ភ្នំពេញ៖ តាមកម្មវិធី ដែលបានគ្រោងទុក នៅម៉ោង ៧កន្លះព្រឹក​ ថ្ងៃព្រហស្បតិ៍ ទី២១ ខែកញ្ញា ឆ្នាំ២០២៣ សម្តេចធិបតី ហ៊ុន ម៉ាណែត នឹងដឹកនាំគណៈប្រតិភជាន់ខ្ពស់រាជរដ្ឋាភិបាល​កម្ពុជា ចេញពីភ្នំពេញ ឆ្ពោះទៅកាន់សហរដ្ឋអាមេរិក ដើម្បីចូលរួមមហាសន្និបាតអង្គការសហប្រជាជាតិ នៅទីក្រុងញូវយ៉ក។

តាមសេចក្តីប្រកាស សម្តេចធិបតី នាយករដ្ឋមន្ត្រី ហ៊ុន ម៉ាណែត នឹងឡើងថ្លែងការណ៍ នៅក្នុង​មហាសន្និបាតអង្គការសហប្រជាជាតិ ដោយផ្តោតលើ «វឌ្ឍនភាព​សង្គម-សេដ្ឋកិច្ចរបស់​កម្ពុជា និងគោលដៅអភិវឌ្ឍន៍ដោយចីរភាព»។