ADផ្ទាំងផ្សព្វផ្សាយពាណិជ្ជកម្ម

Picture

សម្ព័ន្ធមេត្រីភាព​រវាង​កងវរៈសេនាតូច​លេខ​៩០៥ ប៉ូលិស​ការពារ​ព្រំដែន​គោក​កម្ពុជា ថៃ (​វី​ដេ​អូ​)

9 ខែ មុន
  • ឧត្តរមានជ័យ

លោក ឃឹម ច​ន្ថា រដ្ឋលេខាធិការ​ក្រសួង​វប្បធម៌ និង​វិចិត្រសិល្បៈ តំណាង​ដ៏​ខ្ពង់ខ្ពស់​លោក​ជំទាវ​ព្រឹទ្ធាចារ្យ ភឿ​ង ករុណា ក្រសួង​វប្បធម៌ និង​វិចិត្រសិល្បៈ បាន​ដឹកនាំ​គណៈប្រតិភូ​ចុះ​សាកសួរ​សុខទុក្ខ និង​សំណេះសំណាល​ជាមួយ​កងកម្លាំង

ខេត្តឧត្តរមានជ័យ ៖ លោក ឃឹម ច​ន្ថា រដ្ឋលេខាធិការ​ក្រសួង​វប្បធម៌ និង​វិចិត្រសិល្បៈ តំណាង​ដ៏​ខ្ពង់ខ្ពស់​លោក​ជំទាវ​ព្រឹទ្ធាចារ្យ ភឿ​ង ករុណា ក្រសួង​វប្បធម៌ និង​វិចិត្រសិល្បៈ បាន​ដឹកនាំ​គណៈប្រតិភូ​ចុះ​សាកសួរ​សុខទុក្ខ និង​សំណេះសំណាល​ជាមួយ​កងកម្លាំង​ក្នុង​កង​វរៈ​លេខ​៩០៥ ប៉ូលិស​ការពារ​ព្រំដែន​គោក​កម្ពុជា​-​ថៃ ដែល​ស្ថិត​នៅ​ក្នុងភូមិ​ត្រពាំង​តា​វ ឃុំ​ត្រពាំង ស្រុក​អន្លង់​វែង ខេត្តឧត្តរមានជ័យ នៅ​ព្រឹក​ថ្ងៃ​ទី​៣០ ខែកញ្ញា ឆ្នាំ​២០២៣​។

ដោយ​មានការ​ចូលរួម​លោក ហួត សុធី ស្នងការដ្ឋាន​នគ​បាល​ខេត្តឧត្តរមានជ័យ​, លោក ភា​ជ ភា ទទួល​ទឹ​ស​យោធភូមិ​ភាគ​ទី​៤ ប៉ូលិស​ការពារ​ព្រំដែន​គោក​កម្ពុជា​-​ថៃ​, លោក ហង្ស បូ ទទួល​ប៉ូលិស​ការពារ​ព្រំដែន​៧០២ និង​៩០៥ នៃ​ខេត្តឧត្តរមានជ័យ​, លោក ស៊ុ សា​រឿ​ន ទទួល​គ្រប់គ្រង​ប៉ូលិស​កងវរៈសេនាតូច​លេខ​៩០៥ ការពា​ព្រំដែន​គោក​កម្ពុជា​-​ថៃ និង​ពល​ប៉ូលិស​ជា​ច្រើន​រូប​ផង​ដែរ ។

លោក​កុ ល វិបុល មេបញ្ជាការ​កងវរៈសេនាតូច​លេខ​៩០៥ បាន​ឡើង​អាន​នូវ​របាយការណ៍​ជូន​គណៈប្រតិភូ​ថា ក្នុង​កងវរៈសេនាតូច​លេខ​៩០៥ មាន​ប៉ុស្ដិ៍​ចំនួន​៥ នៅ​លើ​កំពូល​ជួរ​ភ្នំ​ដងរ៉ែក គឺ​ប៉ុស្ដិ៍​ចុង​ព្រិច ប៉ុស្ដិ៍​តា​ទុំ ប៉ុស្ដិ៍​ជាំ ប៉ុស្ដិ៍​ភ្នំ​ត្បាល់ ហៅ​ប៉ុស្ដិ៍​ល្បា​ល​ទន្សោង និង​ប៉ុស្ដិ៍​ព្រះ​ប្រឡាយ ប៉ុស្ដិ៍​នគ​បាល​ប៉ូលិស​ការពារ​ព្រំដែន​ទាំង​៥​នេះ បាន​ដើរ​ល្បាត​ជា​ប្រចាំ​ថ្ងៃ ខណៈនោះ​ដើរ​ល្បាត​ទៅ​ចាប់ដៃ​គ្នា​ពី​ប៉ុស្ដិ៍​មួយ​ទៅ​ប៉ុស្ដិ៍​មួយទៀត ដើម្បី​ស្តាប់​សភាព​ការ​ផ្នែក​រាល់​បទល្មើស​ឆ្លង​ដែន​ដោយ​ខុសច្បាប់​ផង​ដែរ​។

លោក​មេបញ្ជាការ​កង​វរៈ បាន​បន្ត​ថា លើស​ពី​នោះ​នៅ​ពេលទំនេរ​ពី​ការ​ដើរ​ល្បាត​តាម​ខ្សែបន្ទាត់​ព្រំដែន កងកម្លាំង​នៅ​តាម​បណ្តា​ប៉ុស្ដិ៍​នីមួយ​ៗ​បាន​ឆ្លៀតឱកាស​ដាំ​ដំណាំ​បន្លែបង្ការ​មួយ​ចំនួន និង​ចិញ្ចឹម​មាន់ ទា ទុក​ធ្វើ​ជា​ម្ហូបអាហារ​ផង​ដែរ ពីព្រោះ​ជួប​ការ​លំបាក​ក្នុង​ការ​ធ្វើ​ដំណើរ​មក​រក​ទីផ្សារ​។ ដោយឡែក​នៅ​ទីបញ្ជាការ​កង​វរៈ ក៏​បាន​ខិតខំ​យកចិត្តទុកដាក់ កសាង​ទីបញ្ជាការ ដូច​ជា​អគារ​កន្លែង​ស្នាក់​នៅ ទីកន្លែង​ប្រចាំ​បញ្ជា និង​ផ្លូវថ្នល់​ក្នុង​ទីបញ្ជាការ​ដាំ​កូន​ឈើ​ឲ្យ​មាន​សោ​ភណ្ឌ​ភាព​បាន​ល្អ​ប្រសើ ។

លោក ឃឹម ច​ន្ថា រដ្ឋលេខាធិការ​ក្រសួង​វប្បធម៌ និង​វិចិត្រសិល្បៈ បន្ទាប់​ពី​បាន​សាកសួរ​សុខទុក្ខ និង​បាន​សំណេះសំណាល​រួច​មក បាន​មាន​ប្រសាសន៍​ថា ក្រសួង​វប្បធម៌ និង​វិចិត្រសិល្បៈ​បាន​ចងមេត្រី​ភាព​កាលពី​អំឡុង​ឆ្នាំ​២០០៨​កន្លង​មក រវាង​កងវរៈសេនាតូច​លេខ​៩០៥ ក្នុង​មួយ​ឆ្នាំ​ចំនួន​២​ដង គឺ​ក្នុង​រដូវ​បុណ្យចូលឆ្នាំ និង​រដូវ​បុណ្យ​ភ្ជំបិណ្ឌ គឺ​តែងតែបាន​ចុះ​សាកសួ​សុខទុក្ខ​ជា​ប្រចាំ​។

លោក ឃឹម ច​ន្ថា មាន​ប្រសាសន៍​បន្ត​ថា ក្រោយ​ពី​បាន​ស្តាប់​នូវ​របាយការណ៍​រួច​មក បាន​កោតសរសើរ​ដល់​កងកម្លាំង និង​លោក​មេបញ្ជាការ លោក​មេបញ្ជាការ​ង​គ្រប់​រូប ដែល​បាន​យកចិត្តទុកដាក់​ខិតខំ​ការពារ​ជាតិ​មាតុភូមិ ជូន​ប្រជាពលរដ្ឋ និង​ជូន​រាជរដ្ឋាភិបាល សុំ​ឲ្យ​ខិតខំ​បន្ត​ទៀត​។

លើស​ពី​នោះ លោក​បាន​ពាំនាំ​អំណោយ​ជួយ​ឧបត្ថម្ភ​ដូច​ជា ៖ អង្ករ​ចំនួន​៥​តោន​, ទឹកត្រី​១៥០​យួរ​, ទឹកស៊ីអ៊ីវ​៧០​យួរ​, ត្រីខកំប៉ុង​៧​កេស​ធំ​, មី​ខ្លាឃ្មុំ​៥០​កេស​, ស្ករ​.​ស​៧​បាវ​, ប៊ី​ចេ​ង​៧​ការុង និង​ប្រេងឆា​១៥​កេស​។ លើស​ពី​នោះ កងកម្លាំង​ក្នុង​ម្នាក់​ៗ​ទទួល​បាន​ថវិការ​ចំនួន​៥​ម៉ឺន​រៀល​, មេបញ្ជាកា​ទទួល​បាន​២០​ម៉ឺន​រៀល មេបញ្ជាការ​ង​១០​ម៉ឺន​រៀល និង​ឧបត្ថម្ភ​អង្គភាព​៤​លាន​រៀល​ផង​ដែរ​៕

អត្ថបទសរសេរ ដោយ

កែសម្រួលដោយ