ភ្នំពេញ៖ ក្រសួងសុខាភិបាល បានប្រកាសក្រើនរំ​លឹកជាថ្មី ដល់ប្រចាពលរដ្ឋទាំងអស់ថា ការបង្ការ ដែលល្អបំផុតពីជំងឺហ្ស៊ីកា គឺត្រូវអនុវត្ត​ន៍ដូច​ទៅនឹងការបង្ការជំងឺគ្រុនឈាន និងគ្រុនឈីក​ដែរ រួមមាន ការពារខ្លួនកុំឱ្យមូសខ្លាខាំ ស្ត្រីដែលមានផ្ទៃពោះ ឬមានផែនការនឹងមានផ្ទៃពោះ ឬមានផែនការនឹងមានផ្ទៃពោះ នឹងដៃគូរួមភេទរបស់គាត់រឹតតែ​ត្រូវមានការប្រុងប្រយ័ត្នបន្ថែមទៀត ដើម្បី​ការពារខ្លួនពីមូលខ្លា ដែលមានផ្ទុកវីរុសហ្ស៊ីកាខាំ និងការចម្លង​តាមការរួមភេទ។

សេ​ចក្តីប្រកាសរបស់ក្រសួងសុខាភិបា​ល​ដូច្នេះ បានធ្វើឡើង ក្នុងសេចក្តីប្រកាសព័ត៌មាន ចេញផ្សាយនៅថ្ងៃទី២៤ ខែកញ្ញានេះ ដោយក្រសួងសុខាភិបាល បានប្រកាសពីករណីជំងឺ​ហ្ស៊ីកាដំបូង នៅក្នុងឆ្នាំ២០២៣ នៅកម្ពុជា​។ នោះគឺករណីជំងឺហ្ស៊ីកា ចំនួន ១ករណី កើតលើកុមារីអាយុ ៧ឆ្នាំ រស់នៅភូមិ​ពពេជ ឃុំចុងដូង ស្រុកបារាយណ៍ ខេត្តកំពង់ធំ ដែលបានចូលសម្រាក​នៅមន្ទីរពេទ្យបង្អែកស្រុកបារាយណ៍-សន្ទុក នៅថ្ងៃទី១៨ ខែកញ្ញា ឆ្នាំ២០២៣ វេលាម៉ោង ១៨:២៥នាទី នៅផ្នែកសង្គ្រោះបន្ទាន់កុមារ ដោយមានរោគសញ្ញា ក្តៅខ្លួន​ខ្លាំង មានក្អួត និងរាក បន្ទាប់ពីគ្រូពេទ្យ​ ​បានព្យាបាល កុមារីបានធូរស្បើយលែងមានក្អួតទៀត គ្រូពេទ្យ​បានធ្វើតេស្តរហ័ស រកជំងឺគ្រុនឈាន តែលទ្ធផលអវិជ្ជមាន។ នៅថ្ងៃទី១៩ ខែកញ្ញា ឆ្នាំ២០២៣ បន្តយកវត្ថុវិភាគ និងបានផ្ញើទៅ​វិទ្យាស្ថានប៉ាស្ទ័រ នៅថ្ងៃទី២០ ខែកញ្ញា ឆ្នាំ២០២៣ បន្ទាប់មក លទ្ធផលបង្ហាញ នៅថ្ងៃទី២១ ខែកញ្ញា ឆ្នាំ២០២៣ គឺវិជ្ជមានវីរុសហ្ស៊ីកា។

ក្រសួងសុខាភិបាល បានប្រកាសថា វីរុសហ្ស៊ីកា ឆ្លងមកមនុស្ស តាមរយៈ​មូលខ្លា ដែលមានផ្ទុកវីរុស​ហ្ស៊ីកា ខាំ។ ប្រភេទសមូសខ្លានេះ គឺដូចគ្នានឹងមូសខ្លា​ ដែលផ្ទុក​វីរុសជំងឺគ្រុនឈាម និងគ្រុនឈីក។ ជំងឺហ្ស៊ីកា អាចឆ្លងតាមការរួមភេទជាមួយ​អ្នកដែលផ្ទុកវីរុសហ្ស៊ីកា ពីព្រោះវីរុសនេះ មាននៅក្នុងទឹកកាម ឈាម ទឹកនោម ទឹកភ្លោះ ទឹកមាត់ ព្រមទាំងសារធាតុ​រាវរាង្គកាយ នៅក្នុងខួរក្បាល និងខួរឆ្អឹងខ្នង។ វីរុសហ្ស៊ីកា ឆ្លងពីម្តាយទៅកូន ក្នុងអំឡុងមានផ្ទៃពោះ និងនៅពេលសម្រាល​។