ព្រឹកថ្ងៃទី២៨តុលាស្អែកនេះ សម្តេចធិបតី ហ៊ុន ម៉ាណែត នឹងជួបសំណេះសំណាលជាមួយ​កម្មករកាត់ដេរ ជិត ២ម៉ឺននាក់ នៅភ្នំពេញ​

ភ្នំពេញ៖ តាមកម្មវិធី ដែលបានគ្រោងទុន នៅព្រឹកថ្ងៃសៅរ៍ ទី២៨ ខែតុលា​ស្អែកនេះ​ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជួបសំណេះសំណាលជាមួយបងប្អូនកម្មករ និយោជិត​ ចំនួន​​ ១៨.០២៨នាក់ នៅតាមបណ្តារោងចក្រ សហគ្រាស ចំនួន ៣២​ ដែលមានមូលដ្ឋានក្នុងខណ្ឌមានជ័យ និងខណ្ឌពោធិ៍សែនជ័យ រាជធានីភ្នំពេញ។

​​រោងចក្រ សហគ្រាសទាំង ៣២នេះ ជាប្រភេទរោង​ចក្រកាត់ដេរសម្លៀកបំពាក់ ចំនួន ២៩ រោងចក្រ សេវាប៉ាក់សម្លៀកបំពាក់ ចំនួន ១ រោងចក្រខារអំបោះ ចំនួន​ ១ និងរោងចក្របោះពុម្ពលើក្រណាត់ ចំនួន ១​​ ។

នេះ គឺជាលើកទី៧ ដែលសម្តេចមហាបវរធិបតី ហ៊ុន ម៉ាណែត នឹង​អញ្ជើញចុះជួបសំណេះ​សំណាល​ជាមួយនឹងបងប្អូនកម្មករ​ និយោជិត តាមបណ្តារោងចក្រ សហគ្រាសនានា ក្នុងឋានៈជានាយករដ្ឋមន្ត្រី នៃព្រះរាជាណាចក្រកម្ពុជា៕