រាជធានីភ្នំពេញ ៖ នារសៀលថ្ងៃទី២៧ ខែតុលា ឆ្នាំ២០២៣ រថយន្ត២គ្រឿងរបស់កម្លាំងសមត្ថកិច្ចនាយកដ្ឋាននគរបាលព្រហ្មទណ្ឌក្រសួងមហាផ្ទៃ បានបញ្ជូនជនជាតិចិនចំនួន១០នាក់ទៅសាលាដំបូងរាជធានីភ្នំពេញ ពាក់ព័ន្ធករណីថតរឿងក្តៅសាច់ នៅក្នុងសណ្ថាគារមួយកណ្តាលរាជធានីភ្នំពេញ ។…
រាជធានីភ្នំពេញ ៖ នារសៀលថ្ងៃទី២៧ ខែតុលា ឆ្នាំ២០២៣ រថយន្ត២គ្រឿងរបស់កម្លាំងសមត្ថកិច្ចនាយកដ្ឋាននគរបាលព្រហ្មទណ្ឌក្រសួងមហាផ្ទៃ បានបញ្ជូនជនជាតិចិនចំនួន១០នាក់ទៅសាលាដំបូងរាជធានីភ្នំពេញ ពាក់ព័ន្ធករណីថតរឿងក្តៅសាច់ នៅក្នុងសណ្ថាគារមួយកណ្តាលរាជធានីភ្នំពេញ ។ ជនសង្ស័យជាជនជាតិចិនទាំង១០ មាន ៖
១.ឈ្មោះ LIU YULONG
២.ឈ្មោះ LUO DONG
៣.ឈ្មោះ WANG XIAO BOA
៤.ឈ្មោះ XU YUN PENG
៥.ឈ្មោះ GUO BAO JIAN
៦.ឈ្មោះ LU KANG
៧.ឈ្មោះ WANG LI WEI
៨.ឈ្មោះ ZHA JIAN CHENG
៩.ឈ្មោះ GU YANG BOA
១០.ឈ្មោះ JING YANG YANG
ពួកគេត្រូវបានសមត្ថកិច្ចកសាងសំណុំរឿងបញ្ជូនទៅតុលាការ ពាក់ព័ន្ធពីបទ.សញ្ចារកម្ម ការដឹកនាំពេស្យាចារ និងផលិតចែក ចាយរូបភាពវីដេអូអាសអាភាស តាមពាក្យបណ្តឹងរបស់នារីរង គ្រោះ២ នាក់ ។ សំណុំរឿងបានស្ថិតនៅលោក គឹម ហុងសាន្ត ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ បើកការស៊ើបសួរ ប៉ុន្តែនៅរសៀលថ្ងៃខាងលើនេះ តំណាងអយ្យការមិនទាន់បានធ្វើការសាកសួរជនសង្ស័យនៅឡើយទេ ដោយពេលផុតម៉ោងមន្ត្រីរាជសម្រាក ដូច្នោះទើបសមត្តកិច្ចបានតម្រូវឲ្យនាំជនសង្ស័ យយកទៅគ្រប់គ្រងជាបណ្តោះអាសន្នវិញ ។
សូមបញ្ជាក់ថា នាយកដ្ឋាននគរបាលព្រហ្មទណ្ឌក្រសួងមហាផ្ទៃ បានដាក់កម្លាំងចុះឡោមពទ្ធទីតាំង អគារមួយកន្លែង និងបានឃាត់ខ្លួនជនបរទេសជាច្រើននាក់ ដោយសង្ស័យពាក់ព័ន្ធករណី ផលិតរឿងបែប(អាសអាភាស)បង្កឱ្យមានការភ្ញាក់ផ្អើល កាលពី វេលាម៉ោង៨ យប់ថ្ងៃទី២៤ ខែតុលា ឆ្នាំ ២០២៣ នៅលើកំណាត់ផ្លូវលេខ៣១០ សង្កាត់បឹងកេងកង១ ក្នុងខណ្ឌបឹងកេងកង រាជ ធានីភ្នំពេញ ។
តាមប្រភពព័ត៌មានបឋមបានឲ្យដឹងថា មុនកើតហេតុមាននារីខ្មែរ២នាក់ ជាជនរងគ្រោះ បានទៅដាក់ពាក្យបណ្តឹងនៅក្រសួងមហាផ្ទៃ ដោយចោទប្រកាន់ជនជាតិចិន១ ក្រុមនោះថា យកពួកនាងទៅថត និង ផលិតរឿងជាវីដេអូក្តៅសាច់ បែបអា សអាភាស នៅក្នុងបន្ទប់ជាន់ទី៩ នៃអគារ កើតហេតុខាងលើ ។
ក្រោយពីទទួលបានព័ត៌មាននោះភ្លាម កម្លាំងសមត្ថកិច្ចនាយកដ្ឋាននគរបាលព្រហ្មទណ្ឌក្រសួងមហាផ្ទៃដឹកនាំផ្ទាល់ដោយលោកឧត្តមសេនីយ៍ឯក ង៉េង ជួ ប្រធាននាយកដ្ឋាន ក្រោមការចង្អុល បង្ហាញពីនាយឧត្តមសេនីយ៍ ស ថេត អគ្គស្នង ការ នគរបាលជាតិ និងមានការសម្របសម្រួលពីស្ថាប័នអយ្យការអមសាលាដំ បូងរាជធានីភ្នំពេញ បានដាក់កម្លាំងជាច្រើននាក់រួមមាន ឯកស ណ្ឋានអាវក្រោះ និងកាំភ្លើងវែងខ្លីស្ទើគ្រប់ដៃ បានចុះទៅឡោមព័ទ្ធទីតាំងអគាមួយកន្លែងនោះ ព្រមទាំងបានធ្វើការឃាត់ខ្លួនជនបរ ទេសប្រមាណជិត៥០ នាក់ ដោយសង្ស័យជាប់ពាក់ព័ន្ធករណីថត និងផលិតរឿងវីដេអូបែបអាសអាភាស ។
ក្រោយពេលឃាត់ខ្លួនជនជាតិចិនទាំងអស់នោះ សមត្ថកិច្ចក៏បានធ្វើការដកហូតវត្ថុតាងពាក់បទល្មើសមួយចំនួនផងដែរ និងនាំទៅកាន់នាយកដ្ឋាននគរបាលព្រហ្មទណ្ឌដើម្បីសាកសួរ និងចម្រាញ់រកជនពាក់ពន្ធបទល្មើស ដើម្បីកសាងសំណុំរឿងបញ្ជូនទៅតុលាការ ។ ដូច្នោះ គឺលទ្ធផលចុងក្រោយ មានតែជនសង្ស័យ១០នាក់ ដែលជាប់ពាក់ព័ន្ធ ចំណែកក្រៅពីនោះ សមត្ថកិច្ចបានធ្វើការឃាត់ខ្លួនក្នុងរង្វង់ប្រតិបត្តិការត្រូវបានអនុញ្ញាតិឲ្យវិលទៅផ្ទះវិញ ៕
ចែករំលែកព័តមាននេះ