រាជធានីភ្នំពេញ ៖ ជនសង្ស័យចំនួន០៣នាក់ដែលជាមុខសញ្ញាចាស់ និងជាមុខសញ្ញាជួញដូរគ្រឿងញៀ.នយ៉ាងសកម្មត្រូវបានកម្លាំងនគរបាលប៉ុស្តិ៍ច្បារអំពៅទី២ ធ្វើការឃាត់ខ្លួនពាក់ព័ន្ធករណីរក្សាទុកដោយខុសច្បាប់នូវសារធាតុញៀ.ន, ជួញដូរដោយខុសច្បាប់នូវសារធាតុញៀន និងមានដីការឲ្យចាប់ខ្លួន ។ ប្រតិបត្តិការនេះបានធ្វើឡើងរយៈពេល២ថ្ងៃជាប់ៗគ្នានៅថ្ងៃទី២១ និង…
រាជធានីភ្នំពេញ ៖ ជនសង្ស័យចំនួន០៣នាក់ដែលជាមុខសញ្ញាចាស់ និងជាមុខសញ្ញាជួញដូរគ្រឿងញៀ.នយ៉ាងសកម្មត្រូវបានកម្លាំងនគរបាលប៉ុស្តិ៍ច្បារអំពៅទី២ ធ្វើការឃាត់ខ្លួនពាក់ព័ន្ធករណីរក្សាទុកដោយខុសច្បាប់នូវសារធាតុញៀ.ន, ជួញដូរដោយខុសច្បាប់នូវសារធាតុញៀន និងមានដីការឲ្យចាប់ខ្លួន ។
ប្រតិបត្តិការនេះបានធ្វើឡើងរយៈពេល២ថ្ងៃជាប់ៗគ្នានៅថ្ងៃទី២១ និង ថ្ងៃទី២២ ខែកញ្ញា ឆ្នាំ២០២៣ ស្ថិតភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ ដោយអនុវត្តន៍តាមបទបញ្ជារបស់លោកវរសេនីឯក ម៉ៅ សឿត អធិការនគរបាលខណ្ឌច្បារអំពៅលោក អ៊ុ រតនា នាយប៉ុស្តិ៍នគរបាលប៉ុស្តិ៍ច្បារអំពៅទី២ បានធ្វើការបង្ក្រាប ដូចភ្លៀងរលឹម ។
ប្រភពព័ត៌មានបានឲ្យដឹងថា នៅថ្ងៃទី២០-២១ ខែកញ្ញា ឆ្នាំ២០២៣ ស្ថិតភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ កម្លាំងសមត្ថកិច្ចបានឃាត់ខ្លួនជនសង្ស័យ០២នាក់ ទី1-ឈ្មោះ ជុំ ទី ភេទប្រុស អាយុ៤០ឆ្នាំ ជនជាតិខ្មែរ មុខរបរមិនពិតប្រាកដ ។ (រក្សាទុកដោយខុសច្បាប់នូវសារធាតុញៀ.ន ដកហូត០១កញ្ចប់តូច) ទី២-ឈ្មោះ សុខ ផល ភេទប្រុស អាយុ២៥ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅផ្ទះជួល ភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ ភ្នំពេញ ។ (ជួញដូរដោយខុសច្បាប់នូវសារធាតុញៀ.ន ដកហូត០២កញ្ចប់តូច) ។
ប្រភពដដែលបានបន្តលុះដល់ថ្ងៃទី២២ ខែកញ្ញា ឆ្នាំ២០២៣ វេលាម៉ោង០១និង០០នាទី កម្លាំងសមត្ថកិច្ចប៉ុស្តិ៍បានស្រាវជ្រាវបន្តឃាត់ជនសង្ស័យម្នាក់ទៀតឈ្មោះ យូ គឹមដារុណ ភេទប្រុស អាយុ៣៩ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិឬស្សី សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ពាក់ព័ន្ធករណីរក្សាទុកដោយខុសច្បាប់នូវសារធាតុញៀ.ន ដកហូតក្រាមសថ្លា០១កញ្ចប់ធំល្មម ដែលជនសង្ស័យបានលាក់ក្នុងកញ្ចប់ការី ទុកក្នុង ហោប៉ាវខោ ខាងឆ្វេង និងអនុវត្តន៍តាមដីការបង្កាប់អោយចាប់ខ្លួនលេខ ៦៤៥ “ឌ” ដចន ចុះថ្ងៃទី២៤ ខែសីហា ឆ្នាំ២០១៧ របស់លោក អ៊ឹម វណ្ណៈ ចៅក្រមជុះនុំជម្រះសាលាដំបូងរាជធានីភ្នំពេញ ។
បច្ចុប្បន្នជនសង្ស័យទាំង៣នាក់ រួម និងវត្ថុតាង ត្រូវបាននគរបាលប៉ុស្តិ៍ កសាងសំណុំរឿងបញ្ជូនទៅអធិការដ្ឋានខណ្ឌច្បារអំពៅចាត់ការបន្តតាមនិតិវិធី ៕ ដោយ ៖ រដ្ឋា
ចែករំលែកព័តមាននេះ