ការវា.យប្រហារលើអ៊ីស្រាអែល អាចជំរុញដល់ការទិញទ្រព្យសកម្មភាព
អន្តរជាតិ ៖ វិនិយោគិនពិភពលោក កំពុងឃ្លាំមើលយ៉ាងដិតដល់នូវព្រឹត្តិការណ៍នៅក្នុងប្រទេសអ៊ីស្រា
អន្តរជាតិ ៖ វិនិយោគិនពិភពលោក កំពុងឃ្លាំមើលយ៉ាងដិតដល់នូវព្រឹត្តិការណ៍នៅក្នុងប្រទេសអ៊ីស្រា
អន្តរជាតិ ៖ វិនិយោគិនពិភពលោក កំពុងឃ្លាំមើលយ៉ាងដិតដល់នូវព្រឹត្តិការណ៍នៅក្នុងប្រទេសអ៊ីស្រាអែល ដែលជាហានិភ័យភូមិសាស្ត្រនយោបាយចំពោះទីផ្សារ ដោយមានការរំពឹងទុកខ្លះថា សង្គ្រាមអ៊ីស្រាអែល នឹងក្រុមសកម្មប្រយុទ្ធហាម៉ាសប៉ាឡេស្ទីន អាចជំរុញឱ្យមានការទិញទ្រព្យសកម្មដូចជា មាស និងប្រាក់ដុល្លារ។
ក្រុមសកម្មប្រយុទ្ធហាម៉ាសប៉ាឡេស្ទីន បានបើកការវាយប្រហារដោយគ្រាប់មីសីលយ៉ាងភ្ញាក់ផ្អើលបំផុតលើអ៊ីស្រាអែល កាលពីថ្ងៃទី៧ ខែតុលា ឆ្នាំ២០២៣ កន្លងទៅ ដែលបណ្តាលឱ្យមនុស្សជាច្រើនរយនាក់ស្លាប់បាត់បង់ជីវិត និងខូចខាតហេដ្ឋារចនាសម្ព័ន្ធយ៉ាងច្រើនសន្ធឹកសន្ធាប់។ បណ្តាប្រទេសលោកខាងលិច ដែលដឹកនាំដោយសហរដ្ឋអាមេរិក បានប្រកាសថ្កោលទោសចំពោះការវាយប្រហារនេះ និងបានសន្យាគាំទ្រដល់អ៊ីស្រាអែល។
អ្នកវិភាគលើកឡើងថា ការកើនឡើងហានិភ័យភូមិសាស្ត្រនយោបាយ អាចឃើញការទិញទ្រព្យសកម្មដូចជា មាស និងប្រាក់ដុល្លារ ហើយមានសក្តានុពលជំរុញតម្រូវការសម្រាប់រតនាគារសហរដ្ឋអាមេរិក ដែលតម្រូវលក់ចេញយ៉ាងគំហុក។ លោក Peter Cardillo ប្រធានសេដ្ឋវិទូទីផ្សាររបស់ក្រុមហ៊ុន Spartan Capital Securities បានព្យាករណ៍ថា «ប្រាក់ដុល្លារក៏នឹងទទួលបានអត្ថប្រយោជន៍ផងដែរ ដោយសារតែនៅពេលណាដែលមានភាពចលាចលអន្តរជាតិ ប្រាក់ដុល្លារនឹងកើនឡើង»។
ទីផ្សារសកល បាននិងកំពុងមានប្រតិកម្មក្នុងប៉ុន្មានសប្តាហ៍ថ្មីៗនេះ ចំពោះការរំពឹងទុកថា អត្រាការប្រាក់របស់សហរដ្ឋអាមេរិកនឹងកើនឡើងខ្ពស់ក្នុងរយៈពេលយូរ។ ស្របពេលទិន្នផលមូលបត្របំណុលបានកើនឡើង ខណៈដែលប្រាក់ដុល្លារអាមេរិកមានការកើនឡើងជាបន្តបន្ទាប់។ ទន្ទឹមនឹងនេះដែរ ទីផ្សារភាគហ៊ុនមានការខាតបង់យ៉ាងខ្លាំងសម្រាប់ត្រីមាសទី៣ ប៉ុន្តែមានស្ថិរភាពមកវិញក្នុងសប្តាហ៍ចុងក្រោយ។
ងាកមកលោក Brian Jacobsen ប្រធានសេដ្ឋវិទូរបស់ក្រុមហ៊ុន Annex Wealth Management បានចោទសួរថា តើវានឹងមានផលប៉ះពាល់ដល់តម្លៃប្រេងប៉ុន្មានដែរ បើទោះបីជាអ៊ីរ៉ង់បាននិងកំពុងបង្កើនទិន្នផលប្រេងយ៉ាងណាក៏ដោយ?
ការវាយប្រហាររបស់ក្រុមសកម្មប្រយុទ្ធហាម៉ាសលើអ៊ីស្រាអែល ទទួលបានការសាទរដោយបើកចំហពីប្រទេសអ៊ីរ៉ង់ និងក្រុមសកម្មប្រយុទ្ធហេប៊ូឡា (Hezbollah) ដែលជាសម្ព័ន្ធមិត្តលីបង់របស់អ៊ីរ៉ង់។ លោក Jacobsen បានថ្លែងថា «ផលិតកម្មប្រេងអ៊ីរ៉ង់បានកើនឡើង ប៉ុន្តែការរីកចំរើនណាមួយ ដែលពួកគេបាននឹងកំពុងធ្វើនៅពីក្រោយខ្នងសហរដ្ឋអាមេរិក នឹងត្រូវរងការប៉ះពាល់យ៉ាងខ្លាំង ដោយសារតែអ៊ីរ៉ង់បានអបអរសកម្មភាពរបស់ពួកហាម៉ាស។ ដូច្នេះការបាត់បង់ទិន្នផលប្រេងអាចជាបញ្ហា ប៉ុន្តែនឹងមិនឈានដល់ការខ្ទេចខ្ទាំពិភពលោកនោះទេ»។
លោក Jacobsen បានបន្តទៀតថា «វាសំខាន់បំផុត ដើម្បីមើលអំពីរបៀបដែលអារ៉ាប៊ីសាអូឌីតមានប្រតិកម្មលើព្រឹត្តិការណ៍ថ្មីៗនេះ ខណៈដែលសហរដ្ឋអាមេរិក បាននឹងកំពុងព្យាយាមធ្វើកិច្ចព្រមព្រៀងដ៏សំខាន់មួយ ដែលនឹងធ្វើឱ្យទំនាក់ទំនងរវាងប្រទេសអ៊ីស្រាអែល និងអារ៉ាប៊ីសាអូឌីតមានលក្ខណៈល្អប្រសើរ»៕ (ដកស្រង់ចេញពី Reuters)
ចែករំលែកព័តមាននេះ