អាសូរ! ជាងប៉ះកង់១គ្រួសារនៅជាប់របងព្រលានយន្តហោះ ត្រូវឡានបុ.ករះស្លា.ប់ម្នាក់ របួសធ្ងន់៤នាក់
- ភ្នំពេញ
រាជធានីភ្នំពេញ ៖ បុរសម្នាក់បើករថយន្តបុ.ករះជាងប៉ះកង់ម៉ូតូនៅចិញ្ចើមផ្លូវ និងបុ.ករះរបង
រាជធានីភ្នំពេញ ៖ បុរសម្នាក់បើករថយន្តបុ.ករះជាងប៉ះកង់ម៉ូតូនៅចិញ្ចើមផ្លូវ និងបុ.ករះរបង
រាជធានីភ្នំពេញ ៖ បុរសម្នាក់បើករថយន្តបុ.ករះជាងប៉ះកង់ម៉ូតូនៅចិញ្ចើមផ្លូវ និងបុ.ករះរបងព្រលានយន្តហោះអន្តរជាតិភ្នំពេញ បណ្តាលឲ្យស្លា.ប់ម្នាក់ និងរងរបួសធ្ងន់២នាក់ និងស្រាល២នាក់ ចំណែកអ្នកបើកបរត្រូវបានបងប្អូនប្រជាពលរដ្ឋឃាត់ប្រគល់អោយសមត្ថកិច្ចភ្លាមៗ បង្កឲ្យមានការភ្ញាក់ផ្អើលកាលពីវេលាម៉ោង៩នឹង៤នាទីយប់ថ្ងៃទី២៧ ខែកញ្ញា ឆ្នាំ២០២៣ តាមបណ្ដោយផ្លូវសហព័ន្ធ រុស្ស៊ី ជាប់របងព្រលានយន្តហោះអន្តរជាតិភ្នំពេញ ស្ថិតក្នុងភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
រថយន្តបង្កម៉ាកហាយឡេនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2AT-7065 បើកបរដោយបុរសម្នាក់ ក្នុងទិសដៅពីត្បូងទៅជើង ។ ចំណែកជនរងគ្រោះជាអ្នកប៉ះកង់ម៉ូតូមានគ្នា៣នាក់ ក្នុងនោះស្លា.ប់កូនប្រុសម្នាក់ ចំណែកឪពុក និងកូនប្រុសម្នាក់ទៀតរងរបួសធ្ងន់ ។
តាមប្រភពព័ត៌មានពីប្រជាពលរដ្ឋបានឃើញហេតុការណ៍បានប្រាប់ឲ្យដឹងថា នៅមុនកើតហេតុ គេឃើញបុរសម្នាក់រួមដំណើរជាមួយស្ត្រីជាប្រពន្ធ និងកូនតូចម្នាក់ទៀត បានជិះរថយន្តម៉ាកហាយឡែនឌ័រ ធ្វើដំណើរតាមបណ្តោយផ្លូវសហព័ន្ធរុស្ស៊ី ក្នុងទិសដៅពីជើងទៅត្បូង ក្នុងល្បឿនយ៉ាងលឿនដូចហោះ ទាំងស្ថានភាពស្រវឹងផងនោះ ក៏ស្រាប់តែរេចង្កូតរថយន្តមកខាងស្តាំឡើងលើខឿនឡើងចិញ្ចើមផ្លូវជ្រុលទៅបុ.ករះម៉ូតូសណ្តោងរ៉ឺម៉ក ដែលឪពុកនិងកូន៣នាក់ជាអ្នកប្រកបរបរប៉ះកង់ និងម៉ូតូពេលយប់នៅលើឃឿនចិញ្ចើមផ្លូវបុ.កប៉ើងទៅផ្ទប់នឹងរបងព្រលានយន្តហោះអន្តរជាតិភ្នំពេញ បណ្តាលឲ្យបុរសម្នាក់ស្លា.ប់ និងបុរសជាឪពុកនឹងកូនម្នាក់ទៀតរងរបួសធ្ងន់ ចំណែកស្ដ្រីអ្នករួមដំណើរនឹងកូនតូចម្នាក់អាយុ២ឆ្នាំរងរបួសធ្ងន់ត្រូវបានរថយន្តសង្គ្រោះឯកជនបានដឹកយកទៅសង្គ្រោះបន្ទាន់ ។ រីឯបុរសជាអ្នកបើករថយន្តបង្កត្រូវបានប្រជាពលរដ្ឋជិតខាងនាំគ្នាឃាត់បានយកទៅប្រគល់ឲ្យសមត្ថកិច្ចនគរបាលយកទៅប៉ុស្តិ៍ភ្លាមៗ ។
ក្រោយពេលកើតហេតុ កំលាំងសមត្ថកិច្ចនគរបាលប៉ុស្តិ៍បានទាក់ទងទៅសមត្ថកិច្ចជំនាញចរាចរណ៍ខណ្ឌពោធិសែនជ័យ ព្រមទាំងទាក់ទងទៅជំនាញការិយាល័យចរាចរណ៍ផ្លូវគោករាជធានីភ្នំពេញដើម្បីធ្វើការវាស់វែងយករថយន្តបង្ក ព្រមទាំងម៉ូតូសណ្តោងរ៉ឺម៉កប៉ះកង់ម៉ូតូយកទៅរក្សាទុករង់ចាំការដោះស្រាយនៅថ្ងៃក្រោយ ចំណែកស.ពជនរងគ្រោះម្នាក់ត្រូវបានសមត្ថកិច្ចធ្វើលិខិតប្រគល់ស.ពអោយក្រុមគ្រួសារយកទៅធ្វើបុណ្យតាមប្រពៃណី ។
សមត្ថកិច្ចបានប្រាប់ឲ្យដឹងថា ជនរងគ្រោះដែលស្លា.ប់ឈ្មោះ នុន ចាន់ធូ ភេទប្រុស អាយុ១៤ឆ្នាំ មុខរបរជាងប៉ះកង់ មានទីលំនៅភូមិពោធិ៍រលំ ឃុំរកាកោង២ ស្រុកមុខកំពូល ខេត្តកណ្តោល និង២នាក់ប្ដីប្រពន្ធដែលរងរបួសធ្ងន់ ត្រូវបានរថយន្តដឹកយកទៅសង្គ្រោះ ៕
ចែករំលែកព័តមាននេះ