសពមនុស្សរាយប៉ាយ តាមដងវិថីនៅមុខមន្ទីរពេទ្យមួយដែលពិតជានាំឲ្យយើងមានការរញ្ជួយចិត្តនិងក្ដុកក្ដួលខ្លាំងណាស់។ កងទ័ពអ៊ីស្រាអែលក្នុងសេចក្ដីប្រកាសមួយអះអាងថា យន្តហោះអ៊ីស្រាអែលបានវាយប្រហាររថយន្តសង្គ្រោះមួយដែលកងទ័ពកំណត់ថា ប្រើដោយសាខាភេរវកម្មមួយរបស់ហាម៉ាស់។ ក្រុមហាម៉ាស់បានបដិសេធការលើកឡើងបែបនេះ។
រថយន្តសង្គ្រោះនោះស្ថិតក្នុងចំណោមក្បួនរថយន្តសង្គ្រោះ៥គ្រឿង ក្នុងនោះ១គ្រឿងជារបស់ក្រសួងសុខាភិបាលក្រុមហាម៉ាស់ និង១គ្រឿងទៀតរបស់អឌ្ឍចន្ទក្រហម។ គ្រាប់បែកធ្លាក់ត្រង់កន្លែងមួយ ចម្ងាយត្រឹម២ម៉ែត្រពីខ្លោងទ្វារមន្ទីរពេទ្យAL -CHIFA ជាមន្ទីរពេទ្យធំជាងគេនៅហ្គាហ្សា ដែលទីនោះមានការរត់មកជ្រករបស់មនុស្សច្រើនពាន់នាក់។ រថយន្តសង្គ្រោះ១គ្រឿងទៀតរងការវាយ ត្រង់កន្លែងមួយស្ថិតនៅចម្ងាយ១គីឡូម៉ែត្រពីមន្ទីរពេទ្យ បណ្ដាលឲ្យមនុស្សច្រើននាក់រងរបួស។ អ្នកនាំពេទ្យក្រសួងសុខាភិបាលហាម៉ាស់និយាយថា ក្បួនរថយន្តសង្គ្រោះនោះដឹកអ្នករបួសច្រើននាក់ទៅកាន់ប្រទេសអេហ្ស៊ីប៕
ចែករំលែកព័តមាននេះ