ត្រឹម៩ខែ! វៀតណាមប្រមូលពន្ធពីក្រុមហ៊ុនវេទិកាឌីជីថល ជិត២៥០លានដុល្លារ
វៀតណាម ៖ បណ្តាក្រុមហ៊ុនវេទិកាឌីជីថល (Digital Platforms) ចំនួន ៦៧ រួមមានទាំងក្រុមហ៊ុនយក្ស
វៀតណាម ៖ បណ្តាក្រុមហ៊ុនវេទិកាឌីជីថល (Digital Platforms) ចំនួន ៦៧ រួមមានទាំងក្រុមហ៊ុនយក្ស
វៀតណាម ៖ បណ្តាក្រុមហ៊ុនវេទិកាឌីជីថល (Digital Platforms) ចំនួន ៦៧ រួមមានទាំងក្រុមហ៊ុនយក្ស Meta, Google, TikTok និង Microsoft បានបង់ពន្ធជូនអគ្គនាយកដ្ឋានពន្ធដាររបស់វៀតណាមចំនួន ៥.៨ទ្រីលានដុង ស្មើនឹង ២៤១.៧លានដុល្លារអាមេរិក គិតរហូតមកទល់ពេលនេះ បើធៀបនឹងឆ្នាំ ២០២២ ដែលមានត្រឹម ៣.៥ទ្រីលានដុង ស្មើនឹង ១៤៣.៤លានដុល្លារប៉ុណ្ណោះ។ នេះបើយោងតាមប្រភពពីសារព័ត៌មាន VnExpress ចេញផ្សាយនៅថ្ងៃទី១០ ខែតុលា ឆ្នាំ២០២៣។
អគ្គនាយកដ្ឋានពន្ធដារវៀតណាម បានថ្លែងថា ខ្លួននឹងជំរុញអ្នកផ្តល់សេវាបរទេសផ្សេងទៀត ដែលមិនទាន់បានប្រកាស និងបង់ពន្ធដើម្បីធ្វើដូច្នេះ ហើយធ្វើឱ្យប្រសើរឡើងសម្រាប់ព័ត៌មានអេឡិចត្រូនិករបស់ខ្លួន ដើម្បីសម្រួលដល់ការទូទាត់តាមប្រព័ន្ធអ៊ីនធឺណិត។
យោងតាមរបាយការណ៍នាយកដ្ឋានពន្ធដារវៀតណាម បានបង្ហាញថា ការប្រមូលពន្ធក្នុងរយៈពេល៩ខែដំបូងរបស់ខ្លួនមានចំនួនសរុប ១,០៥០ទ្រីលានដុង ស្មើនឹងជាង ៤៣ពាន់លានដុល្លារ ពោលធ្លាក់ចុះ ៥% បើធៀបនឹងរយៈពេលដូចគ្នា កាលពីឆ្នាំមុន ខណៈដែលពន្ធលើប្រេងឆៅបានធ្លាក់ចុះ ២០% មកនៅត្រឹម ៤៦ទ្រីលានដុង ស្មើនឹងជាង ១.៨ពាន់លានដុល្លារ៕
ចែករំលែកព័តមាននេះ