មហាជនបង្ហោះវីដេអូចោរធ្វើសកម្មភាពមុខផ្ទះមួយកន្លែង ត្រូវម្ចាស់គេទាន់ដេញចាប់ផ្អើល(វីដេអូ)
- ភ្នំពេញ
រាជធានីភ្នំពេញ ៖ រូបភាពវីដេអូរដែលថតបានតាមរយៈកាមរ៉ាសុវត្ថិភាព ត្រូវបានមហាជនបង្ហោះ
រាជធានីភ្នំពេញ ៖ រូបភាពវីដេអូរដែលថតបានតាមរយៈកាមរ៉ាសុវត្ថិភាព ត្រូវបានមហាជនបង្ហោះតាមគ្រុបប្រព័ន្ធតេឡេក្រាមមួយឈ្មោះថា«កូនខ្លាធំ» ពីសកម្មភាពចោរ២នាក់ជិះម៉ូតូ១គ្រឿងឌុបគ្នាទៅឈប់នៅតាមផ្លូវក្នុងភូមិ រួចធ្វើសកម្មភាពលួចយកម៉ូតូ១គ្រឿងដែលម្ចាស់ដែលម្ចាស់ភ្លេចដកសោចេញ និងចតទុកមុខផ្ទះ ។ លុះពេលចោរលួចបានជិះចេញទៅ ស្ត្រីជាម្ចាស់រួមនិងអ្នកជិតខាងបាននាំគ្នារត់ដេញតាមចាប់ដែរ ប៉ុន្តែចាប់អត់ជាប់ បណ្ដាលឲ្យដួលខ្លួនឯងច្រងាប់ច្រងិលថែមទៀតផង រីឯចោរបានយកម៉ូតូទៅបាត់ដោយសុវត្ថិភាព។
យោងតាមម៉ោងនៅក្នុងកាមេរ៉ាសុវត្ថិភាព ហេតុការណ៍ខាងលើនោះបានកើតឡើងនៅវេលាម៉ោង៩និង៤៨នាទីព្រឹក ថ្ងៃទី៨ ខែកញ្ញា ឆ្នាំ២០២៣ ហើយតាមការបញ្ជាក់ពីមហាជនចំណុចកើតហេតុស្ថិតនៅតាមផ្លូវបេតុងភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
តាមប្រភពដដែលបានប្រាប់ថា ម៉ូតូដែលត្រូវចោរលួចយកទៅបាត់នោះម៉ាកហុងដាប៊ីត ពណ៍សលាយក្រហម ប៉ុន្តែអត់ស្គាល់ស្លាកលេខនោះទេ ហើយនៅមុនពេលកើតហេតុ ម្ចាស់បានចតម៉ូតូនៅមុខផ្ទះនិងសង្ស័យគាត់ភ្លេចដកសោរចេញ ប៉ុន្តែគាត់ក៏ស្ថិតនៅជិតៗនោះដែរ លុះដល់ពេលកើតហេតុ ស្រាប់តែមានចោរ២នាក់ជិះម៉ូតូម៉ាកហុងដាឌ្រីម ធុនសេ១២៥ ពណ៍ខ្មៅ១គ្រឿងឌុបគ្នាទៅដល់ជិះហួសបន្តិច ក៏បត់ត្រឡប់ក្រោយវិញរួចឈប់នៅក្បែរនោះ។
តាមប្រភភពខាងលើបានប្រាប់ទៀតថា បន្ទាប់មកជនសង្ស័យដែលជិះខាងក្រោយបានចុះដើរសំដៅទៅរកម៉ូតូជនរងគ្រោះរួចកាច់សោបញ្ឆេះជិះចេញគេចខ្លួនភ្លាមៗតែម្ដង ហើយខណៈចោរកំពុងជិះម៉ូតូរបស់ខ្លួនចេញទៅ ស្ត្រីជាម្ចាស់ម៉ូតូនិងអ្នកជិតខាងបានរត់ដេញតាមចាប់ទាញដែរ ប៉ុន្តែប៉ុន្តែចាប់អត់ជាប់ បណ្ដាលឲ្យដួលខ្លួនឯច្រងាប់ច្រងិលថែមទៀត ។ រីឯចោរបានយកម៉ូតូទៅបាត់ដោយសុវត្ថិភាព នេះគឺជាសារមួយបង្ហាញឲ្យបងប្អូនប្រជាពលរដ្ឋត្រូវតែមានការប្រុងប្រយ័ត្នខ្ពស់ ទុកដាក់របស់ទ្រព្យឲ្យបានស្រួលនិងនៅទីកន្លែងដែលមានសុវត្ថិភពចៀសវាងការបាត់បង់បែបនេះ៕
ចែករំលែកព័តមាននេះ