ឃាត់ខ្លួនយុវតី២នាក់ក្នុងចំណោមបក្ខពួក៧នាក់ប្រើហិ.ង្សាលើនារីម្នាក់មុខក្លិបហ្គោលឡាញ
- ភ្នំពេញ
រាជធានីភ្នំពេញ ៖ យុវតីដែលជាដៃដល់ព្រួតគ្នាប្រើហិ.ង្សាយ៉ាងឃោរឃៅ ដោយទា.ត់ធា.ក់ និងយក
រាជធានីភ្នំពេញ ៖ យុវតីដែលជាដៃដល់ព្រួតគ្នាប្រើហិ.ង្សាយ៉ាងឃោរឃៅ ដោយទា.ត់ធា.ក់ និងយកស្បែកជើងវាយទៅលើនារីម្នាក់នៅមុខក្លឹបហ្គោឡាញ កាលពីវេលាទៀបភ្លឺចូលថ្ងៃទី៥ ខែកញ្ញា និងត្រូវបានមហាជនបង្ហោះចែកចាយព្រោងព្រាតនៅក្នុងបណ្តាញសង្គម ត្រូវបានកម្លាំងនគរបាលខណ្ឌសែនសុខ ស្រាវជ្រាវឃាត់ខ្លួនបាន២នាក់ ហើយ និងបានកសាងសំនុំរឿងចាត់ការតាមច្បាប់។
ជនដៃដល់ទាំង២នាក់នោះ ត្រូវនគរបាលអោយដឹងថា ១-ឈ្មោះឃឿន ចរិយា អាយុ១៨ឆ្នាំ ជាបុគ្គលិកហាង និង២-ឈ្មោះមាន ស្រីរ័ត្នអាយុ១៨ឆ្នាំ ជាបុគ្គលិកហាង ស្នាក់នៅបន្ទប់ជួល ភូមិព្រៃព្រីងត្បូង សង្កាត់ចោមចៅ៣ ខណ្ឌពោធិ៍សែនជ័យ ។ ចំណែកនារីរងគ្រោះ ឈ្មោះសេង ស្រីនិច អាយុ២៤ឆ្នាំមុខរបរជាមេការហាង«ផ្កាថ្កុល» មានលំនៅបន្ទប់ជួល តាមផ្លូវជាតិលេខ៣ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ ។
តាមនគរបាលខណ្ឌសែនបានអោយដឹងថា ដោយមានបទបញ្ជាពីឯកឧត្តម ឧត្តមសេនីយ៍ទោ ជួន ណារិន្ទ អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញ ,លោក វរះសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខបានដឹកនាំ កំលាំងផ្នែកជំនាញព្រហ្មទណ្ឌខណ្ឌសែនសុខបានធ្វើការស្រាវជ្រាវនិងសហការជាមួយនគរបាលខណ្ឌពោធិ៍សែនជ័យ ហើយឃាត់ខ្លួនបាននារីដៃដល់២នាក់ កាលពីវេលាយប់ថ្ងៃទី៩ ខែកញ្ញា ឆ្នាំ២០២៣ នៅបន្ទប់ជួល ក្នុងភូមិព្រៃព្រីងខាងត្បូងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
គួរបញ្ជាក់ថា កាលពីវេលាម៉ោងប្រមាណ៣និង១០នាទីទៀបភ្លឺ ថ្ងៃទី០៥ខែ កញ្ញា ឆ្នាំ ២០២៣នៅចំណុច មុខ ក្លឹបកម្សាន្ត«ហ្គោលឡាញ»ស្ថិតនៅតាមបណ្តោយផ្លូវលេខ ១៩៨៦ក្នុងភូមិភ្នំពេញថ្មី សង្កាត់ភ្នំពេញថ្មី នារី១ក្រុមមានគ្នា៧នាក់ បាននាំគ្នាចោមរោមប្រើអំពើហិ.ង្សាទៅលើនារីម្នាក់ ដោយប្រើដៃជើងទាត់ធាក់ ចាប់បោកសក់ វាយក្បាលនិងយកស្បែកជើង បណ្តាលអោយជនរងគ្រោះហើមប៉ោងក្បាល មុខ និងដាច់រលាត់ដៃជើង ។ បន្ទាប់ពីប្រើហិ.ង្សា ជនដៃដល់បានជិះម៉ូតូកង់៣គេចខ្លួនបាត់ ហើយជនរងគ្រោះក៏បានហៅម៉ូតូកង់៣ ដឹកទៅព្យាបាលលាងរបួសនៅគ្លីនិកឯកជននៅមុខ អាកាសយានដ្ឋានអន្តរជាតិភ្នំពេញ។
នៅក្នុងសកម្មភាពព្រួតវា.យគ្នាខាងលើនោះ ត្រូវប្រជាពលរដ្ឋថតបាន និងបង្ហោះ រួចស៊ែរតៗគ្នានៅក្នុងបណ្តាញសង្គម ។ លុះក្រោយមក ជនរងគ្រោះក៏បានទៅដាក់ពាក្យបណ្តឹង ហើយសមត្ថកិច្ចឈានទៅស្រាវជ្រាវឃាត់ខ្លួនបាន២នាក់ នៅសល់៥នាក់ទៀតកំពុងតែបន្តស្រាវជ្រាវឃាត់ខ្លួនបន្តទៀតដើម្បីផ្តន្ទាទោសទៅតាមផ្លូវច្បាប់ ៕
ចែករំលែកព័តមាននេះ