ក្នុងរយៈពេលប៉ុន្មានថ្ងៃនេះ ទឹកទន្លេមេគង្គបានហក់ឡើងជាបន្តបន្ទាប់ធ្វើឲ្យហូរចូលតាមព្រែក និងបឹងបួរ នៅជាប់ដងទន្លេ។ ជាមួយគ្នានោះ ក្រុមមនុស្សខិ.លខូ.ចបានលួ.ចនេសាទត្រីប្រើប្រាស់ឧបករណ៍ហាមឃាត់នៅក្នុងរដូវបិទនេសាទ។ ហើយដោយទទួលការណែនាំពីសំណាក់អភិបាលខេត្ត និងលោកព្រះរាជអាជ្ញាអមសាលាដំបូងខេត្ត
ខេត្តកំពង់ចាម ៖ ក្នុងរយៈពេលប៉ុន្មានថ្ងៃនេះ ទឹកទន្លេមេគង្គបានហក់ឡើងជាបន្តបន្ទាប់ធ្វើឲ្យហូរចូលតាមព្រែក និងបឹងបួរ នៅជាប់ដងទន្លេ។ ជាមួយគ្នានោះ ក្រុមមនុស្សខិ.លខូ.ចបានលួ.ចនេសាទត្រីប្រើប្រាស់ឧបករណ៍ហាមឃាត់នៅក្នុងរដូវបិទនេសាទ។ ហើយដោយទទួលការណែនាំពីសំណាក់អភិបាលខេត្ត និងលោកព្រះរាជអាជ្ញាអមសាលាដំបូងខេត្ត មន្ត្រីជំនាញជលផលខេត្ត សហការជាមួយអាជ្ញាធរមូលដ្ឋាន ចុះបង្ក្រាបបទល្មើសនេសាទនៅចំណុចបឹងបេរ៦ ស្ថិតក្នុងឃុំព្រែកកុយ ស្រុកកងមាស ដោយធ្វើឡើងពេញមួយ នៅថ្ងៃទី១៩ ខែកញ្ញា ឆ្នាំ២០២៣នេះ និងរឹបអូសបានស្បៃមុងជាច្រើនរយម៉ែត្រ ព្រមទាំងចាក់លែងកូនត្រីទៅក្នុងបឹងធម្មជាតិជាច្រើនគីឡូក្រាមផងដែរ។
នៅក្នុងប្រតិបត្តិការចុះបង្ក្រាបបទល្មើសនេសាទខាងលើនេះ លោក អ៊ុក ណារិន នាយខណ្ឌរដ្ឋបាលជលផលកំពង់ចាម បានប្រាប់ឲ្យដឹងថា ក្នុងរដូវបិទនេសាទចាប់ផ្ដើមតាំងពីថ្ងៃទី១ មិថុនាឆ្នាំ២០២៣ ខណ្ឌរដ្ឋបាលជលផលកំពង់ចាម បានធ្វើការផ្សព្វផ្សាយ និងចុះបង្រៀនដល់ប្រជាពលរដ្ឋតាមបណ្ដាស្រុកមួយចំនួនជាប់ដងទន្លេឲ្យមានការយល់ដឹង និងហាមប្រើប្រាស់ឧបករណ៍ខុសច្បាប់ ព្រោះបានបំផ្លាញធនធានធម្មជាតិ សូម្បីតែត្រីតូចទើបនឹងញាស់ក៏ដោយ មិនអាចរួចពីស្បៃម៉ុងផង។
នាយខណ្ឌរដ្ឋបាលជលផលកំពង់ចាម បន្តថា ខណ្ឌរដ្ឋបាលជលផលកំពង់ចាម សហការជាមួយអាជ្ញាធរស្រុកកងមាស អធិការដ្ឋាននរគបាលស្រុកកងមាស និងកម្លាំងប៉ុស្តិ៍នគរបាលរដ្ឋបាលឃុំព្រែកកុយ សហគមន៍នេសាទបឹងបេ៦ ព្រមទាំងអង្គការអភិរក្សធនធានជលផល ដោយមានការអនុញ្ញាតពីឯកឧត្តម វង្ស ប៊ុនវិសុទ្ធ ព្រះរាជអាជ្ញាអយ្យការអមសាលាដំបូងខេត្តកំពង់ចាម បានចុះធ្វើកិច្ចសន្យាបញ្ឈប់សកម្មភាពចំពោះមុខសញ្ញាបទល្មើសដែលប្រើប្រាស់ឧបករណ៍របាំងព្រួល ប្រើប្រាស់សាច់អួនតូចជាង៣សង់ទីម៉ែត្រ ចំនួន០៦នាក់ និងចុះប្រតិបត្តិការបង្ក្រាបបទល្មើសជលផលចំនួន៨ករណីផងដែរ នាំមកកសាងសំណុំរឿងតាមនីតិវិធីនៃច្បាប់ស្តីពីជលផល ព្រមទាំងរុះរើបំផ្លាញចោលវត្ថុតាងនៃបទល្មើសជលផលនៅនឹងកន្លែងកើតហេតុតែម្ដង ក្នុងនោះរួមមាន ៖
ករណីទី០១ ៖ មន្ត្រីជំនាញជលផលរឹបអូសបទល្មើសនេសាទដូចជា ឧបករណ៍រ៉ាវចំនួន១០មាត់, របាំងរ៉ាវប្រវែង៥០០ម៉ែត្រ, បង្គោលចម្រឹងចំនួន២៥០ដើម, ចាក់លែងកូនត្រីចម្រុះទម្ងន់ ០៥គីឡូក្រាម នៅចំណុចអូរដៀប ស្ថិតក្នុងភូមិខ្ចៅបី ឃុំខ្ចៅ ស្រុកកងមាស ខេត្តកំពង់ចាម។
ករណីទី០២ ៖ មន្ត្រីជំនាញជលផលរឹបអូសបានបទល្មើសនេសាទដូចជា លូស្បៃមុងចំនួន០៤មាត់, របាំងស្បៃមុងចំនួន២០០ម៉ែត្រ, បង្គោលចម្រឹងចំនួន១០០ដើម និងចាក់លែងកូនត្រីចម្រុះទម្ងន់០១គីឡូក្រាមចូលបឹងធម្មជាតិវិញ នៅចំណុចបឹងអូរតាកែ ស្ថិតក្នុងភូមិខ្ចៅបី ឃុំខ្ចៅ ស្រុកកងមាស ខេត្តកំពង់ចាម។
ករណីទី០៣ ៖ រឹបអូសបានបទល្មើសនេសាទដូចជា ឧបករណ៍រ៉ាវចំនួន០៩មាត់, របាំងរ៉ាវប្រវែង៤៨០ម៉ែត្រ, បង្គោលចម្រឹងចំនួន២២៥ដើម និងចាក់លែងកូនត្រីចម្រុះទម្ងន់០៤គីឡូក្រាមចូលទៅក្នុងបឹងធម្មជាតិ នៅចំណុចគោថ្ម ស្ថិតក្នុងភូមិខ្ចៅបី ឃុំខ្ចៅ ស្រុកកងមាស ខេត្តកំពង់ចាម។
ករណីទី០៤ ៖ មន្ត្រីជំនាញជលផលរឹបអូសឧបករណ៍នេសាទល្មើសច្បាប់ដូចជា លូស្បៃមុងចំនួន០៥មាត់, របាំងស្បៃមុងចំនួន២៥០ម៉ែត្រ, បង្គោលចម្រឹងចំនួន១២៥ដើម និងចាក់លែងកូនត្រីចម្រុះទម្ងន់២គីឡូក្រាមចូលបឹងធម្មជាតិ នៅចំណុចអន្លង់បីរយ ស្ថិតក្នុងភូមិខ្ចីបី ឃុំខ្ចៅ ស្រុកកងមាស ខេត្តកំពង់ចាម។
ករណីទី០៥ ៖ មន្ត្រីជំនាញជលផលរឹបអូសឧបករណ៍នេសាទល្មើសច្បាប់ដូចជា លូស្បៃមុងចំនួន០៧មាត់, របាំងស្បៃមុងចំនួន៣៥០ម៉ែត្រ, បង្គោលចម្រឹងចំនួន១៧៥ដើម, ចាក់លែងកូនត្រីចម្រុះទម្ងន់០៤គីឡូក្រាម នៅចំណុចបឹងធំ ស្ថិតក្នុងឃុំរាយប៉ាយ ស្រុកកងមាស ខេត្តកំពង់ចាម។
ករណីទី០៦ ៖ មន្ត្រីជំនាញជលផលរឹបអូសឧបករណ៍នេសាទល្មើសច្បាប់ដូចជា ឧបករណ៍រ៉ាវចំនួន០៧មាត់, របាំងរ៉ាវប្រវែង៣៥០ម៉ែត្រ, បង្គោលចម្រឹងចំនួន១៧៥ដើម និងចាក់លែងកូនត្រីចម្រុះទម្ងន់០២គីឡូក្រាមចូលបឹងធម្មជាតិវិញ នៅចំណុចព្រែកពពុះ ស្ថិតក្នុងឃុំរាយប៉ាយ ស្រុកកងមាស ខេត្តកំពង់ចាម។
ករណីទី០៧ ៖ មន្ត្រីជំនាញជលផលរឹបអូសឧបករណ៍នេសាទល្មើសច្បាប់ដូចជា លូស្បៃមុងចំនួន៥មាត់, របាំងស្បៃមុងចំនួន២៥០ម៉ែត្រ, បង្គោលចម្រឹងចំនួន១២៥ដើម និងចាក់លែងកូនត្រីចម្រុះទម្ងន់០២គីឡូក្រាមចូលបឹងធម្មជាតិវិញ នៅចំណុចទទួលបី ស្ថិតក្នុងឃុំរាយប៉ាយ ស្រុកកងមាស ខេត្តកំពង់ចាម។
ករណីទី០៨ ៖ មន្ត្រីជំនាញជលផលរឹបអូសឧបករណ៍នេសាទល្មើសច្បាប់ដូចជា ឧបករណ៍រ៉ាវចំនួន០៦មាត់, របាំងរ៉ាវប្រវែង៣០០ម៉ែត្រ, បង្គោលចម្រឹងចំនួន១៥០ដើម និងចាក់លែងកូនត្រីចម្រុះទម្ងន់០២គីឡូក្រាមចូលបឹងធម្មជាតិវិញ នៅចំណុចបឹងម្រាក ស្ថិតក្នុងឃុំរកាអារ ស្រុកកងមាស ខេត្តកំពង់ចាម។
លោក អ៊ុក ណារិន នាយខណ្ឌរដ្ឋបាលជលផលកំពង់ចាម បានបញ្ជាក់ថា កាលពីពេលកន្លងទៅថ្មីៗនេះ ខណ្ឌរដ្ឋបាលជលផលកំពង់ចាម សហការជាមួយអាជ្ញាធរស្រុកបាធាយ អធិការដ្ឋានស្រុកបាធាយ កម្លាំងប៉ុស្តិ៍នគរបាលរដ្ឋបាលឃុំច្បារអំពៅ អង្គការអភិរក្សធនធានជលផល និងដោយមានការអនុញ្ញាតពីឯកឧត្តម វង្ស ប៊ុនវិសុទ្ធ ព្រះរាជអាជ្ញានៃអយ្យការអមសាលាដំបូងខេត្តកំពង់ចាម ចុះប្រតិបត្តិការទប់ស្កាត់ និងបង្ក្រាបបទល្មើសជលផលបានចំនួន០៥ករណីទៀត រួចកសាងសំណុំរឿងតាមនីតិវិធីនៃច្បាប់ស្តីពីជលផល និងរុះរើបំផ្លាញចោលវត្ថុតាងនៃបទល្មើសជលផលនៅនឹងកន្លែងកើតហេតុ ក្នុងនោះរួមមាន ៖
ករណីទី០១ ៖ មន្ត្រីជំនាញជលផលរឹបអូសឧបករណ៍នេសាទល្មើសច្បាប់ដូចជា លូស្បៃមុងចំនួន០៨មាត់, របាំងស្បៃមុងចំនួន៣២០ម៉ែត្រ, បង្គោលចម្រឹងចំនួន៩៦ដើម និងចាក់លែងកូនត្រីចម្រុះទម្ងន់០៣គីឡូក្រាមចូលបឹងធម្មជាតិវិញ នៅចំណុចស្ពានលោក ឃុំច្បារអំពៅ ស្រុកបាធាយ ខេត្តកំពង់ចាម។
ករណីទី០២ ៖ មន្ត្រីជំនាញជលផលរឹបអូសឧបករណ៍នេសាទល្មើសច្បាប់ដូចជា លូស្បៃមុងចំនួន០៧មាត់, របាំងស្បៃមុងចំនួន៣៥០ម៉ែត្រ, បង្គោលចម្រឹងចំនួន១០៥ដើម និងចាក់លែងកូនត្រីចម្រុះទម្ងន់០៤គីឡូក្រាមចូលបឹងធម្មជាតិវិញ នៅចំណុចទួលព្រះពន្លា ស្ថិតក្នុងឃុំច្បារអំពៅ ស្រុកបាធាយ ខេត្តកំពង់ចាម។
ករណីទី០៣ ៖ មន្ត្រីជំនាញជលផលរឹបអូសឧបករណ៍នេសាទល្មើសច្បាប់ដូចជា លូស្បៃមុងចំនួន១០មាត់, របាំងស្បៃមុងចំនួន៥០០ម៉ែត្រ, បង្គោលចម្រឹងចំនួន១៥០ដើម និងចាក់លែងកូនត្រីចម្រុះទម្ងន់០៤គីឡូក្រាមចូលបឹងធម្មជាតិវិញ នៅចំណុចមេទឹកកអណ្តើកជើង ឃុំច្បារអំពៅ ស្រុកបាធាយ ខេត្តកំពង់ចាម។
ករណីទី០៤ ៖ មន្ត្រីជំនាញជលផលរឹបអូសឧបករណ៍នេសាទល្មើសច្បាប់ដូចជា លូស្បៃមុងចំនួន០៦មាត់, របាំងស្បៃមុងចំនួន៣៦០ម៉ែត្រ, បង្គោលចម្រឹងចំនួន១០២ដើម និងចាក់លែងកូនត្រីចម្រុះទម្ងន់០៥គីឡូក្រាមចូលបឹងធម្មជាតិវិញ នៅចំណុចមេទឹកកអណ្តើកត្បូង ស្ថិតក្នុងឃុំច្បារអំពៅ ស្រុកបាធាយ ខេត្តកំពង់ចាម។
ករណីទី០៥ ៖ មន្ត្រីជំនាញជលផលរឹបអូសឧបករណ៍នេសាទល្មើសច្បាប់ដូចជា លូស្បៃមុងចំនួន០៦មាត់, របាំងស្បៃមុងចំនួន២៤០ម៉ែត្រ, បង្គោលចម្រឹងចំនួន៧២ដើម និងចាក់លែងកូនត្រីចម្រុះទម្ងន់០២គីឡូក្រាមចូលបឹងធម្មជាតិវិញ នៅចំណុចមេទឹកទំនប់ថ្មី ស្ថិតក្នុងឃុំច្បារអំពៅ ស្រុកបាធាយ ខេត្តកំពង់ចាម។
ជាមួយគ្នានោះ ជំនាញរដ្ឋបាលជលផលខេត្ត នៅតែអំពាវនាវឲ្យប្រជាពលរដ្ឋ មេត្តាយល់ដឹងនិងបញ្ឈប់សកម្មភាពប្រើប្រាស់ឧបករណ៍នេសាទដោយខុសច្បាប់បន្តទៀត។
ចែករំលែកព័តមាននេះ