ផ្លូវលំជាច្រើនខ្សែ ត្រូវជំនន់ទឹកភ្លៀងជន់លិចទៅលើឃុំចំនួន២ ក្នុងនោះគឺឃុំថ្លាត ទឹកបានជន់លិចស្ពានឈើប្រវែង៣០មែត្រ បង្កឱ្យរាំងស្ទះចរាចរណ៍ និងឃុំត្រពាំងតាវ ចំណុចទំនប់បង្ហៀ ក៏បង្កឱ្យរាំងស្ទះចរាចរណ៍ផងដែរ។ រីឯផ្លូវលំផ្សេងៗទៀត
ខេត្តឧត្តរមានជ័យ ៖ ផ្លូវលំជាច្រើនខ្សែ ត្រូវជំនន់ទឹកភ្លៀងជន់លិចទៅលើឃុំចំនួន២ ក្នុងនោះគឺឃុំថ្លាត ទឹកបានជន់លិចស្ពានឈើប្រវែង៣០មែត្រ បង្កឱ្យរាំងស្ទះចរាចរណ៍ និងឃុំត្រពាំងតាវ ចំណុចទំនប់បង្ហៀ ក៏បង្កឱ្យរាំងស្ទះចរាចរណ៍ផងដែរ។ រីឯផ្លូវលំផ្សេងៗទៀត ក៏ត្រូវជំនន់ទឹកភ្លៀងលិចដូចគ្នា ប៉ុន្តែមិនបង្កឱ្យរាំងស្ទះធ្វើចរាចរណ៍នោះទេ គឺឆ្លងកាត់បានជាធម្មតា ខណៈទឹកភ្លៀងនៅតែធ្លាក់ជាបន្តបន្ទាប់ជាប់ៗគ្នា ស្ថិតនៅក្នុងស្រុកអន្លង់វែង ខេត្តឧត្តរមានជ័យ ដោយគិតចាប់ពីថ្ងៃទី១ រហូតមកទល់ថ្ងៃទី៦ ខែកញា ឆ្នាំ២០២៣នេះ។
បើតាមប្រជាពលរដ្ឋរស់នៅក្នុងភូមិ បានរៀបរាប់ប្រាប់កោះសន្តិភាពឱ្យដឹងថា នៅក្នុងខែសីហា និងដើមខែកញ្ញា ឆ្នាំ២០២៣នេះ ទឹកភ្លៀងបានធ្លាក់ជាបន្តបន្ទាប់ជាប់ៗគ្នាមានតិច ឬច្រើន តែពួកគាត់សង្កេតឃើញថា ទឹកភ្លៀងធ្លាក់ជាធម្មតា។ ចំណែកខ្យល់កន្ទ្រាក់ ក៏បានបោ.កបក់មកលើលំនៅដ្ឋានលាយឡំទៅដោយខ្យល់កន្ទ្រាក់ រីឯផ្លូវលំវិញ ក៏ត្រូវទឹកភ្លៀងជន់លិចជាច្រើនកន្លែង ជាហេតុធ្វើឱ្យពួកគាត់ដែលជាប្រជាពលរដ្ឋត្រូវនាំគ្នាប្រុងប្រយ័ត្នទៅលើក្មេងៗ ជាពិសេសកូនៗជាសិស្សសាលា គឺឪពុកម្តាយជាអាណាព្យាបាលត្រូវនាំកូនទៅសាលារៀន លុះពេលកូនចេញពីសាលារៀនវិញ ក៏នាំគ្នាទៅទទួលកូនៗ ដើម្បីវិលត្រឡប់មកផ្ទះវិញ ចៀសវាងមានគ្រោះថ្នាក់ណាមួយជាយថាហេតុកើតឡើង។
ចំណែកក្រុមអាជ្ញាធរស្រុកអន្លង់វែង ក៏បានឲ្យដឹងដែរថា រដ្ឋបាលស្រុកអន្លង់វែង ក៏មានវិធានការទៅតាមបណ្តាភូមិ-ឃុំនីមួយៗ គឺត្រូវតែមើលទៅលើផ្លូវដែលជន់លិច ដើម្បីឱ្យមានការប្រុងប្រយ័ត្នទៅលើក្មេងៗ និងសិស្សសាលា មិនអាចឲ្យក្មេងៗដើរឆ្លងទឹកតែម្នាក់ឯង ឬតែក្រុមក្មេងៗនោះបានទេ ដោយត្រូវយកគោយន្តកន្ត្រៃចម្លងក្មេងៗ ឬវិធីសាស្ត្រណារមួយតាមដែលអាចធ្វើទៅបាន៕
ចែករំលែកព័តមាននេះ