ក្រសួងធនធានទឹក និងឧតុនិយម បានបញ្ជាក់ថា ចាប់ពីថ្ងៃទី១៥ រហូតដល់ថ្ងៃទី១៧ ខែតុលា ឆ្នាំ២០២៣នេះ ប្រព័ន្ធសម្ពាធទាប (ITCZ) បន្តអូសបន្លាយកាត់លើភាគខាងត្បូងប្រទេសកម្ពុជា ខណៈសម្ពាធទាបមួយភ្ជាប់នៅចុងប្រព័ន្ធសម្ពាធទាបនេះ នៅខាងកើតឆ្នេរភាគកណ្តាលប្រទេសវៀតណាម បានវិវដ្ដទៅជាសម្ពាធទាបសកម្ម។ ស្ថានភាពបែបនេះ
រាជធានីភ្នំពេញ ៖ ក្រសួងធនធានទឹក និងឧតុនិយម បានបញ្ជាក់ថា ចាប់ពីថ្ងៃទី១៥ រហូតដល់ថ្ងៃទី១៧ ខែតុលា ឆ្នាំ២០២៣នេះ ប្រព័ន្ធសម្ពាធទាប (ITCZ) បន្តអូសបន្លាយកាត់លើភាគខាងត្បូងប្រទេសកម្ពុជា ខណៈសម្ពាធទាបមួយភ្ជាប់នៅចុងប្រព័ន្ធសម្ពាធទាបនេះ នៅខាងកើតឆ្នេរភាគកណ្តាលប្រទេសវៀតណាម បានវិវដ្ដទៅជាសម្ពាធទាបសកម្ម។ ស្ថានភាពបែបនេះនឹងធ្វើឱ្យរាជធានីភ្នំពេញ និងតាមបណ្តាខេត្តដទៃទៀត អាចនឹងមានភ្លៀងធ្លាក់ក្នុងកម្រិតចាប់ពីខ្សោយទៅមធ្យម លាយឡំទៅដោយផ្គរ និងរន្ទះផងដែរ។
យោងតាមសេចក្តីជូនដំណឹងអំពីស្ថានភាពអាកាសធាតុនៅព្រះរាជាណាចក្រកម្ពុជា នៅថ្ងៃទី១៥ ខែតុលា ឆ្នាំ២០២៣នេះ របស់ក្រសួងធនធានទឹក និងឧតុនិយម បានប្រាប់ឱ្យដឹងថា ប្រព័ន្ធសម្ពាធទាប (ITCZ) បន្តអូសបន្លាយកាត់លើភាគខាងត្បូងប្រទេសកម្ពុជា ខណៈសម្ពាធទាបមួយភ្ជាប់នៅចុងប្រព័ន្ធសម្ពាធទាបនេះ នៅខាងកើតឆ្នេរភាគកណ្តាលប្រទេសវៀតណាម បានវិវដ្ដទៅជាសម្ពាធទាបសកម្ម។ សម្ពាធទាបសកម្មនោះ នឹងរំកិលឆ្ពោះពីទិសខាងលិចមកដល់លើខ្ពង់រាបភាគឦសាន នៅថ្ងៃទី១៧ ខែតុលាខាងមុខនេះ។ រីឯទិសដៅខ្យល់បន្តបក់ ប្រែប្រួល ប្តូរមកពីទិសខាងកើត និងទិសអាគ្នេយ៍ (Variable winds) ផងដែរ។
ក្រសួងធនធានទឹក និងឧតុនិយម បានប្រាប់បន្តថា ស្ថានភាពបែបនេះនឹងធ្វើឱ្យចាប់ពីថ្ងៃទី១៥ រហូតដល់ថ្ងៃទី១៧ ខែតុលា ឆ្នាំ២០២៣ ខាងមុខនេះ នៅតាមបណ្តាខេត្ត ស្ថិតក្នុងតំបន់ខ្ពង់រាបភាគឦសាន និងភាគខាងកើត ជាប់នឹងប្រទេសវៀតណាម អាចមានភ្លៀងធ្លាក់នៅក្នុងកម្រិតចាប់ពីតិចទៅបង្គួរ លាយឡំទៅដោយផ្គរ និងរន្ទះ ជាមួយនឹងទំហំទឹកភ្លៀងធ្លាក់គ្របដណ្តប់លើផ្ទៃដី ចាប់ពី៦០% រហូតដល់៨០%។
ក្រសួងធនធានទឹក និងឧតុនិយម បានប្រាប់បន្តទៀតថា ចំណែកឯរាជធានីភ្នំពេញ និងនៅតាមបណ្តាខេត្តដទៃទៀត ក៏អាចនឹងមានភ្លៀងធ្លាក់នៅក្នុងកម្រិតចាប់ពីខ្សោយទៅមធ្យម លាយឡំទៅដោយផ្គរ និងរន្ទះ ជាមួយនឹងទំហំទឹកភ្លៀងធ្លាក់គ្របដណ្តប់លើផ្ទៃដី ចាប់ពី៥០% រហូតដល់៦០%ផងដែរ៕
ចែករំលែកព័តមាននេះ