ទីភ្នាក់ងារ UN និយាយថា តំបន់ហ្គាហ្សា ត្រូវការប្រេងឥន្ធនៈជាបន្ទាន់ ដូចជាទឹក និងអាហារដែរ
ហ្គាហ្សា ៖ លោក Tamara Alrifai នាយកផ្នែកទំនាក់ទំនង នៃទីភ្នាក់ងារអង្គការសហប្រជាជាតិ (UNRWA) បានប្រាប់ CNN…
ហ្គាហ្សា ៖ លោក Tamara Alrifai នាយកផ្នែកទំនាក់ទំនង នៃទីភ្នាក់ងារអង្គការសហប្រជាជាតិ (UNRWA) បានប្រាប់ CNN នៅថ្ងៃចន្ទ ទី២៣ ខែតុលា ឆ្នាំ២០២៣នេះថា ហ្គាហ្សាត្រូវការប្រេងឥន្ធនៈជាបន្ទាន់ ដូចជាទឹក និងអាហារដែរ។
លោក បន្តថា បើគ្មានប្រេង វានឹងមិនអាចទៅជុំវិញតំបន់ហ្គាហ្សាបានទេ ខណៈដែលក្បួនរថយន្តជំនួយ ដែលបានចូលដល់តំបន់ហ្គាហ្សា នៅចុងសប្តាហ៍នេះ។ ជំនួយមនុស្សធម៌ ដែលបានចូលទៅក្នុងហ្គាហ្សា គឺសម្រាប់ជនភៀសខ្លួនជាង ៤០០,០០០នាក់ ដែលបច្ចុប្បន្ន កំពុងស្នាក់នៅក្នុងសាលារៀន ដែលគ្រប់គ្រងដោយ UNRWA ។
កាលពីថ្ងៃទី១៤ ខែតុលា កន្លងមកនេះ កងកម្លាំងការពារជាតិអ៊ីស្រាអែល IDF ធ្លាប់បាននិយាយថា «ប្រេងឥន្ធនៈ នឹងមិនត្រូវបានអនុញ្ញាតឲ្យចូលទៅក្នុងតំបន់ហ្គាហ្សាទេ។ នៅពេលដែលជំនួយចូលទៅក្នុងហ្គាហ្សា បំពង់ទឹក ត្រូវបានប្រែក្លាយទៅជាគ្រាប់រ៉ុក្កែត។ ស៊ីម៉ងត៍ សម្រាប់សាងសង់សំណង់អគារ ត្រូវប្រើប្រាស់ទៅជាផ្លូវរូងក្រោមដី។ អាហារសម្រាប់កុមារកំព្រា និងមនុស្សខ្វះខាត ត្រូវបានផ្តល់ឲ្យប្រតិបត្តិករក្រុមហាម៉ាស់។ ហើយប្រេងឥន្ធនៈសម្រាប់មន្ទីរពេទ្យ ត្រូវបានគេយកទៅដាក់ក្នុងលេនដ្ឋានរបស់ក្រុមហាម៉ាស» ៕
ចែករំលែកព័តមាននេះ