រាជធានីភ្នំពេញ៖ ផ្ទះលក់គ្រឿងបន្លាស់រថយន្តយីហោ «ស៊ឹង ហៀប» ស្ថិតនៅផ្ទះលេខ៦ ផ្លូវ២១៩ សង្កាត់ផ្សារដេប៉ូ១ ខណ្ឌទួលគោក រាជធានីភ្នំពេញ ត្រូវបានអគ្គិភ័យ ឆាបឆេះផ្សែងហុយទ្រលោម តែសំណាងល្អ ត្រូវបានប្រជាពលរដ្ឋ នាំគ្នា​ជួយពន្លត់​ទាន់។

ហេតុការណ៍នេះ បង្កអោយ​មានការភ្ញាក់ផ្អើល កាលពីវេលាម៉ោង ៥ល្ងាច ថ្ងៃទី១១ ខែកញ្ញា ឆ្នាំ២០២៣ ហើយ​រថយន្តពន្លត់អគ្គិភ័យ ១គ្រឿង បានទៅអន្តរាគមន៍ តែពុំបានបាញ់ពន្លត់នោះទេ។

ព័ត៌មានបានអោយដឹងថា នៅមុនពេលកើតហេតុ គេឃើញផ្សែងហុយ ចេញពីក្នុងផ្ទះលក់គ្រឿងបន្លាស់រថយន្តខាងលើ ហើយបង្កអោយមានការភ្ញាក់ដល់ម្ចាស់ផ្ទះ និងអ្នកក្បែរខាងនាំគ្នា យកបំពង់ពន្លត់អគ្គិភ័យ បានបាញ់ពន្លត់ ហើយភ្លើងបានរលត់ទៅវិញ ពុំបណ្តាលអោយឆេះរាលដាល់ឡើយ​។

នៅក្នុងហេតុការណ៍នេះ រថយន្តពន្លត់អគ្គិភ័យ ១គ្រឿង ក៏បានទៅអន្តរាគមន៍ ខ្លាចភ្លើងឆេះធ្ងន់ធ្ងរ។ តែពុំបានបាញ់ពន្លត់ឡើយ។

តាមម្ចាស់ផ្ទះ អគ្គិភ័យនេះ បណ្តាលមកពីទុស្សេឆ្លងចរន្តអគ្គិសនី នៅទូទឹកក្តៅ-ទឹកត្រជាក់ ហើយឆេះរាលដាល់ ទៅគ្រឿងបន្លាស់រថយន្ត៕ ម៉េងធា