អ្នកវិទ្យាសាស្ត្រថា អឺរ៉ុបអាចប្រឈមវិបត្តិកង្វះស្រាបៀរ ដោយសារហេតុផលទាំងនេះ
អង់គ្លេស ៖ អ្នកវិទ្យាសាស្ត្របានព្រមានថា កត្តាប្រែប្រួលអាកាសធាតុកំពុងផ្លាស់ប្តូររសជាតិ និងគុណ
អង់គ្លេស ៖ អ្នកវិទ្យាសាស្ត្របានព្រមានថា កត្តាប្រែប្រួលអាកាសធាតុកំពុងផ្លាស់ប្តូររសជាតិ និងគុណ
អង់គ្លេស ៖ អ្នកវិទ្យាសាស្ត្របានព្រមានថា កត្តាប្រែប្រួលអាកាសធាតុកំពុងផ្លាស់ប្តូររសជាតិ និងគុណភាពរបស់ស្រាបៀរ ហើយអនាគតអាចកើតមានវិបត្តិកង្វះស្រាបៀរជាពិសេសនៅតំបន់អឺរ៉ុប។ នេះយោងតាមប្រភពពីសារព័ត៌មាន The Guardian ចេញផ្សាយកាលពីពេលថ្មីៗនេះ។
យោងតាមការសិក្សាមួយបានឱ្យដឹងថា បរិមាណ និងគុណភាពនៃផ្លែហប (Hops) ដែលជាធាតុផ្សំដ៏សំខាន់បំផុតនៅក្នុងស្រាបៀរភាគច្រើន កំពុងរងផលប៉ះពាល់ដោយសារតែការកើនឡើងកំដៅពិភពលោក។ ជាលទ្ធផល ស្រាបៀរអាចនឹងមានតម្លៃថ្លៃនាពេលខាងមុខ ហើយអ្នកផលិតនឹងត្រូវសម្របតាមវិធីផលិតរបស់ខ្លួន។
អ្នកស្រាវជ្រាវបានព្យាករណ៍ថា ទិន្នផលផ្លែហបតំបន់កំពុងលូតលាស់នៅអឺរ៉ុប នឹងធ្លាក់ចុះពី ៤% ទៅដល់ ១៨% នៅឆ្នាំ ២០៥០ ប្រសិនបើកសិករមិនសម្របខ្លួនទៅនឹងអាកាសធាតុក្តៅ និងស្ងួត ខណៈដែលសារធាតុអាស៊ីតអាល់ហ្វានៅក្នុងផ្លែហប ដែលផ្តល់រសជាតិ និងក្លិនក្រអូបប្លែករបស់ស្រាបៀរនឹងធ្លាក់ចុះពី ២០-៣១% ។
លោក Miroslav Trnka អ្នកវិទ្យាសាស្ត្រនៅវិទ្យាស្ថានស្រាវជ្រាវការផ្លាស់ប្តូរសកល នៃបណ្ឌិត្យសភាវិទ្យាសាស្ត្រសាធារណរដ្ឋឆែក និងសហអ្នកនិពន្ធ នៃការសិក្សាដែលបានចុះផ្សាយក្នុងទិនានុប្បវត្តិ បានលើកឡើងថា «អ្នកផឹកស្រាបៀរច្បាស់ជានឹងឃើញការប្រែប្រួលរសជាតិ ទាំងតម្លៃ និងគុណភាព ហើយតាមរយៈទំនាក់ទំនងធម្មជាតិ វាហាក់ដូចជាជៀសមិនរួចពីទិន្នន័យរបស់យើងនោះទេ»។
នៅក្នុងរយៈពេលប៉ុន្មានឆ្នាំចុងក្រោយនេះ តម្រូវការសម្រាប់ផ្លែហប ដែលមានគុណភាពខ្ពស់ត្រូវបានជំរុញដោយការរីកដុះដាលនៃសិប្បកម្មស្រាបៀរជាមួយនឹងរសជាតិកាន់តែខ្លាំង ប៉ុន្តែការសិក្សាបានរកឃើញថា ការបំភាយឧស្ម័ន និងការកើនឡើងកំដៅភពផែនដី កំពុងធ្វើឱ្យរោងចក្រមានហានិភ័យ។ អ្នកស្រាវជ្រាវបានប្រៀបធៀបទិន្នផលប្រចាំឆ្នាំជាមធ្យមនៃផ្លែហបអំឡុងឆ្នាំ ១៩៧១-១៩៩៤ និងឆ្នាំ ១៩៩៥-២០១៨ ហើយបានរកឃើញថា ការថយចុះផលិតកម្មគួរឱ្យកត់សម្គាល់ចាប់ពី ០.១៣-០.២៧តោនក្នុងមួយហិកតា។ ជាក់ស្តែង តំបន់ Celje នៅក្នុងប្រទេសស្លូវេនី មានការធ្លាក់ចុះដ៏ធំបំផុតនៅក្នុងទិន្នផលប្រចាំឆ្នាំជាមធ្យមគឺ ១៩.៤% ។ នៅប្រទេសអាល្លឺម៉ង់ ដែលជាអ្នកដាំផ្លែហបធំជាងគេទី២នៅលើពិភពលោក ទិន្នផលជាមធ្យមបានធ្លាក់ចុះ ១៩.១% នៅក្នុងតំបន់ Spalt និង ១៣.៧% នៅតំបន់ Hallertau និង ៩.៥% នៅតំបន់ Tettnang ។
បើយោងតាមរបាយការណ៍ពីក្រុមហ៊ុនផលិតស្រាបៀរជប៉ុន Kirin បានបង្ហាញថា ប្រជាជននៅសាធារណរដ្ឋឆេក ផឹកស្រាបៀរច្រើនជាងកន្លែងផ្សេងៗទៀត នៅលើពិភពលោក។ ចំណែកប្រទេសអាល្លឺម៉ង់ ជាកន្លែងដែលការផលិតស្រាបៀរត្រូវបានគ្រប់គ្រងរយៈពេល៥០០ឆ្នាំ ដោយពិធីបុណ្យស្រាបៀរ «Oktoberfest» បានស្វាគមន៍អ្នកផឹកស្រាបៀរប្រមាណ៦លាននាក់មកពីជុំវិញពិភពលោកជារៀងរាល់ឆ្នាំ។
គេក៏សង្កេតឃើញថា បញ្ហាអាកាសធាតុ និងគោលនយោបាយដឹកនាំ កំពុងផ្លាស់ប្តូររសជាតិស្រាបៀរ ដោយមេដឹកនាំពិភពលោកបានសន្យាថា នឹងព្យាយាមបញ្ឈប់ការឡើងកំដៅរបស់ភពផែនដី ប៉ុន្តែការកើនឡើងឧស្ម័នផ្ទះកញ្ចក់ គឺរនាំងបាំងការសម្រេចគោលដៅមួយនេះ៕
ចែករំលែកព័តមាននេះ