នៅទីបំផុតតារាកំប្លែងនាយ ក្រឹម បានចេញមុខបញ្ជាក់ចុងក្រោយថា «បើខ្ញុំស្អប់ ឬក៏រើសអើង ខ្ញុំក៏មិនសម្ដែងត្រាប់តាមអ្នកស្រឡាញ់ភេ.ទដូចគ្នា (ភេ.ទទី៣) ដែរ» ខណៈពេលដែលលោកក៏ធ្លាប់ជួយ
រាជធានីភ្នំពេញ ៖ នៅទីបំផុតតារាកំប្លែងនាយ ក្រឹម បានចេញមុខបញ្ជាក់ចុងក្រោយថា «បើខ្ញុំស្អប់ ឬក៏រើសអើង ខ្ញុំក៏មិនសម្ដែងត្រាប់តាមអ្នកស្រឡាញ់ភេ.ទដូចគ្នា (ភេ.ទទី៣) ដែរ» ខណៈពេលដែលលោកក៏ធ្លាប់ជួយឲ្យមនុស្សអ្នកស្រឡាញ់ភេ.ទដូចគ្នានេះមួយចំនួនមានកេរ្តិ៍ឈ្មោះក្នុងវិស័យសិល្បៈនេះផងដែរ។
ការលើកឡើងរបស់តារាកំប្លែងរូបនេះ បានធ្វើឡើង បន្ទាប់ពីលោកបានទទួលរងនូវរលកនៃការរិះគន់ មិនសប្បាយចិត្តពីមហាជន និងអ្នកសិល្បៈមួយចំនួន ចំពោះពាក្យសម្តីរបស់លោកដែលបាននិយាយជ្រុលជ្រួសនៅក្នុងន័យរើសអើងដល់អ្នកស្រឡាញ់ភេ.ទដូចគ្នា (ភេ.ទទី៣) នៅក្នុងកម្មវិធី «Cambodia Got talent» កាលពីពេលថ្មីៗនេះ។
តារាកំប្លែងចាស់វស្សា លោក អ៊ូ ប៉ុណ្ណារ៉ាត់ ហៅនាយ ក្រឹម បានបង្ហោះសារនៅលើគណនីហ្វេសប៊ុករបស់ខ្លួនថា «បញ្ហាត្រូវបានដោះស្រាយ ដោយការនិយាយ ដោយបើកចិត្ត និងបេះដូង ពូក្រឹម មិនមានចេតនារើសអើងអ្នកស្រឡាញ់ភេ.ទដូចគ្នា (ភេ.ទទី៣) នោះទេ តែពាក្យពេចន៍ការនិយាយទៅ បែរជាប៉ះដល់អារម្មណ៍បងប្អូន ក្មួយៗមួយចំនួន និងអ្នកស្រឡាញ់ភេ.ទដូចគ្នា (ភេ.ទទី៣)»។
លោកបញ្ជាក់ថា «បើខ្ញុំស្អប់ ឬក៏រើសអើង ខ្ញុំក៏មិនសម្ដែងត្រាប់តាម អ្នកស្រឡាញ់ភេ.ទដូចគ្នា (ភេ.ទទី៣) ដែរ ហើយក៏មិនជួយឡង់សេអ្នកស្រឡាញ់ភេ.ទដូចគ្នាជាច្រើននាក់កន្លងមក ឱ្យមានកេរ្តិ៍ឈ្មោះមកដល់សព្វថ្ងៃនេះដែរ។ ចឹង សូមបងប្អូន ក្មួយៗអ្នកស្រឡាញ់ភេ.ទដូចគ្នា (ភេ.ទទី៣) ឈប់មានការខឹង ឬក៏វា.យប្រហា.រតទៅទៀត សុទ្ធតែគ្នាយើង តារាកំប្លែង នាយក្រឹម និងអ្នកស្រឡាញ់ភេ.ទដូចគ្នា គឺជាអ្នកផ្តល់សំណើច សើចសប្បាយដូចគ្នា»។
ដោយឡែក ក្នុងជំនួបជាមួយលោកទេសរដ្ឋមន្ត្រី កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា តារាកំប្លែងនាយក្រឹម បានលើកឡើងថា «អ្វីដែលលោកបាននិយាយនោះ គឺប្រៀបបាននឹងពាក្យចាស់ថា និយាយដោយមិនមានការក្រុងពាលី ព្រោះមាត់មិនបានក្រុងពាលី វាចេះតែនិយាយទៅ ចឹងយើងគិតដែរ អ្វីដែលគាត់មិនអាចទទួលយកបាន យើងត្រូវទទួលស្គាល់»។
លោកបញ្ជាក់ថា «កន្លងមក លោកសម្រេចនឹងមិនតប.តចំពោះរឿងមួយនេះឡើយ ព្រោះយល់ថា យើងកំពុងរស់ក្នុងម្លប់សន្តិភាពដូចគ្នា ទាំងយើង និងប្អូនៗដែលជាអ្នកស្រឡាញ់ភេ.ទដូចគ្នា (ភេ.ទទី៣) ហើយគ្មានមូលហេតុអ្វីដែលលោករើសអើងឡើយ លោកស្រឡាញ់ ពេញចិត្ត ហើយលោកក៏ធ្លាប់ជួយកូនក្មួយអ្នកស្រឡាញ់ភេ.ទដូចគ្នា (ភេ.ទទី៣) ថត រហូតមានឈ្មោះបោះសម្លេងផងដែរ»។
លោកបញ្ជាក់បន្តថា «ខ្ញុំស្រឡាញ់ណាស់ បើមានពាក្យអីលើសពីនឹងទៀត គឺមិនមានឡើយ ហើយការស្រឡាញ់របស់ខ្ញុំ គឺចេញពីបេះដូង ហើយបើប្អូនៗខឹង ពូក៏មិនដឹងធ្វើយ៉ាងម៉េច បើលេងសើចមិនបានចឹង កុំលេង»។
លោកបញ្ជាក់ទៀតថា «លោកធ្លាប់សម្តែងចរិតអ្នកស្រឡាញ់ភេ.ទដូចគ្នានេះតាំងពីឆ្នាំ១៩៨៤មកម្ល៉េះ ដូចនេះលោកមិនដែលមានគំនិតទោម្នេញ ឬក៏រើសអើងអ្នកស្រឡាញ់ភេ.ទដូចគ្នា (ភេ.ទី៣) នោះឡើយ ព្រោះចរិតពួកគាត់បែបនេះទៅហើយ»។
លោកបន្តថា «បើប្អូនទាំងអស់នោះគិតថា ខ្ញុំបាននាំឲ្យល្បីឈ្មោះក្នុងសិល្បៈនោះ យើងត្រូវគិតរួមគ្នា កសាងប្រទេសក្នុងម្លប់សន្តិភាពជាមួយគ្នា និងសប្បាយៗទាំងអស់គ្នា»។
ជាការកត់សម្គាល់ តារាកំប្លែងនាយ ក្រឹម បានទទួលរងការរិះគន់ និងខឹងសម្បាយ៉ាងខ្លាំងពីសំណាកមហាជន និងអ្នកសិល្បៈមួយចំនួន ជាពិសេសអ្នកស្រឡាញ់ភេ.ទដូចគ្នា បន្ទាប់ពីលោកបាននិយាយទៅកាន់បេក្ខជន ណុប ដាណេ ដែលជាអ្នកស្រឡាញ់ភេ.ទដូចគ្នា (ភេ.ទទី៣) និងបានចូលរួមប្រឡងក្នុងកម្មវិធី Cambodia Got talent ថា «ចិត្តខ្ញុំក៏មិនចង់ឲ្យមានក្រុមអ្នកស្រឡាញ់ភេ.ទដូចគ្នា (ក្រុមភេ.ទទី៣) ច្រើនដែរ តែបើមានប៉ុន្មាន ប៉ុណ្ណឹងចុះ កុំឲ្យមានលើសនឹង ព្រោះវាបាត់ធនធានមនុស្ស»។
គួររំលឹកថា ៖ ផ្ទុះប្រតិកម្មទៅលើនាយ ក្រឹម ចំពោះការបង្ហាញទស្សនៈរើសអើងអ្នកស្រឡាញ់ភេ.ទដូចគ្នា (វីដេអូ) ។ គួររំលឹកបន្តថា ៖ នុះ! រឿងនាយក្រឹមរើសអើងអ្នកស្រឡាញ់ភេ.ទដូចគ្នា ត្រូវសហគមន៍រ៉ក់ ធ្វើលិខិតទៅឯកឧត្តម កែវ រ៉េមី ហើយ (វីដេអូ) ។ គួររំលឹកទៀតថា ៖ លោកទេសរដ្ឋមន្ត្រី កែវ រ៉េមី បង្ហាញលទ្ធផលវិជ្ជមានក្នុងជំនួបដោះស្រាយបញ្ហា នាយ ក្រឹម ៕
ចែករំលែកព័តមាននេះ