រាជធានីភ្នំពេញ ៖ នៅទីបំផុត តារាចម្រៀងនាង ស៊ឹម ថៃណា បានសម្រេចដកពាក្យបណ្តឹងវិញហើយ បន្ទាប់ពីបុរសម្នាក់ដែលបានជេរប្រមា.ថដោយពាក្យសម្ដីអសុរោះមកលើរូបនាងនោះ បានចេញមុខសុំទោសជាសាធារណៈតាមការទាមទាររបស់នាង។
តារាចម្រៀងរូបនេះ បានបញ្ចេញវីដេអូឃ្លីបបង្ហាញពីបុរសដែលបានជេរប្រមា.ថមករូបនាងបានធ្វើការសុំទោសនាង ដោយអមជាមួយនឹងសំណេរខ្លីថា «ពូដែលបានជេរប្រមា.ថមកលើរូបនាងខ្ញុំ ថ្ងៃនេះគាត់ចេញមកសុំទោសជាសាធារណៈហើយ ហើយខ្ញុំក៏បានដកពាក្យបណ្តឹងនិងបញ្ចប់រឿងត្រឹមតែប៉ុណ្ណេះ»។
តាមរយៈវីដេអូនោះ បុរសដែលបានជេរប្រមា.ថមកលើស្រីស្អាត ស៊ឹម ថៃណា បាននិយាយថា «ខ្ញុំសូមធ្វើការសុំទោសជាសធារណៈ ដែលកាលពីថ្ងៃទី៦ ខែកក្កដា ខ្ញុំបានទៅហូបចុកនៅកន្លែងមួយ ហើយដោយសារតែស្រវឹង ខ្ញុំក៏បានជេរប៉ះពាល់កិត្តិយសដល់ក្មួយស្រី ស៊ឹម ថៃណា តែថ្ងៃនេះ ខ្ញុំបានចេញមកសុំទោសជាសាធារណៈចំពោះមុខគាត់»។
លោកបញ្ជាក់ថា «លោកស្នើសុំដល់បុរសទាំងអស់ កុំឲ្យជេរប្រមា.ថប៉ះពាល់ដល់នារីៗដូចរូបលោកទៀត ហើយលោកសន្យានឹងមិនមានលើកទី២ ចំពោះការជេរប្រមា.ថទៅលើនារីៗគ្រប់រូបទៀតដែរ»។
គួរបញ្ជាក់ថា តារាចម្រៀងនាង ស៊ឹម ថៃណា បានឈានដល់វិធានការតាមផ្លូវច្បាប់ បន្ទាប់ពីបុរសដែលបានជេរប្រមា.ថមកលើរូបនាងនៅក្នុងហាងផឹកស៊ីមួយកន្លែង ស្ថិតក្នុងរាជធានីភ្នំពេញ មិនបានចេញមុខសុំទោសតាមការទាមទាររបស់នាង ខណៈពេលវិធានការផ្លូវច្បាប់នេះ ធ្វើឡើងតាមរយៈប្រធានសមាគមសិល្បករខ្មែរ។
អ្នកនាង ចន ច័ន្ទលក្ខិណា បានសម្រេចទុកពេល២៤ម៉ោងឱ្យទៅបុរសរូបនោះចេញមុខសុំទោសតារាចម្រៀងនាង ស៊ឹម ថៃណា នៅមុនពេលអ្នកនាងនឹងស្នើទៅក្រសួងកិច្ចការនារី ដើម្បីសុំជំនួយផ្នែកច្បាប់ទៅលើករណីនេះ។ យ៉ាងណា ការប្រកាសរបស់អ្នកនាង ចន ច័ន្ទលក្ខិណា ដោយទាមទារឱ្យបុរសខាងលើចេញមុខសុំទោសនៅមិនទទួលបានលទ្ធផល ទើបអ្នកនាងសម្រេចប្រើប្រាស់វិធានការផ្លូវច្បាប់តែម្តង។
អ្នកនាង ចន ច័ន្ទលក្ខិណា បានបញ្ជាក់ថា «តារាចម្រៀង ស៊ឹម ថៃណា ត្រូវបានបុរសម្នាក់ជេរប្រទេច ខណៈពេលដែលគាត់កំពុងតែបំពេញការងារ (ច្រៀង) នៅឯភោជនីយដ្ឋានមួយកន្លែង»។ អ្នកនាងបញ្ជាក់ថា «នាងខ្ញុំបានខលទៅប្អូនស្រី ដើម្បីសាកសួរព័ត៌មានជាក់លាក់ ហើយប្អូនស្រីក៏បានសំណូមពរឱ្យបុគ្គលរូបនោះ មកសុំទោសប្អូនស្រីនៅចំពោះមុខ (ជាលក្ខណៈ Private ក៏បាន) ដើម្បីបញ្ចប់ទង្វើមាក់ងាយស្ត្រីដែលពួកគាត់បំពេញការងារពេលយប់ ទោះបីជាអាជីពណាក៏ដោយ»។
តារាចម្រៀងនាង ស៊ឹម ថៃណា បានចេញមកនិយាយទាំងទឹកភ្នែក អួលដើម.ក ក្រោយទទួលរងការប្រមា.ថមើលងា.យដោយពាក្យសម្តីពីបុរសម្នាក់នោះនៅក្នុងហាងដែលនាងកំពុងធ្វើការ។
តាមរយៈវីដេអូដែលបាន live តាមបណ្តាញសង្គម ស្រីស្អាត ស៊ឹម ថៃណា បានលើកឡើងពីហេតុការណ៍មួយនេះថា «ដំបូងនាងបានចូលទៅអង្គុយលេងជាមួយភ្ញៀវដែលស្គាល់គ្នាតាមហ្វេសប៊ុកប្រមាណជា១០ឆ្នាំមកហើយ»។ នាងបញ្ជាក់ថា «ក្នុងចំណោមនោះ ក៏មានបុរស៣នាក់ផ្សេងទៀតក៏នៅជាមួយគ្នាដែរ ហើយនាងក៏សម្រេចចិត្តមកអង្គុយជាមួយ នេះដោយសារតែយល់ និងស្គាល់បុរសរូបនោះតែម្នាក់ប៉ុណ្ណោះ»។
នាងបន្ថែមថា «ក្រោយការជជែកគ្នាមួយសន្ទុះ បុរសដែលនាងស្គាល់ក៏ចង់បានលេខទូរស័ព្ទនាង ដើម្បីងាយស្រួលទំនាក់ទំនង ព្រោះស្គាល់គ្នាយូរហើយ។ ដោយយល់ថា ជាការរាប់អានគ្នា នាងក៏បានឱ្យលេខទូរស័ព្ទដោយបានភ្ជាប់ជាមួយតេឡេក្រាមទៅកាន់បុរសស្គាល់គ្នានោះតែម្តង»។
ស៊ឹម ថៃណា បានលើកឡើងបន្តទៀតថា «លុះពេលឃើញនាងឱ្យលេខទូរស័ព្ទនោះ ក៏មានបុរសម្នាក់នៅក្បែរនោះ បានធ្វើការជេរប្រមា.ថមកលើរូបនាង ដោយពាក្យសម្តីអសុរោះតែម្តង»។ បើតាម ស៊ឹម ថៃណា ថា «នេះជាលើកទី១ហើយ ដែលនាងទទួលការជេរប្រមា.ថដោយប្រើពាក្យសម្តីអសុរោះបែបនេះ ចាប់តាំងពីប្រឡូកសិល្បៈជាង២០ឆ្នាំមកហើយ ខណៈពេលនាងក៏មិនធ្លាប់ទទួលការជេរបែបនេះពីម្តាយ និងបងប្អូនរបស់នាងឡើយ»។
គួររំលឹកថា ៖ ស៊ឹម ថៃណា ស្រក់ទឹកភ្នែក និងនិយាយទាំងអួលដើម.ក ក្រោយត្រូវបុរសម្នាក់ជេ.រប្រមា.ថរូបនាង(វីដេអូ) ។ គួររំលឹកបន្តថា ៖ ចន ច័ន្ទលក្ខិណា ត្រៀមស្នើសុំជំនួយផ្នែកច្បាប់ រឿងបុរសជេ.រប្រមា.ថ ស៊ឹម ថៃណា បើមិនចេញសុំទោស ។ គួររំលឹកទៀតថា ៖ រឿងរ៉ាវតារាចម្រៀង ស៊ឹម ថៃណា រងការជេ.រប្រមា.ថពីបុរសម្នាក់ឈានដល់វិធានការផ្លូវច្បាប់ហើយ(វីដេអូ) ៕
ចែករំលែកព័តមាននេះ