រាជធានីភ្នំពេញ ៖ ការជន់លិចទឹកបានកើតឡើង បន្ទាប់ពីភ្លៀងមួយមេធំ កាលពីយប់ថ្ងៃទី២០និង២១ ខែតុលា ឆ្នាំ២០២៣ លុះមកដល់ព្រឹកថ្ងៃទី២២ កម្ពស់ទឹកកើនឡើងចូល៣សង់ទីម៉ែត្រ ដោយស្ថិតនៅត្រង់ចំណុចផ្លូវលំ…
រាជធានីភ្នំពេញ ៖ ការជន់លិចទឹកបានកើតឡើង បន្ទាប់ពីភ្លៀងមួយមេធំ កាលពីយប់ថ្ងៃទី២០និង២១ ខែតុលា ឆ្នាំ២០២៣ លុះមកដល់ព្រឹកថ្ងៃទី២២ កម្ពស់ទឹកកើនឡើងចូល៣សង់ទីម៉ែត្រ ដោយស្ថិតនៅត្រង់ចំណុចផ្លូវលំ ភូមិព្រែកតានូ២ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
យោងតាមការលើកឡើងពីប្រជាពលរដ្ឋបានបញ្ជាក់ថា ផ្ទះរបស់ពួកគាត់ ទើបតែឆ្នាំនេះទេ មានការជន់លិច ។ មូលហេតុបណ្តាលអោយលិចទឹកបែបនេះ ដោយសារតែកាលពីយប់ត្រូវនិងថ្ងៃទី២០ ខែតុលា ឆ្នាំ២០២៣ មានភ្លៀងធ្លាក់យ៉ាងខ្លាំង និងបានលិចម្តងរួចមកហើយ តែក៏ទឹកមានស្រកចុះវិញបន្តិច ។
ប្រភពដដែលបន្តទៀតថា ប៉ុន្តែដោយយប់ថ្ងៃទី២១ ខែតុលា ឆ្នាំ២០២៣ មេឃបានបង្អុលភ្លៀងមួយមេធំបន្ថែមទៀត លុះព្រឹកឡើងថ្ងៃទី២២ ទឹកមានការហក់ឡើងប្រមាណ០៣សង់ទីម៉ែត្រ ដែលបង្កអោយប្រព័ន្ធលូ មានការហូរមិនទាន់រហូតក្លាយទៅលិចបែបនេះ ។
ជាចុងក្រោយ ពលរដ្ឋជាច្រើនគ្រួសារដែលរងការលិចលង់បានសំណូមពរសុំលោក ហែមដារិទ្ធ អភិបាលនៃគណៈអភិបាលខណ្ឌមានជ័យ សូមជួយចុះត្រួតពិនិត្យ ក្នុងការរំដោះទឹកចេញពីផ្ទះ និងភូមិរបស់ពួកគាត់ផង ព្រោះថានៅពេលដែលទឹកលិចធ្វើអោយពួកគាត់មានផលលំបាកក្នុងការរស់នៅនឹងទាំងការធ្វើដំណើរ ។ ដោយ៖ រដ្ឋា
ចែករំលែកព័តមាននេះ