ដូចការគ្រោងទុក នៅទីបំផុតរឿងរបស់តារាចម្រៀងនាង ស៊ឹម ថៃណា បានឈានដល់វិធានការតាមផ្លូវច្បាប់ហើយ បន្ទាប់ពីបុរសដែលជេ.រប្រមា.ថមកលើរូបនាងមិនបានចេញមុខសុំទោសតាមការទាមទារនោះឡើយ
រាជធានីភ្នំពេញ ៖ ដូចការគ្រោងទុក នៅទីបំផុតរឿងរបស់តារាចម្រៀងនាង ស៊ឹម ថៃណា បានឈានដល់វិធានការតាមផ្លូវច្បាប់ហើយ បន្ទាប់ពីបុរសដែលជេ.រប្រមា.ថមកលើរូបនាងមិនបានចេញមុខសុំទោសតាមការទាមទារនោះឡើយ។
វិធានការផ្លូវច្បាប់នេះ ធ្វើឡើងតាមរយៈប្រធានសមាគមសិល្បករខ្មែរ គឺអ្នកនាង ចន ច័ន្ទលក្ខិណា ក្នុងពេលអ្នកនាងបានព្រមា.នប្រើប្រាស់ចំណាត់ការផ្លូវច្បាប់ទៅលើបុរសដែលបានជេ.រប្រមា.ថមកលើតារាចម្រៀងនាង ស៊ឹម ថៃណា ប្រសិនបើមិនមានការសុំទោសទេនោះ។ អ្នកនាង ចន ច័ន្ទលក្ខិណា ក៏បានសម្រេចទុកពេល២៤ម៉ោងអោយបុរសរូបនោះចេញមុខសុំទោសតារាចម្រៀងនាង ស៊ឹម ថៃណា នៅមុនពេលអ្នកនាងនឹងស្នើទៅក្រសួងកិច្ចការនារី ដើម្បីសុំជំនួយផ្នែកច្បាប់លើករណីនេះ។
យ៉ាងណា ការប្រកាសរបស់អ្នកនាង ចន ច័ន្ទលក្ខិណា ដោយទាមទារអោយបុរសខាងលើចេញមុខសុំទោសនៅមិនទទួលបានលទ្ធផល ទើបអ្នកនាងសម្រេចចិត្តប្រើប្រាស់វិធានការផ្លូវច្បាប់តែម្តង។
អ្នកនាង ចន ច័ន្ទលក្ខិណា បានបង្ហោះរូបភាពក្នុងជំនួបជាមួយលោកជំទាវ ញ៉ែម មរកត រដ្ឋលេខាធិការក្រសួងកិច្ចការនារី ដោយអមជាមួយនឹងសារខ្លីបង្ហោះតាមបណ្តាញសង្គមថា «២៤ម៉ោងត្រូវបានបញ្ចប់ ដូច្នេះពួកយើងធ្វើតាមនីតិវិធីច្បាប់ គ្មានការសុំទោសទៀតទេ»។
តាមរយៈចំណាត់ការខាងលើនេះ គេឃើញមានទស្សនិកជន ជាពិសេសបណ្តាអ្នកសិល្បៈជាច្រើនបានសម្តែងការគាំទ្រ ត្បិតពួកគេមិនចង់ឃើញ និងមានការម៉ាក់ងា.យ ជេ.រប្រមា.ថមកលើអ្នកសិល្បៈនោះឡើយ។
ជាការកត់សម្គាល់ នៅមុនពេលមានវិធានការផ្លូវច្បាប់ខាងលើនេះ ប្រធានសមាគមសិល្បករខ្មែរ អ្នកនាង ចន ច័ន្ទលក្ខិណា បានបង្ហោះសារលើបណ្តាញសង្គមថា «មកដល់ម៉ោងនេះ ជនដែលជេ.រប្រមា.ថប្អូនស្រី ស៊ឹម ថៃណា នៅមិនទាន់ទាក់ទងមកសួរនាំរឿងហេតុ ហើយមិនអើពើនឹងការមកសុំទោសប្អូនស្រីនៅចំពោះមុខទេ ដូច្នេះក្នុងនាមនាងខ្ញុំជាប្រធានសមាគមសិល្បករខ្មែរ ខ្ញុំសូមប្រកាសទុកពេលអោយបុគ្គលនោះ រយៈពេល២៤ម៉ោង បើជននោះនៅមិនអើពើទៀត នាងខ្ញុំ និងប្អូនស្រី ស៊ឹម ថៃណា នឹងស្នើទៅម្ចាស់ភោជនីយដ្ឋាន ដើម្បីសុំយករូបជននោះពី Camera សុវត្ថិភាពមកបង្ហាញមុខជាសាធារណៈ។ ហើយនាងខ្ញុំ និងជូនប្អូនស្រីទៅជួបលោកជំទាវ ញ៉ែម មរកត រដ្ឋលេខាធិការក្រសួងកិច្ចការនារី ដើម្បីស្នើសុំជំនួយផ្នែកច្បាប់»។
អ្នកនាង ចន ច័ន្ទលក្ខិណា បានបញ្ជាក់ថា «កាលពីយប់ថ្ងៃអាទិត្យកន្លងទៅនេះ តារាចម្រៀង ស៊ឹម ថៃណា ត្រូវបានបុរសម្នាក់ជេ.រប្រទេ.ច ខណៈពេលដែលគាត់កំពុងតែបំពេញការងារ (ច្រៀង) នៅឯភោជនីយដ្ឋានមួយកន្លែង»។ នាងបញ្ជាក់ថា «នាងខ្ញុំបានខលទៅប្អូនស្រី ដើម្បីសាកសួរព័ត៌មានជាក់លាក់ ហើយប្អូនស្រីក៏បានសំណូមពរឱ្យបុគ្គលរូបនោះមកសុំទោសប្អូនស្រីនៅចំពោះមុខ (ជាលក្ខណៈ Private ក៏បាន ) ដើម្បីបញ្ចប់ទង្វើមាក់ងា.យស្ត្រីដែលពួកគាត់បំពេញការងារពេលយប់ ទោះអាជីពណាក៏ដោយ»។
ទោះជាយ៉ាងណា ចំពោះចំណាត់ផ្លូវច្បាប់ករណីខាងលើនេះ នឹងមានការទាមទារបែបណាវិញនោះ គេនៅមិនទាន់ដឹងនៅឡើយទេ ខណៈពេលដែលកោះសន្តិភាពនៅមិនទាន់អាចទាក់ទងសុំការបកស្រាយពីតារាចម្រៀងនាង ស៊ឹម ថៃណា បាននៅឡើយ បើគិតត្រឹមថ្ងៃទី១១ ខែសីហា ឆ្នាំ២០២៣នេះ ក្នុងពេលការសាកសួរមិនមានការឆ្លើយតប។
គួរបញ្ជាក់ផងដែរថា តារាចម្រៀងនាង ស៊ឹម ថៃណា បានចេញមកនិយាយទាំងទឹកភ្នែក និងអួលដើម.ក ក្រោយទទួលរងការប្រមា.ថមើលងា.យដោយពាក្យសម្តីពីបុរសម្នាក់នៅក្នុងហាងដែលនាងកំពុងធ្វើការ។
តាមរយៈវីដេអូដែលបាន live តាមបណ្តាញសង្គម តារាចម្រៀង ស៊ឹម ថៃណា បានលើកឡើងពីហេតុការណ៍មួយនេះថា «ដំបូងនាងបានចូលទៅអង្គុយលេងជាមួយភ្ញៀវដែលស្គាល់គ្នាតាមហ្វេសប៊ុកប្រមាណជា១០ឆ្នាំមកហើយ»។ នាងបញ្ជាក់ថា «ក្នុងចំណោមនោះក៏មានបុរស៣នាក់ផ្សេងទៀតក៏នៅជាមួយគ្នាដែរ ហើយនាងសម្រេចមកអង្គុយជាមួយ ដោយសារយល់ និងស្គាល់បុរសរូបនោះតែម្នាក់ប៉ុណ្ណោះ»។
នាងបន្ថែមថា «ក្រោយការជជែកគ្នាមួយសន្ទុះ បុរសដែលនាងស្គាល់ក៏ចង់បានលេខទូរស័ព្ទនាង ដើម្បីងាយស្រួលទំនាក់ទំនង ព្រោះស្គាល់គ្នាយូរហើយ។ ដោយយល់ថា ជាការរាប់អានគ្នា នាងក៏បានអោយលេខទូរស័ព្ទ ដោយបានភ្ជាប់ជាមួយតេឡេក្រាមទៅកាន់បុរសស្គាល់គ្នានោះតែម្តង»។
តារាចម្រៀងស៊ឹម ថៃណា បានលើកឡើងបន្តទៀតថា «លុះពេលឃើញនាងអោយលេខទូរស័ព្ទនោះ ក៏មានបុរសម្នាក់នៅក្បែរនោះដែរបានធ្វើការជេ.រប្រមា.ថមកលើនាង ដោយពាក្យសម្តីអសុរោះតែម្តង»។ បើតាម ស៊ឹម ថៃណា ថា «នេះជាលើកទី១ហើយដែលនាងទទួលការជេ.រប្រមា.ថដោយពាក្យសម្តីអសុរោះបែបនេះ ចាប់តាំងពីប្រឡូកសិល្បៈជាង២០ឆ្នាំ ខណៈពេលនាងក៏មិនធ្លាប់ទទួលការជេ.របែបនេះពីលោកឪពុក អ្នកម្តាយ និងបងប្អូនរបស់នាងឡើយ។
គួររំលឹកថា ៖ ស៊ឹម ថៃណា ស្រក់ទឹកភ្នែក និងនិយាយទាំងអួលដើម.ក ក្រោយត្រូវបុរសម្នាក់ជេ.រប្រមា.ថរូបនាង(វីដេអូ) ។ គួររំលឹកទៀតថា ៖ ចន ច័ន្ទលក្ខិណា ត្រៀមស្នើសុំជំនួយផ្នែកច្បាប់ រឿងបុរសជេ.រប្រមា.ថ ស៊ឹម ថៃណា បើមិនចេញសុំទោស ៕
ចែករំលែកព័តមាននេះ