ADផ្ទាំងផ្សព្វផ្សាយពាណិជ្ជកម្ម

Picture

បើ​គិត​ថា កូន​ធ្លាក់​ទឹកចិត្ត តើ​អ្វី​ដែល​ឪពុក​ម្តាយ​ត្រូវធ្វើ ?

6 ខែ មុន
  • ភ្នំពេញ

រាជធានី​ភ្នំពេញ ៖ ពេល​កូន​នៅ​ក្មេង ឪពុក​ម្តាយ​តែងតែ​ជួយ​ពួក​គេ​គ្រប់ពេល​ដែល​ពួក​គេ​ត្រូវការ​ជំនួយ ។ នៅ​ពេល​ដែល​កូន​របស់​អ្នក​កាន់តែ​ធំ ហើយ​បញ្ហា​របស់​ពួក​គេ​កាន់តែ​ស្មុ​គ្រ​ស្មាញ អ្នក​ត្រូវ​តែ​ផ្លាស់​ប្តូរ​តួនាទី​ដើរតួ​ជា​អ្នក​ជំនួយការ​កាន់តែ​ច្រើន ហើយ​អាច​កាន់តែ​ពិបាក ជា​ពិសេស​ប្រសិនបើ​អ្នក​មានកូន​ដែល​ងាយ​ធ្លាក់​ទឹកចិត្ត…

រាជធានី​ភ្នំពេញ ៖ ពេល​កូន​នៅ​ក្មេង ឪពុក​ម្តាយ​តែងតែ​ជួយ​ពួក​គេ​គ្រប់ពេល​ដែល​ពួក​គេ​ត្រូវការ​ជំនួយ ។ នៅ​ពេល​ដែល​កូន​របស់​អ្នក​កាន់តែ​ធំ ហើយ​បញ្ហា​របស់​ពួក​គេ​កាន់តែ​ស្មុ​គ្រ​ស្មាញ អ្នក​ត្រូវ​តែ​ផ្លាស់​ប្តូរ​តួនាទី​ដើរតួ​ជា​អ្នក​ជំនួយការ​កាន់តែ​ច្រើន ហើយ​អាច​កាន់តែ​ពិបាក ជា​ពិសេស​ប្រសិនបើ​អ្នក​មានកូន​ដែល​ងាយ​ធ្លាក់​ទឹកចិត្ត ។

សញ្ញា​ព្រមាន​ដែល​កូន​របស់​អ្នក​អាច​កើតរោគ​ធ្លាក់​ទឹកចិត្ត ៖ តើ​កូន​អ្នក​តែងតែ​សោកសៅ ឬ​ឆាប់​ខឹង​ច្រើន​ដង​ក្នុង​មួយ​ថ្ងៃ ច្រើន​ថ្ងៃ​ក្នុង​មួ​យស​ប្តា​ហ៍ ? តើ​កូន​អ្នក​បាន​បាត់បង់​ការ​ចាប់អារម្មណ៍​លើ​អ្វី​ដែល​ពួក​គេ​ធ្លាប់​រីករាយ ឬទេ ? តើ​ទម្លាប់​នៃ​ការ​ញ៉ាំ ឬ​ការ​គេង​របស់​ពួក​គេ​បាន​ផ្លាស់​ប្តូ​រហើយ ឬ​នៅ ? តើ​ពួក​គេ​មាន​ថាមពល​តិចតួច កម្លាំងចិត្ត​តិចតួច​ណាស់​ក្នុង​ការ​ធ្វើ​អ្វីមួយ​មែន​ទេ ? តើ​ពួក​គេ​មាន​អារម្មណ៍​ថា គ្មាន​តម្លៃ អស់សង្ឃឹម​អំពី​អនាគត ឬ​មាន​អារម្មណ៍​ថា​ខុស​ចំពោះ​រឿង​ដែល​មិនមែន​ជា​កំហុស​របស់​ពួក​គេ ? តើ​ការ​សិក្សា​របស់​ពួក​គេ​ធ្លាក់​ចុះ ឬ​ពួក​គេ​ពិបាក​ក្នុង​ការ​ផ្តោតអារម្មណ៍ ? តើ​ពួក​គេ​មានគំនិត​ចង់​ធ្វើ​អត្តឃាត​ទេ ? បើ​ដូច្នេះ​មែន វា​ជា​រឿង​សំខាន់​ដែល​អ្នក​ឱ្យ​ពួក​គេ​វាយតម្លៃ​ដោយ​អ្នកជំនាញ​សុខភាព​ផ្លូវចិត្ត​ភ្លាម​ៗ ។

ប្រសិនបើ​ក្មេង​ជំទង់​របស់​អ្នក​បង្ហាញ​សញ្ញា​ទាំងនេះ​ច្រើន ពួក​គេ​អាច​នឹង​មាន​ជំងឺ​ធ្លាក់​ទឹកចិត្ត ដែល​ពិតជា​ទាមទារ​ការ​យកចិត្តទុកដាក់ និង​ពិគ្រោះ​ជាមួយ​អ្នកជំនាញ​ចិត្តសាស្ត្រ ។ មានរឿង​មួយ​ចំនួន​ដែល​ឪពុក​ម្តាយ​អាច​ធ្វើ​បាន ដើម្បី​ជួយ​កូន​របស់​ពួក​គេ ៖

១. គាំទ្រ ៖ រឿង​សំខាន់​បំផុត​មួយ​ដែល​អ្នក​អាច​ធ្វើ​បាន​សម្រាប់​ក្មេង​ជំទង់​របស់​អ្នក គឺ​ពង្រឹង​ទំនាក់ទំនង​របស់​អ្នក ។ ព្យាយាម​បង្កើត​ការ​យល់ចិត្ត​ដល់​កូន​របស់​អ្នក ។

២. ស្វែង​យល់​ពី​កូន ៖ ព្យាយាម​ស្វែង​យល់​ពី​អារម្មណ៍​របស់​ពួក​គេ មិនមែន​អាកប្បកិរិយា​មិនល្អ​របស់​ពួក​គេ​ទេ ។ ឧទាហរណ៍ អ្នក​អាច​និយាយ​ថា «​កូន​ដូច​ជា​មិន​សប្បាយចិត្ត​ទេ​ថ្មី​ៗ​នេះ ។ តើ​វា​ជា​ការ​ពិតមែន​ទេ ?​» ចូរ​ធ្វើ​ឱ្យ​វា​ច្បាស់​ថា អ្នក​ចង់​ព្យាយាម​យល់​ពី​អ្វី​ដែល​រំខាន​ពួក​គេ ដោយ​មិន​ព្យាយាម​ដោះស្រាយ​បញ្ហា​ឡើយ ។

៣. ចង់​ដឹង ចង់​ឃើញ ព្រោះ​អ្នក​បារម្ភ និង​មាន​ក្តី​មេត្តា ៖ សួរ​កូន​ៗ​អំពី​អារម្មណ៍​របស់​ពួក​គេ​ដោយ​ថ្នម​ៗ ។ កុំ​វិនិច្ឆ័យ ឬ​ព្យាយាម​ដោះស្រាយ​បញ្ហា​របស់​គេ ទោះបី​អ្នក​មិន​យល់​ស្រប​នឹង​ទស្សនៈ​របស់​គេ​ក៏​ដោយ ។ ការ​ស្តាប់​ពួក​គេ​និយាយ​អំពី​បញ្ហា​របស់​ពួក​គេ ហាក់ដូចជា​អ្នក​កំពុង​រំលេច​ចំណុច​អវិជ្ជមាន ប៉ុន្តែ​ការ​ពិត​អ្នក​កំពុង​ឱ្យ​ពួក​គេ​ដឹង​ថា អ្នក​លឺ​សម្តី​ពួក​គេ អ្នក​ឃើញ​ពួក​គេ ហើយ​អ្នក​កំពុង​ព្យាយាម​យល់​ពី​ពួក​គេ មិនមែន​ទៅ​ជួយ​ដោះស្រាយ​ទាំងស្រុង​នោះ​ទេ ពីព្រោះ​ក្មេង​ភាគច្រើន​មិន​ចូល​ចិត្ត​ឱ្យ​គេ​ជួយ​ឡើយ ។ ការ​ស្តាប់​ដោយ​គ្មាន​ការ​វិនិច្ឆ័យ​ពិតជា​នឹង​ធ្វើ​ឱ្យ​ពួក​គេ​ចាត់​ទុក​អ្នក​មិត្ត​ល្អ ដែល​ពួក​គេ​អាចរ​ត់ទៅ​រក​នៅ​ពេល​ដែល​ពួក​គេ​ត្រៀមខ្លួន ដើម្បី​និយាយ​សម្ងាត់​របស់​ពួក​គេ ។
ព្យាយាម​ផ្តល់​ឱកាស​ឱ្យ​ពួក​គេ​ធ្វើ​អ្វី​ៗ​ដោយ​មិន​ចាំបាច់​រិះគន់​ពួក​គេ ។ ជំនួស​ឱ្យ​ការ​និយាយ​ថា «​កូន​សម្លាញ់ កូន​គួរតែ​ក្រោក​ឡើង ហើយ​ធ្វើ​អ្វីមួយ ។ សាក​ទៅ​រក​មិត្តភក្តិ​កូន​មើល ?​» អ្នក​អាច​និយាយ​ថា «​ប៉ា​នឹង​ទៅ​ផ្សារ ប្រាប់​ប៉ា​បាន​បើ​កូន​ចង់ទៅ​ជាមួយ​ប៉ា ហើយ​ប្រហែលជា​យើង​អាច​ញ៉ាំ​អី​នោះ​ទីនោះ​» ។ សម្រាប់​ឪពុក​ម្តាយ​មួយ​ចំនួន អ្នក​អាច​មាន​អារម្មណ៍​ថា អ្នក​ធ្វើ​មិន​បាន​គ្រប់គ្រាន់​សម្រាប់​កូន​អ្នក ប៉ុន្តែ​ការ​នៅ​ក្បែរ​កូន និង​ការ​ទទួលយក​របស់​អ្នក គឺ​ពិតជា​អ្វី​ដែល​ពួក​គេ​ត្រូវការ​ពី​អ្នក​នៅ​ពេល​នេះ ។

៤. សង្កត់​សំឡេង​វិជ្ជមាន ៖ ត្រូវ​ប្រាកដ​ថា អ្នក​កំពុង​កត់សម្គាល់​រឿង​វិជ្ជមាន​ដែល​ក្មេង​ជំទង់​របស់​អ្នក​ធ្វើ​ផង​ដែរ ។ ទៅ​សាលារៀន កាន់​ការងារ​ក្រៅ​ម៉ោង លាងចាន ឬ​សម្អាតផ្ទះ ទាំងនេះ​គឺជា​រឿង​ល្អ​ដែល​ពួក​គេ​កំពុង​ធ្វើ ហើយ​វា​ជា​ការ​សំខាន់​ណាស់​ដែល​ត្រូវ​ទទួលស្គាល់ ហើយ​សរសើរ​ពួក​គេ ។ មនុស្ស​ទាំងអស់​គ្នា​ចូល​ចិត្ត​ទទួល​បានការ​កោតសរសើរ និង​ទទួលស្គាល់​ចំពោះ​ការ​ធ្វើ​ការងារ​ដ៏​ល្អ ។
អ្នក​ក៏​សួរ​ខ្លួនឯង​ថា តើ​អ្នក​បាន​និយាយ​រឿង​វិជ្ជមាន​ប៉ុន្មាន​ទៅ​កូន​នៅ​ថ្ងៃនេះ ? តើ​អ្នក​បាន​និយាយ​អវិជ្ជមាន​ប៉ុន្មាន ? វិជ្ជមាន គួរតែ​លើស​ពី​អវិជ្ជមាន ។ ប្រាប់​ពួក​គេ​ថា អ្នកមាន​មោទនភាព​ចំពោះ​ពួក​គេ ដែល​ពួក​គេ​កំពុងធ្វើការ​ងារ​ល្អ ប្រសិនបើ​អ្នក​ឃើញ​ពួក​គេ​មើលថែ​ខ្លួនឯង ធ្វើ​កិច្ចការ​ផ្ទះ ទំនាក់ទំនង​ល្អជា​មួយ​គ្រួសារ ឬ​ធ្វើ​កិច្ចការ​ផ្សេង​ទៀត​ដែល​ត្រូវការ​ការ​ប្រឹងប្រែង អត់ធ្មត់​ជាដើម ។ ពួក​គេ​ទំនងជា​នឹង​ពេញចិត្ត​ចំពោះ​អ្វី​ដែល​អ្នក​បាន​និយាយ ។

៥. ជួយ​កុមារ​ដែល​មាន​ជំងឺ​ធ្លាក់​ទឹកចិត្ត​ទទួល​បានការ​ព្យាបាល ៖ ក្នុង​ករណី​មួយ​ចំនួន អ្នក​អាច​ជួយ​ណែនាំ​ពួក​គេ​ឆ្ពោះទៅ​រក​ការ​ព្យាបាល ហើយ​បន្ទាប់​មក​រង់ចាំ​ដោយ​អត់ធ្មត់ ដើម្បី​ឱ្យ​ពួក​គេ​ដើរ​ឆ្លងកាត់​វា​បាន​យ៉ាង​រលូន ។ សាកល្បង​និយាយ​ថា «​ប៉ា​ដឹង​ថា កូន​កំពុង​មិន​សប្បាយចិត្ត កំពុង​មានការ​លំបាក ហើយ​ប៉ា​មានគំនិត​មួយ​ចំនួន​ដែល​អាច​ជួយ​បាន ។ ប្រសិនបើ​កូន​ចង់​និយាយ​ជាមួយ​ប៉ា កូន​អាចម​ករក​ប៉ា​បាន ប៉ា​នឹង​នៅ​ទី​នេះ​សម្រាប់​កូន​» ។

ប្រសិនបើ​ពួក​គេ​មក​រក​អ្នក ចូរ​ត្រៀមខ្លួន ហើយ​ស្វែងរក​អ្នកជំនាញ ពីរ ឬ​បី​នាក់ ហើយ​ប្រាប់​ពួក​គេ​ថា ពួក​គេ​អាច​ជ្រើសរើស​មួយ​ណា​ដែល​ពួក​គេ​មាន​អារម្មណ៍​ស្រួល​បំផុត ហើយ​គិត​ថា នឹង​ជួយ​ពួក​គេ​បាន​ច្រើន​បំផុត ហើយ​ការ​ជ្រើសរើស​របស់​ពួក​គេ​នឹង​ជួយ​ឱ្យ​ពួក​គេ​មាន​អារម្មណ៍​ថា មាន​ភាព​ជា​ម្ចាស់​លើ​ការ​ព្យាបាល​របស់​ពួក​គេ ដែល​មាន​សារៈសំខាន់​ខ្លាំង​ណាស់​សម្រាប់​មនុស្ស​វ័យ​ជំទង់ និង​កំណត់​ដំណាក់កាល​នៃ​ការ​ព្យាបាល​ប្រកបដោយ​ប្រសិទ្ធភាព ។

៦. ការ​ថែរក្សា​ខ្លួនឯង ៖ ជា​ចុង​ក្រោយ វា​ជា​រឿង​សំខាន់​ក្នុង​ការ​ធ្វើ​ឱ្យ​ប្រាកដ​ថា អ្នក​កំពុង​ថែរក្សា​ខ្លួន​អ្នក​បាន​ល្អ​ប្រសើរ​ផង​ដែរ ។ វា​អាច​ជា​ការ​ហត់នឿយ​ខាង​ផ្លូវ​អារម្មណ៍ និង​ផ្លូវ​កាយ​ក្នុង​ការ​ធ្វើ​ជា​ឪពុក​ម្តាយ ដែល​កូន​ងាយ​មាន​ជំងឺ​ធ្លាក់​ទឹកចិត្ត ។ ត្រូវ​ប្រាកដ​ថា អ្នក​ឆ្លៀតពេល​ធ្វើ​អ្វី​ដែល​អ្នក​ពេញចិត្ត ហើយ​ចេញ​ក្រៅ​ជាមួយ​មិត្ត​ភ័ក្ដិ​ឱ្យ​បាន​ច្រើន​ផង​ដែរ ៕

អត្ថបទ​នេះ​ផលិត​ឡើង​ក្រោម​កិច្ច​សហប្រតិបត្តិការ​ជាមួយ​សាលារៀន​វ៉េ​ស្ទ​ឡាញ​ន៍ និង​សាលារៀន​ណ​ត្ស​ឡាញ​ន៍ ។ សាលារៀន​ផ្តល់​ជូន​នូវ​កម្មវិធី​ម​ត្តេ​យ្យ​ភាសា​ខ្មែរ និង​អង់គ្លេស កម្មវិធី​ភាសា​អង់គ្លេស កម្មវិធី​ភាសា​ចិន និង​កម្មវិធី​ចំណេះ​ទូទៅ​ខ្មែរ ពី​ថ្នាក់​ទី ១ ដល់ទី ១២ វគ្គ​សិក្សា​ថ្មី ចូល​រៀន​ថ្ងៃ​ទី ៣០ ខែតុលា ឆ្នាំ ២០២៣ ខាង​មុខ​នេះ ។ សាលារៀន​ផ្តល់​ជូន​អាហារូបករណ៍​ពិសេស​រហូត​ដល់ ៤០% លើ​តម្លៃ​សិក្សា សម្រាប់​កា​ចុះ​ឈ្មោះ​ជា​ក្រុម លក្ខណៈ​គ្រួសារ ឬ​ពីរ​កម្មវិធី ព្រមទាំង​ផ្តល់​ជូន​ការ​ធានា​រ៉ាប់រង​គ្រោះថ្នាក់ និង​ការពារ​ការ​សិក្សា​បុត្រ​ធីតា​រហូត​ដល់ ៥ ឆ្នាំ ។ ការ​ផ្តល់​ជូន​ខាងលើ​នេះ​មាន​សុពលភាព​សម្រាប់​ការ​ចុះ​ឈ្មោះ​ចូល​រៀន​ត្រឹម​ថ្ងៃ​ទី ៤ ខែវិច្ឆិកា ឆ្នាំ ២០២៣ ។

សាលារៀន​ផ្តល់​ជូន​នូវ​វេទិកា និង​មធ្យោបាយ​សិក្សា​យ៉ាង​សម្បូរ​បែប​ជាមួយនឹង​ប្រព័ន្ធ​គ្រប់គ្រង​សាលារៀន ប្រព័ន្ធ​គ្រប់​គ្រង់​ការ​សិក្សា និង​អេប​សាលារៀន​ជូន​ដល់​មាតាបិតា​សិស្ស និង​សិស្សានុសិស្ស​ក្នុង​ការ​គ្រប់គ្រង​ការ​សិក្សា និង​តាមដាន​ព័ត៌មាន​សិក្សា​របស់​បុត្រ​ធីតា​ផង​ដែរ ។ សម្រាប់​ព័ត៌មាន​បន្ថែម សូម​ទំនាក់ទំនង​ទូរស័ព្ទ​លេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕