មហាជន ជាពិសេសបណ្តាអ្នកសិល្បៈកំពុងតែផ្ទុះប្រតិកម្មពេញបណ្តាញសង្គម ដោយសម្តែងការមិនពេញចិត្តទៅលើតារាកំប្លែងនាយ ក្រឹម ដែលបានបង្ហាញទស្សនៈបែបរើសអើងទៅលើមនុស្សស្រឡាញ់ភេ.ទដូចគ្នានៅក្នុងកម្មវិធីមួយ
រាជធានីភ្នំពេញ ៖ មហាជន ជាពិសេសបណ្តាអ្នកសិល្បៈកំពុងតែផ្ទុះប្រតិកម្មពេញបណ្តាញសង្គម ដោយសម្តែងការមិនពេញចិត្តទៅលើតារាកំប្លែងនាយ ក្រឹម ដែលបានបង្ហាញទស្សនៈបែបរើសអើងទៅលើមនុស្សស្រឡាញ់ភេ.ទដូចគ្នានៅក្នុងកម្មវិធីមួយ ។
តារាកំប្លែងចាស់វស្សានាយ ក្រឹម បានលើកឡើងទៅកាន់បេក្ខភាពប្រឡងអ្នកស្រឡាញ់ដូចគ្នា (ភេ.ទទី៣) ណុប ដាណេ នៅក្នុងកម្មវិធី «Cambodia Got Talen» ដែលបានផ្សាយផ្ទាល់កាលពីរាត្រីថ្ងៃទី២៨ ខែតុលា ឆ្នាំ២០២៣នេះថា «ប្រសិនបើមានអ្នកស្រឡាញ់ភេ.ទដូចគ្នាច្រើន នោះយើងពិតជាបា.ត់ធនធានមនុស្ស ហើយចិត្តលោកផ្ទាល់ពិតជាមិនចង់ឲ្យមានច្រើនឡើយ»។
យ៉ាងណា បើទោះបីជាទស្សនៈរបស់នាយ ក្រឹម មួយផ្នែកចាត់ទុកជាការត្រឹមត្រូវក៏ដោយ ប៉ុន្តែមួយផ្នែកទៀត ត្រូវបានគេគិតថា «ទស្សនៈរបស់លោកហាក់មានការរើសអើងមកមនុស្សដែលជាអ្នកស្រឡាញ់ភេ.ទដូចគ្នា» ។
បវរកញ្ញាអ្នកស្រឡាញ់ភេ.ទដូចគ្នា នាង សាយ ហ្វុង ក៏បានសម្តែងការមិនពេញចិត្តចំពោះការលើកឡើងរបស់នាយ ក្រឹម ខាងលើនេះឡើយ ដោយនាងបញ្ចេញសំណេរបង្ហោះនៅលើបណ្តាញសង្គមថា «តើជាកំហុសទេ? ដែលកើតមកមានអត្តចរិតខុសភេ.ទកំណើត????។ ក្នុងនាមខ្ញុំ ជាអ្នកប្ដូរយេនឌ័រ ខ្ញុំសូមការពារនៅភេ.ទរបស់ពួកខ្ញុំ… ប្រទេសដែលរីកចម្រើនបំផុត ដូចជាប្រទេសមហាអំណាច គឺពោរពេញទៅដោយអ្នកស្រឡាញ់ភេ.ទដូចគ្នា និងអ្នកប្ដូរយេនឌ័រ នៅតែរីកចម្រើនខ្លាំងបំផុត គ្រប់វិស័យធនធានមនុស្ស មិនបានបញ្ជាក់នូវភេ.ទរបស់ពួកគេឡើយ។ វាអាស្រ័យទៅលើមនុស្ស និងសមត្ថភាពពិតប្រាកដរបស់ពួកគេ ចំណេះដឹង សីលធម៌ ការគោរពដល់អ្នកដទៃ សកម្មភាពទាំងនេះដែលសង្គមជាតិត្រូវការ សូមបើកចិត្តទទួលស្គាល់នូវអ្វីដែលពិតប្រាកដ រស់នៅក្រោមម្លប់សន្តិភាព ត្រូវស្រឡាញ់គ្នាផ្ដល់តម្លៃឲ្យគ្នាទៅវិញទៅមក»។
ចំណែកតារាសម្តែង រឿន ណាត ក៏បានបញ្ចេញសារនៅលើបណ្តាញសង្គមដែរថា «សុទ្ធតែអ្នកស្រឡាញ់ភេ.ទដូចគ្នា មិនអាចបង្កើតកូនបាន តែបើបង្កើតគេហើយគ្មានទំនួលខុសត្រូវលើគេ ដូចពូកុំបង្កើតគេមកល្អជាង»។ នាងបញ្ជាក់ថា «គ្រួសារពូ ខ្ញុំស្គាល់ច្បាស់ណាស់ តែដឹងត្រឹមថា ខ្ញុំមិនចង់ឱ្យសង្គមមួយនេះ មានធនធានមនុស្សប្រុសសុទ្ធ ដូចជាពូច្រើនទេ ព្រោះពូមិនមែនជាបុរសល្អ មិនមែនជាប្ដីល្អ មិនមែនជាឪពុកល្អ»។
រីឯតារាសម្តែង និងពិធីករ លោកខាត់ សម្បត្តិកិត្យា ក៏បានបង្ហោះដែរថា «ហេតុអ្វីបានទស្សនៈរើសអើងនេះត្រូវចេញពីមាត់សិល្បករ? ទាំងដែលយើងជាសិល្បករ សិល្បការិនី សុទ្ធតែបានឃើញ និងដឹងច្បាស់ថា ភេ.ទរបស់ពួកគាត់ ពិតជាបានជួយដល់វិស័យសិល្បៈភេ.ទរបស់ពួកគាត់ជាភេ.ទដែលស្រលាញ់សិល្បៈពិតប្រាកដ។ តួយ៉ាង ៖ ស្រលាញ់របាំខ្លាំងណាស់ តែមិនអាចរាំបាន សុខចិត្តតុបតែងជូនអ្នករបាំ។ ស្រលាញ់បវរកញ្ញាខ្លាំង តែខ្លួនមិនអាចប្រឡងបាន សុខចិត្តតាមតុបតែងជូនបវរកញ្ញា និងតាមជួយក្នុងវិស័យនេះយ៉ាងពេញទំហឹង ស្រលាញ់ជាតិខ្លាំង អោយតែកម្មវិធីជាតិធំៗត្រូវការ ទោះមិនបានលុយ មិនបាន ចេញមុខអោយតែបានតុបតែងអោយគេស្អាតៗ ក៏ញញឹមសប្បាយចិត្ត ។ នៅមានច្រើនទៀតនៃការលះបង់របស់ពួកគាត់នៅពីក្រោយវេទិកាជាតិធំៗ សម្រាប់សង្គមជាតិដ៏កំសត់មួយនេះ»។ លោកបញ្ជាក់ថា «ខ្ញុំបាទ ខាត់ សម្បត្តិកិត្យា បើបុគ្គលណាក៏ដោយ ឋានៈណាក៏ដោយ មិនពេញចិត្តភេ.ទដូចបង ដាណេ តែខ្ញុំពេញចិត្ត គោរពស្រលាញ់ និងសូមចេញមុខការពារ»។
ចំពោះផលិតករ និងអ្នកនិពន្ធបទចម្រៀង លោក សោម ដូរ៉េ វិញ ក៏បានបញ្ចេញទស្សនៈរបស់ខ្លួនបែបនេះដែរថា «ធ្វើជាគណៈកម្មការក្នុងកម្មវិធីប្រកួតសមត្ថភាពសេរីភាពកម្រិតអន្តរជាតិ ត្រូវប្រុងប្រយ័ត្នខ្ពស់ និងមានចក្ខុវិស័យឲ្យបានធំបំផុត ព្រោះពាក្យសម្ដីបង្ហាញពីកម្រិតចំណេះដឹង និងសតិសម្បជញ្ញៈរបស់ខ្លួនឯងទៅកាន់ទស្សនិកជន!។ លោក ខ្ញុំពិតជាសោកស្តាយចំពោះការបញ្ចេញមតិបែបសង្កត់ធ្ងន់លើភេ.ទរបស់ពូក្រឹម ទាំងខ្ញុំចូលចិត្តមើលគាត់សម្តែងជាតួអង្គអ្នកស្រឡាញ់ភេ.ទដូចគ្នា (ភេ.ទទី៣) តាំងពីកុមារភាព រាប់សិបរឿង ពិតជាអន់ចិត្តខ្លាំងជាទីបំផុត ខណៈពេលដែលក្រុមហ៊ុន ហង្សមាស កំពុងផលិតរឿង BL ជាលើកដំបូង!»។
ដោយឡែកតារាអ្នកស្រឡាញ់ភេ.ទដូចគ្នា នាង ផេន ខេក ក៏លើកឡើងតាមរយៈបណ្តាញសង្គមដែរថា «តើជាកំហុសទេ ដែលកើតមកមានអត្តចរិតខុសភេ.ទកំណើត?»។ នាងបន្តថា «ក្នុងនាមខ្ញុំ ជាអ្នកប្ដូរយេនឌ័រ ខ្ញុំសូមការពារនៅភេ.ទរបស់ពួកខ្ញុំ… ប្រទេសដែលរីកចម្រើនបំផុត ដូចជាប្រទេសមហាអំណាច គឺពោរពេញទៅដោយអ្នកស្រឡាញ់ភេ.ទដូចគ្នា និងអ្នកប្ដូរយេនឌ័រ នៅតែរីកចម្រើនខ្លាំងបំផុត គ្រប់វិស័យធនធានមនុស្ស មិនបានបញ្ជាក់នូវភេ.ទរបស់ពួកគេឡើយ។ វាអាស្រ័យទៅលើមនុស្ស និងសមត្ថភាពពិតប្រាកដរបស់ពួកគេ ចំណេះដឹង សីលធម៌ ការគោរពដល់អ្នកដទៃ សកម្មភាពទាំងនេះ ដែលសង្គមជាតិត្រូវការ សូមបើកចិត្តទទួលស្គាល់នូវអ្វីដែលពិតប្រាកដរស់នៅក្រោមម្លប់សន្តិភាព ត្រូវស្រឡាញ់គ្នា ផ្ដល់តម្លៃឲ្យគ្នាទៅវិញទៅមកសូមអរគុណ»។
តារាសម្តែងនាង ពេជ្រវត្តី សារ៉ាវាឌ្ឍី ក៏បានលើកឡើងស្រដៀងគ្នាដែរថា «នៅពេលដែលខ្ញុំទៅធ្វើការងារនៅក្រៅប្រទេស គេអោយតម្លៃការងារទៅលើមនុស្សគ្រប់ភេ.ទ ជាពិសេស LGBTQ តែហេតុអ្វីប្រទេសយើងមនុស្សមួយចំនួនបែរជានៅតែមើលងាយ នៅតែរើសអើង និងបែរជាចាត់ទុកអ្នកស្រឡាញ់ភេ.ទដូចគ្នា គឺជាអ្នកដែលធ្វើអោយបា.ត់បង់ធនធានមនុស្សទៅវិញ?»។
នាងបញ្ជាក់ថា «ក្នុងនាមខ្ញុំ បងៗខ្ញុំ និងមានហ្វេនខ្ញុំជាច្រើនអ្នកទៀតសុទ្ធតែក្រុម LGBTQ សូមផ្តាំថា មិនថាអ្នកណាក៏ដោយ សូមកុំនិយាយមើលងាយអ្នកដទៃ ទោះគេជាភេ.ទអ្វីក៏ដោយ ព្រោះគ្រប់សម្ដីដែលយើងនិយាយទៅគ្មានអ្វីក្រៅពីមើលងាយខ្លួនឯងនោះទេ»។
យ៉ាងណា រហូតមកទល់នាពេលនេះ គេនៅមិនទាន់ឃើញតារាកំប្លែងនាយ ក្រឹម ចេញមុខបកស្រាយចំពោះរឿងរ៉ាវខាងលើនេះនៅឡើយទេ ខណៈពេលដែលវីដេអូនៃការនិយាយពាក់ព័ន្ធបញ្ហាខាងលើ កំពុងតែត្រូវបានចែកចាយពាសពេញបណ្តាញសង្គម ជាមួយនឹងការស្តីបន្ទោសមករូបលោកជាច្រើនផងដែរ៕
ចែករំលែកព័តមាននេះ