ខេត្តបន្ទាយមានជ័យ ៖ នគរបាលច្រកទ្វារប៉ោយប៉ែតបានចោទប្រកាន់ទៅក្រុមហ៊ុនស៊ីនទ្រីយកសំរាមយឺតយ៉ាវ ដោយទុកស្អុយរលួយ ដែលការលើកឡើងនេះ ក្នុងកិច្ចប្រជុំគណៈបញ្ជាការឯកភាពក្រុង នៅថ្ងៃទី២៧ ខែតុលា ឆ្នាំ២០២៣ នៅក្រុងប៉ោយប៉ែត…
ខេត្តបន្ទាយមានជ័យ ៖ នគរបាលច្រកទ្វារប៉ោយប៉ែតបានចោទប្រកាន់ទៅក្រុមហ៊ុនស៊ីនទ្រីយកសំរាមយឺតយ៉ាវ ដោយទុកស្អុយរលួយ ដែលការលើកឡើងនេះ ក្នុងកិច្ចប្រជុំគណៈបញ្ជាការឯកភាពក្រុង នៅថ្ងៃទី២៧ ខែតុលា ឆ្នាំ២០២៣ នៅក្រុងប៉ោយប៉ែត ។
លោកវរសេនីយ៍ឯក ហេង សុវណ្ណ មន្ត្រីនគរបាលអន្តោរប្រវេសន៍ច្រកទ្វារអន្តរជាតិប៉ោយប៉ែតបានលើកឡើងថា ក្រុមហ៊ុនស៊ីនទ្រីអនាម័យក្រុងប៉ោយប៉ែត ដូចជាមានការយឺតយ៉ាវការប្រមូលសំរាមចោលបើប្រមូលលុយលឿន ទុកអោយសំរាមស្អុយរលួយធ្វើប៉ះពាល់បរិស្ថាននៅច្រកទ្វារអន្តរជាតិប៉ោយប៉ែតទុកចោលរហូត១០ទៅ១៥ថ្ងៃទើបមកយកទៅចោល ។
លោកបានបញ្ជាក់ថា សុំអោយអាជ្ញាធរក្រុងប៉ោយប៉ែត និងការិយាល័យជំនាញត្រូវពិនិត្យឡើងវិញចំពោះក្រុមហ៊ុនស៊ីនទ្រីអនាម័យក្រុងប៉ោយប៉ែតដែលប្រមូលសំរាមមានភាពយឺតយ៉ាវផ្នែកសេវាកម្មធ្វើប៉ះពាល់បរិស្ថាន និងសុខភាពភ្ញៀវដែលចេញ-ចូលនៅច្រកទ្វារអន្តរជាតិប៉ោយប៉ែត ។
លោក គាត ហ៊ុល អភិបាលក្រុងប៉ោយប៉ែតបានតឿនរំលឹកដល់ក្រុមហ៊ុនស៊ីនទ្រីអនាម័យក្រុងប៉ោយប៉ែត ត្រូវយកចិត្តទុកដាក់ក្នុងការប្រមូលសំរាមអោយបានទាន់ពេលវេលា ជាពិសេសនៅច្រកទ្វារអន្តរជាតិប៉ោយប៉ែត ដែលមានភ្ញៀវជាតិនិងអន្តរជាតិចេញ-ចូលឆ្លងកាត់ត្រូវសេវាកម្មអោយបានល្អ និងទាន់ពេលវេលាមិនត្រូវយឺតយ៉ាវ ធ្វើឱ្យប៉ះពាលបរិស្ថាន និងសុខភាព ។
ចែករំលែកព័តមាននេះ