សមត្ថកិច្ចចុះហ៊ុមព័ទ្ធទីតាំងភោជនីយដ្ឋានមួយកន្លែង ក្រោយផ្អើលថា សង្ស័យមានករណីឃា.តក.ម្ម
- ភ្នំពេញ
សមត្ថកិច្ចខណ្ឌដង្កោ បានចុះទៅហ៊ុមព័ទ្ធទីតាំងភោជនីយដ្ឋានមួយកន្លែង ដោយសង្ស័យថា
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា សមត្ថកិច្ចខណ្ឌដង្កោ បានចុះទៅហ៊ុមព័ទ្ធទីតាំងភោជនីយដ្ឋានមួយកន្លែង ដោយសង្ស័យថា មានករណីឃា.តក.ម្ម ខណៈពេលម្ចាស់ទីតាំងព្យាយាមលាក់បាំងរឿងដែលកើតឡើង បង្កឱ្យមានការភ្ញាក់ផ្អើលកាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី១៥ ខែកញ្ញា ឆ្នាំ២០២៣ នៅចំណុចក្នុងហាងមួយកន្លែងដែលមិនទាន់សម្ពោធ មានយីហោ «Pataya Pub&Music» តាមបណ្ដោយផ្លូវបេតុងទួលពង្រ ស្ថិតក្នុងភូមិប្រការ សង្កាត់ព្រៃ.ស ខណ្ឌដង្កោ។
យោងតាមប្រភពពីសមត្ថកិច្ច បានប្រាប់ឱ្យដឹងថា មុនពេលកើតហេតុ វេលាម៉ោងប្រហែល៩យប់ថ្ងៃទី១៥ ខែកញ្ញា កម្លាំងសមត្ថកិច្ចនៃអធិការដ្ឋាននគរបាលខណ្ឌដង្កោ បានទទួលដំណឹងថា មានមនុស្សរងរបួសបែកក្បាលហូរឈា.មសន្លប់ស្តូ.កស្តឹ.ងនៅក្នុងហាងផឹកស៊ីមួយកន្លែង ម្តុំស្តុបឬស្សីផ្អែម ស្ថិតក្នុងសង្កាត់ព្រៃ.ស ខណ្ឌដង្កោ។ ខណៈពេលទទួលបានដំណឹងនេះ តែមិនច្បាស់ ព្រោះថា ហាងនៅតំបន់នោះគឺមានច្រើន ហើយអ្នករាយការណ៍រៀងស្រពិចស្រពិលមិនច្បាស់គោលដៅទៀត ដូច្នេះហើយទើបកម្លាំងសមត្ថកិច្ចមូលដ្ឋាន រួមទាំងកម្លាំងព្រហ្មទណ្ឌខណ្ឌ បានចុះឆែកឆេរសួរនាំពីហាងមួយទៅហាងមួយ ដោយមិនទទួលបានដំណឹងនោះទេ។
ប្រភពដដែលបានប្រាប់បន្តទៀតថា លុះពេលមកដល់ម៉ោងជិត១១យប់ថ្ងៃដដែល ក៏មានអ្នកផ្តល់ព័ត៌មានដល់សមត្ថកិច្ចច្បាស់ការណ៍ថា «ហាងយីហោ «Pataya Pub&Music» ខាងលើនេះ គឺមានមនុស្សគ្រោះថ្នាក់នៅក្នុងនុងពិតប្រាកដមែន តែមិនដឹងថា តើជាករណីអ្វីឱ្យប្រាកដនោះទេ? ប៉ុន្តែជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យបាត់ទៅហើយ»។ ពេលនោះដែរ សមត្ថកិច្ចក៏ចុះទៅសួរនាំ តែម្ចាស់ទីតាំង ក៏ដូចបុគ្គលិកនៅក្នុងហាង មានការលាក់បាំង មិនចង់សហការជាមួយនឹងកម្លាំងសមត្ថកិច្ចនោះទេ ដែលធ្វើឱ្យកម្លាំងសមត្ថកិច្ចសុំជំនួយកម្លាំងមកបន្ថែមទៀត ហើយឃាត់ខ្លួនបុរសម្នាក់ដែលដឹងរឿងហេតុ ហើយមិនប្រាប់សមត្ថកិច្ច នាំខ្លួនយកទៅសួរនាំនៅប៉ុស្តិ៍នគរបាលរដ្ឋបាលព្រៃ.ស ទើបដឹងរឿងច្បាស់។
ពាក់ព័ន្ធក្នុងករណីខាងលើនេះដែរ សមត្ថកិច្ចបានសួរនាំរួចហើយ ហើយក៏បានឱ្យដឹងថា «ជនរងគ្រោះមុនពេលកើតហេតុ គឺបានឡើងទៅត.ភ្លើងនៅក្នុងហាងខាងលើ ក្រោយមកមិនដឹងថា តើជនរងគ្រោះភ្លាត់ស្នៀតយ៉ាងណាទេ? ទើបបណ្ដាលឲ្យធ្លាក់មកក្រោមត្រូវចំតុកៅអី បណ្តាលឲ្យរងរបួសបែកក្បាលហូរឈា.មសន្លប់បា.ត់ស្មារតីតែម្តង។ ហើយភ្លាមៗនោះ ជនរងគ្រោះមិនស្គាល់អត្តសញ្ញាណនោះ តែត្រូវបញ្ជូនទៅសង្គ្រោះនៅមន្ទីរពេទ្យព្រះកុសុមៈ ហៅពេទ្យលោកសង្ឃ តែម្តង ដោយមិនមានគ្រោះថ្នាក់ដល់ជីវិតនោះទេ គ្រាន់តែរងរបួសធ្ងន់តែប៉ុណ្ណោះ។
ក្រោយពេលសួរនាំរួចហើយ បុរសដែលសមត្ថកិច្ចឃាត់ខ្លួនយកទៅសួរនាំនោះ ត្រូវបានអនុញ្ញាតឲ្យត្រឡប់ទៅផ្ទះវិញផងដែរ ហើយសមត្ថកិច្ចក៏បញ្ជាក់ប្រាប់ថា «មិនមានករណីហិ.ង្សា ឬឃា.តក.ម្ម ដូចដែលបានផ្អើលឡើងតាំងពីយប់នោះ»៕
ចែករំលែកព័តមាននេះ