ADផ្ទាំងផ្សព្វផ្សាយពាណិជ្ជកម្ម

Picture

ភ្ជុំបិណ្ឌ​៣​ថ្ងៃ​! ខេត្តស្ទឹងត្រែង មានការ​កើនឡើង​នៅ​ភ្ញៀវ​ទេសចរ បើ​ធៀប​នឹង​ឆ្នាំ​មុន

7 ខែ មុន
  • ស្ទឹងត្រែង

រយៈពេល​០៣​ថ្ងៃ នៃ​ពិធីបុណ្យ​ភ្ជុំបិណ្ឌ ខេត្តស្ទឹងត្រែង បាន​ទទួលភ្ញៀវ​ទេសចរ​ជាតិ និង​អន្តរជាតិ​មក​លេង​តាម​រមណីយដ្ឋាន​អេកូ​ទេសចរណ៍ធម្មជាតិ និង​ទីកន្លែង​កម្សាន្ត​នានា នៅ​ក្នុង​ខេត្តស្ទឹងត្រែង ប្រមាណ​ជា

ខេត្តស្ទឹងត្រែង ៖ រយៈពេល​០៣​ថ្ងៃ នៃ​ពិធីបុណ្យ​ភ្ជុំបិណ្ឌ ខេត្តស្ទឹងត្រែង បាន​ទទួលភ្ញៀវ​ទេសចរ​ជាតិ និង​អន្តរជាតិ​មក​លេង​តាម​រមណីយដ្ឋាន​អេកូ​ទេសចរណ៍ធម្មជាតិ និង​ទីកន្លែង​កម្សាន្ត​នានា នៅ​ក្នុង​ខេត្តស្ទឹងត្រែង ប្រមាណ​ជា​១០,៤៣៥​នាក់ ប្រកបដោយ​សុខ​សុវត្ថិភាព ហើយ​ជា​ផ្នែក​មួយ​ដែល​ជំរុញ​ឱ្យ​ភ្ញៀវ​ទេសចរ មក​ស្គាល់​រមណីយដ្ឋាន​ធម្មជាតិ​នៅ​ខេត្ត​ស្ទឹង ត្រែង​នេះ​ផង​ដែរ​។

លោក អ៊​ន ប៉ោ​សឿ​ន ប្រធាន​មន្ទីរ​ទេសចរណ៍​ខេត្តស្ទឹងត្រែង បាន​ប្រាប់​ឲ្យ​ដឹង​ថា «​ក្នុង​រយៈពេល​០៣​ថ្ងៃ នៃ​ថ្ងៃ​ពិធីបុណ្យ​ភ្ជុំបិណ្ឌ សហគមន៍​ទេសចរណ៍ ក៏​ដូច​ជា​តំបន់​រមណីយដ្ឋាន​អេកូ​ទេសចរណ៍ និង​ទីកន្លែង​កម្សាន្ត​នានា គឺ​មាន​រៀបចំ​បាន​ស្អាត​ល្អ​ទៅ​តាម​ស្តង់ដា​ដែល​បាន​ណែនាំ និង​អ្នកលក់​ម្ហូបអាហារ​មាន​អនាម័យ រសជាតិ​ឆ្ងាញ់ តម្លៃ​សមរម្យ បូក​រួម​មាន​បរិស្ថាន​ល្អ និង​កន្លែង​កម្សាន្ត​ធានា​មាន​សុវត្ថិភាព​ផង​ដែរ​»​។

លោក​បន្ថែម​ថា «​មាន​កត្តា​ធំ​ៗ៤​យ៉ាង បាន​ធ្វើ​ឱ្យ​ភ្ញៀវ​ទេសចរ​នាំ​គ្នា​ធ្វើ​ដំណើរ​កម្សាន្ត​ដូច​ជា ៖ កត្តា​សន្តិភាព​, ផ្លូវ​គមនាគមន៍​ល្អ​, ប្រជាពលរដ្ឋ​មាន​ជីវភាព​ធូរធារ និង​កត្តា​មធ្យោបាយ​ដែល​បងប្អូន​មាន ព្រមទាំង​បាន​បង្ក​លក្ខណៈ​ងាយស្រួល​ក្នុង​ការ​ធ្វើ​ដំណើរ​កម្សាន្ត​សប្បាយ​ទៀត​ផង​»​។

លោក​ប្រធាន​មន្ទីរ បញ្ជាក់​ទៀត​ថា «​ភ្ញៀវ​ទេសចរ​ជាតិ និង​អន្តរជាតិ នាំ​គ្នា​ចូល​មក​លេង​ក្នុង​ឱកាស​បុណ្យ​ភ្ជុំបិណ្ឌ​រយៈពេល​០៣​ថ្ងៃ គឺ​ចាប់ពី​ថ្ងៃ​ទី​១៣ ថ្ងៃ​ទី​១៤ និង​ថ្ងៃ​ទី​១៥ ខែ​ត​លា ឆ្នាំ​២០២៣​នេះ ទទួល​បាន​ភ្ញៀវ​ទេសចរ​សរុប​ចំនួន ១០,៤៣៥​នាក់ ក្នុង​នោះ​ភ្ញៀវ​ទេសចរ​ជាតិ​ចំនួន​១០,៤១៥​នាក់ និង​ភ្ញៀវ​ទេសចរ​អន្តរជាតិ​ចំនួន​២០​នាក់ បើ​ប្រៀបធៀប​ឆ្នាំ​២០២២ ភ្ញៀវ​ទេសចរ​នៅ​ឆ្នាំ​២០២៣​នេះ បាន​កើនឡើង​ចំនួន​៩៨៧​នាក់ ស្នើ​នឹង​១០,៤៤ ភាគរយ​៕

អត្ថបទសរសេរ ដោយ

កែសម្រួលដោយ