បង្គោលភ្លើង១ដើមរុំព័ទ្ធដោយខ្សែភ្លើង ត្រូវអគ្គីភ័យឆាបឆេះផ្អើលម្តុំផ្សារទឹកថ្លា
- ភ្នំពេញ
រាជធានីភ្នំពេញ ៖ បង្គោលភ្លើង១ដើមរុំព័ទ្ធទៅដោយខ្សែភ្លើង ត្រូវបានអគ្គីភ័យឆាបឆេះបង្កអោយ
រាជធានីភ្នំពេញ ៖ បង្គោលភ្លើង១ដើមរុំព័ទ្ធទៅដោយខ្សែភ្លើង ត្រូវបានអគ្គីភ័យឆាបឆេះបង្កអោយមានការភ្ញាក់ផ្អើលនិងព្រួយបារម្ភពីសុវត្ថិភាព បន្ទាប់ពីទុស្សេឆ្លងចរន្តអគ្គីសនីខ្សែភ្លើង។
ហេតុការណ៍ខាងលើនេះបង្កឱ្យមានការភ្ញាក់ផ្អើលកាលពីវេលាម៉ោងប្រមាណ១និង៥០នាទីរសៀលថ្ងៃទី៨ ខែកញ្ញា ឆ្នាំ ២០២៣ នៅចំណុចផ្លូវបេតុង (ផ្លូវ៥៥៥) ខាងលិចផ្សារទឹកថ្លាក្នុងភូមិ ផ្សារទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ។ ទោះបីជាយ៉ាងនេះចាត់ទុកជាសំណាង ភ្លើងពុំឆេះរាលដាលដល់លំនៅឋានប្រជាពលរដ្ឋឡើយ គឺគ្រាន់តែឆេះខ្សែភ្លើង និងប្រព័ន្ធខ្សែអ៊ីនធើណេតដាច់ធ្លាក់រយ៉ៃលើដងផ្លូវ។
តាមព័ត៌មានអោយដឹងថា នៅមុនពេលកើតហេតុ គេឃើញឆ្លងចរន្តអគ្គីសនី ទុស្សខ្សែភ្លើង ដែលបំពាក់លើបង្គោលភ្លើង ភ្ជាប់ទៅនឹងប្រអប់កុងទ័រ បណ្តាលអោយក្លាយជាអគ្គីភ័យឆាបឆេះខ្សែភ្លើងយ៉ាងសន្ធោសន្ធៅ បង្កអោយមានការភ្ញាក់ផ្អើលដល់ប្រជាពលរដ្ឋនាំគ្នាយកបំពង់ពន្លត់អគ្គីភ័យមកបាញ់ពន្លត់ដើម្បី ទប់ស្កាត់ខ្លាចភ្លើងឆេះរាល់ដាល់ទៅលំនៅឋានរបស់គាត់ ។ ភ្លាមៗអាជ្ញាធរនិង សមត្ថកិច្ច បានចុះទៅកន្លែងកើតហេតុ ហើយទាក់ទង ទៅរថយន្តពន្លត់អគ្គីភ័យ ១គ្រឿង ទៅអន្តរាគមន៍ និងទាក់ទងទៅខាងមន្ត្រីអគ្គីសនី ដើម្បីអោយផ្តាច់ចរន្តភ្លើង ។
តាមព័ត៌មានអោយដឹងទៀតថា ទោះបីយកបំពង់បាញ់ពន្លត់ភ្លើង នៅតែបន្តទុស្សេឆេះខ្សែភ្លើង ។ភ្លាមៗរថយន្តពន្លត់អគ្គីភ័យ ១គ្រឿង បានទៅអន្តរាគមន៍ តែ ពុំហ៊ានបាញ់នោះទេក្លាចបង្កអោយកើតមានគ្រោះ។លុះក្រោយមក នៅពេលដែលផ្តាច់ចរន្តអគ្គសនី រថយន្តពន្លត់អគ្គីភ័យបានបាញ់ពន្លត់។
នគរបាលមូលដ្ឋានបានអោយដឹងថា អគ្គីភ័យនេះពុំបង្កអោយឆេះរាលដាលដល់លំនៅឋានឡើយគឺគ្រាន់ទុស្សេឆេះខ្សែភ្លើង ខ្សែកាប និងខ្សែអ៊ិនធើណេតដែលបំពាក់នៅលើបង្គោលភ្លើង ដាច់ធ្លាក់រតាយ នៅតាមដងផ្លូវតែប៉ុណ្ណោះ ៕
ចែករំលែកព័តមាននេះ