នុងនាមជាអ្នកសិល្បៈជើងចាស់ តារាចម្រៀងលោក ណុប បាយ៉ារិទ្ធ បានលើកឡើងនូវចំណុចមួយចំនួន ដែលអ្នកចាប់អាជីពសិល្បៈគួរធ្វើ និងមិនគួរធ្វើ ដើម្បីទៅរកភាពជោគជ័យ និងមានការគាំទ្រច្រើនពី
រាជធានីភ្នំពេញ ៖ ក្នុងនាមជាអ្នកសិល្បៈជើងចាស់ តារាចម្រៀងលោក ណុប បាយ៉ារិទ្ធ បានលើកឡើងនូវចំណុចមួយចំនួន ដែលអ្នកចាប់អាជីពសិល្បៈគួរធ្វើ និងមិនគួរធ្វើ ដើម្បីទៅរកភាពជោគជ័យ និងមានការគាំទ្រច្រើនពីសំណាក់ទស្សនិកជន។
លោក ណុប បាយ៉ារិទ្ធ បានលើកឡើងថា «អ្នកសិល្បៈជោគជ័យមិនមែនពឹងតែសមត្ថភាពក្នុងខ្លួនមួយមុខទេ ត្រូវតែជាអ្នកសិល្បៈដែលមានអត្តចរិតល្អ ចរិតឫកពារមិនក្អេងក្អាង អព្យាក្រឹតក្នុងខ្លួន មានគុណធម៌ មានសីលធម៌ ឱ្យតម្លៃអ្នកដទៃ គ្មានភាពច្រណែនឈ្នានី.ស មិនមោទនភាពលើខ្លួនឯងជ្រុល មិនមានជំងឺតួឯកនិយម ឬលួ.ចធ្វើតែរឿងអាក្រក់ពីក្រោយខ្នងគេឯងទេ ដាច់ខាត មិនមែនចង់បានខ្ពស់ជាន់.កអ្នកដទៃ ដើម្បីតែងខ្លួនឯងបានខ្ពស់ រកវិធីកម្ចាត់គេ កម្ចាត់ឯងឱ្យខ្ទាតអស់ ទុកតែខ្លួនឯង ដើម្បីខ្លួនឯងល្អលើសគេ គឺបាបខ្លាំងណាស់»។
លោក ណុប បាយ៉ារិទ្ធ លើកឡើងបន្តថា «ពិសេសត្រចៀកនិងភ្នែក ស្តាប់ហើយត្រូវតែមើល ខួរក្បាលត្រូវចេះគិត ហើយខ្លួនឯងកុំប្រឌិតបង្កើតរឿងឱ្យ fans ខ្លួនឯងដើរច្រណែនស្អ.ប់អ្នកផ្សេង ពិសេសខ្លួនឯងនឹងកុំពូកែ Drama និពន្ធរឿងខ្លួនឯងទៅអុជអាល fans ឱ្យដើរស្អ.ប់អ្នកនេះ ស្អ.ប់អ្នកនោះ ដើរខមិនដៀ.មដាម លេបខាយអ្នកនេះអ្នកនោះ ធ្វើខ្លួនជាជនរងគ្រោះ គេមិនរាប់រក គេឈ្លើ.យដាក់ គេលេងចរិតដាក់ គេមើលងា.យ គេច្រណែន គេដៀមដាម គេចេះគេចុះចោទគេគ្រប់រឿង បង្កើតរឿងអាក្រក់ដាក់ឱ្យគេម៉ាចប់»។
លោក ណុប បាយ៉ារិទ្ធ លើកឡើងបន្តទៀតថា «ដល់ជួបមុខគេហ្នឹង ខ្លួនឯងតាំងធ្វើខ្លួនដូចឡេឡឺៗ ធ្វើដូចអត់ដឹងរឿង អត់ដឹងខ្យល់អីទាំងអស់ ទាំងក្រោយខ្នងនិយាយអាក្រក់ពីគេមិនអស់ចិត្តទេ ធ្វើអាក្រក់ដាក់គេទៀត»។
លោកបញ្ជាក់ថា «យើងប្រៀបបានឪពុកម្តាយ fans ប្រៀបដូចកូន កូនមិនល្អ ព្រោះឪពុកម្តាយមិនប្រៀនប្រដៅ កុំចាំដល់គេហៅកូនអត់ពូជ ទើបចេះភ្ញាក់ខ្លួន ឬខឹងគេថែមទៀត ត្រង់នឹងមួយប្រយ័ត្នឱ្យមែនទែន កុហកគេថ្ងៃនេះបាន តែមិនអាចកុហកគេបានមួយជីវិតទេ ថ្ងៃមួយដែលគេដឹង អ្នកនឹងសាបដូចទឹកទន្លេ មកពីដើមពោធិ៍ណាទៅដើមពោធិ៍នឹងវិញ ហើយធានា ព្រោះគ្រប់យ៉ាងគេគង់តែដឹង ដឹងខ្ទេចម៉ត់គ្មានចន្លោះ១រឿង គ្រាន់តែគេធ្វើមិនដឹងឱ្យអ្នកគិតថា គេល្ងង់ ភ្លើ ទាំងដែលកាលពិតគេចាំមើលថា អ្នកធ្វើអីបន្តទៀត ដើម្បីសន្សំបាបដែលខ្លួនឯងសាង»។
លោកបញ្ជាក់ទៀតថា «សម្រាប់ខ្ញុំ fans ខ្ញុំផ្ទាល់ Rethfc ខ្ញុំនិយាយប្រាប់គាត់តែម្តងៗទេ សូមកុំទៅតតាំងនឹងអ្នកណាជួសបង កុំទាមទារអ្វីមួយជួសបង កុំទៅសាងបញ្ហាជាមួយអ្នកណា ឌឺដង ឬផ្លែផ្កា ព្រោះទង្វើយើងធ្វើ ស.បង្ហាញពីចរិតយើង និងអាចឱ្យគេដៀលដល់បង ប្រសិនបើប្អូនៗធ្វើអ្វីនិយាយអ្វីមិនល្អ។ និយាយម្តង គឺពួកគាត់ស្តាប់បាន ធ្វើបាន មេក្រុម fans ទាំងអស់ដឹងច្បាស់ តើបងដែលបង្រៀនឱ្យទៅស្អ.ប់ តប.ត វា.យប្រ.ហារអ្នកណាមួយទេ?»។
លោកណុប បាយ៉ារិទ្ធ បន្ថែមថា «គ្រប់យ៉ាងកើតពីយើងជា Idol គេ ប្រៀបបានជាគ្រូ ជាឪពុកម្តាយ ប្រៀនប្រដៅកូនឱ្យល្អ កូននឹងដោយគន្លងធម៌ បង្រៀនកូនឱ្យខូច កូននឹងខូច។ fans ក៏ដូចគ្នា fans ល្អនាំកិត្តិសឱ្យ Idol នាំកម្លាំងចិត្ត នាំភាពរីករាយ ហៅថា fans គុណភាព។ បើ fans បែប toxic fans ឬ fans នាំតែរឿង idol និងក្លាយជាបិសាចនៅថ្ងៃមួយ ដោយមិនដឹងខ្លួន ។ ដូច្នេះ សូមគិតឱ្យល្អិតល្អន់ ទាំង idol ទាំង fans ធ្វើតែរឿងល្អបានហើយ ព្រោះអំពើល្អ គឺមិនសាបសូន្យ រឿងខ្លះជារឿងផ្ទាល់ខ្លួនយើងទេ មិនមែន១០រឿងសុទ្ធតែចាំបាច់យកទៅប្រាប់គ្នាដែលជា fans អោយដឹងគ្រប់រឿងទេ ហើយពិសេសទៀតអាគេអត់អីសោះ គេអត់ធ្វើអីឯងសោះ ទៅបង្កើតរឿងកុហក fans អោយទៅស្អ.ប់គេ ថាគេអាក្រក់ មានសួរខ្លួនឯងអត់ថា ចុះបើថ្ងៃមួយ fans ដឹងការពិត តើខ្លួនអ.ញនឹងទៅជាយ៉ាងណា? កុំឱ្យចុងក្រោយអត់ដឹងថា តើវិធីធ្វើជាមនុស្សល្អត្រូវធ្វើបែបណា?»៕
ចែករំលែកព័តមាននេះ