បើគ្មានការគេចពន្ធ! ពន្ធមហាសេដ្ឋីសកលអាចផ្តល់ផល២៥០ពាន់លានដុល្លាររៀងរាល់ឆ្នាំ
អន្តរជាតិ ៖ ក្រុមឃ្លាំមើលពន្ធរបស់សហភាពអឺរ៉ុប នៅថ្ងៃទី២៣ ខែតុលា ឆ្នាំ២០២៣ បានអះអាងថា
អន្តរជាតិ ៖ ក្រុមឃ្លាំមើលពន្ធរបស់សហភាពអឺរ៉ុប នៅថ្ងៃទី២៣ ខែតុលា ឆ្នាំ២០២៣ បានអះអាងថា រដ្ឋាភិបាលប្រទេសទាំងអស់នៅទូទាំងពិភពលោក គួរតែបង្កើតច្បាប់ថ្មីមួយក្នុងការទប់ស្កាត់ជាអន្តរជាតិលើការគេចពន្ធ ជាមួយនឹងពន្ធអប្បបរមាជាសកលលើមហាសេដ្ឋី ដែលអាចបង្កើនសាច់ប្រាក់រហូតដល់ ២៥០ពាន់លានដុល្លារអាមេរិកជារៀងរាល់ឆ្នាំ។
ក្រុមស្រាវជ្រាវ នៅសាលាសេដ្ឋកិច្ចទីក្រុងប៉ារីស បានលើកឡើងថា បើយកពន្ធ នោះផលបូកនឹងស្មើត្រឹមតែ ២% ប៉ុណ្ណោះនៃទ្រព្យសម្បត្តិជិត ១៣ទ្រីលានដុល្លារ ដែលជាកម្មសិទ្ធិរបស់មហាសេដ្ឋី ២,៧០០នាក់នៅទូទាំងពិភពលោក។ ក្រុមនេះ បានបញ្ជាក់ក្នុងរបាយការណ៍គេចពន្ធសកលឆ្នាំ ២០២៤ របស់ខ្លួនថា បច្ចុប្បន្ននេះ ពន្ធផ្ទាល់ខ្លួនដ៏មានប្រសិទ្ធភាពរបស់មហាសេដ្ឋី ជារឿយៗតិចជាងអ្នកបង់ពន្ធដ៏ទៃទៀត ដោយសារពួកគេអាចរក្សាទ្រព្យសម្បត្តិក្នុងក្រុមហ៊ុនទៀត ដែលត្រូវបានបង្កើតឡើង ដែលមិនមានប្រតិបត្តិការអាជីវកម្មពិតប្រាកដ ដែលការពារពួកគេពីពន្ធលើប្រាក់ចំណូល។
លោក Gabriel Zucman នាយកអង្គការសង្កេតការណ៍បានប្រាប់អ្នកសារព័ត៌មានថា «តាមទស្សនៈរបស់យើង នេះជាការពិបាកក្នុងការបង្ហាញអំពីភាពត្រឹមត្រូវ ព្រោះវាមានហានិភ័យក្នុងការធ្វើឱ្យខូចដល់និរន្តរភាពនៃប្រព័ន្ធពន្ធដារ និងការទទួលយកសង្គមនៃការយកពន្ធ»។ វិសមភាពទ្រព្យសម្បត្តិដែលកំពុងកើនឡើងនៅក្នុងប្រទេសមួយចំនួន កំពុងជំរុញឱ្យមានការអំពាវនាវឱ្យពលរដ្ឋដែលមានទ្រព្យច្រើនជាងគេឱ្យទទួលបន្ទុកពន្ធបន្ថែមទៀត ខណៈហិរញ្ញវត្ថុសាធារណៈមានការតស៊ូ ដើម្បីទប់ទល់នឹងប្រជាជនវ័យចំណាស់, តម្រូវការហិរញ្ញប្បទានដ៏ធំសម្រាប់ការផ្លាស់ប្តូរអាកាសធាតុ និងបំណុលបន្សល់ពីវិបត្តិជំងឺកូវីដ-១៩៕ (ប្រភពពី Reuters)
ចែករំលែកព័តមាននេះ