ADផ្ទាំងផ្សព្វផ្សាយពាណិជ្ជកម្ម

Picture

បុរស​ម្នាក់​បើក​រ៉ឺ​ម៉ក​ម៉ូតូ​បុ​.​ក​រថយន្ត​លោក ហ៊ុន ជា ក្មួយ​ប្រុស​បង្កើត​សម្តេច​តេ​ជោ ហ៊ុន សែន​ផ្អើល​ពេញ​ផ្លូវ

7 ខែ មុន
  • ភ្នំពេញ

បុរស​ជា​អ្នក​បើក​រ៉ឺ​ម៉ក​ម៉ូតូ​ដឹក​ទំនិញ​ម្នាក់ បាន​បើកបរ​ក្នុង​ល្បឿន​លឿន ដោយ​ខ្វះ​ការ​ប្រុង​ប្រយ័ត្ន ក៏​ជ្រុល​ទៅ​បុ​.​ក​ជាមួយនឹង​ម៉ូតូ ព្រមទាំង​

រាជធានី​ភ្នំពេញ ៖ បើ​តាម​សេចក្តីរាយការណ៍​បានឱ្យ​ដឹង​ថា បុរស​ជា​អ្នក​បើក​រ៉ឺ​ម៉ក​ម៉ូតូ​ដឹក​ទំនិញ​ម្នាក់ បាន​បើកបរ​ក្នុង​ល្បឿន​លឿន ដោយ​ខ្វះ​ការ​ប្រុង​ប្រយ័ត្ន ក៏​ជ្រុល​ទៅ​បុ​.​ក​ជាមួយនឹង​ម៉ូតូ ព្រមទាំង​បុ​.​ក​ជាមួយនឹង​រថយន្ត​របស់​លោក ហ៊ុន ជា ដែល​ត្រូវ​ជា​ក្មួយ​ប្រុស​បង្កើត​សម្តេច​តេ​ជោ ហ៊ុន សែន ទៀត បង្ក​ឱ្យ​មានការ​ភ្ញាក់ផ្អើល​ទាំង​ព្រលប់ កាលពី​វេលា​ម៉ោង​៧​យប់ ថ្ងៃ​ទី​៤ ខែកញ្ញា ឆ្នាំ​២០២៣ នៅ​ចំណុច​ផ្លូវ​បំបែកលេខ​១០៥ កែង​២៧៦ ស្ថិត​ក្នុង​សង្កាត់​បឹង​កេងកង​២ ខណ្ឌ​បឹង​កេងកង រាជធានី​ភ្នំពេញ​។

បើ​យោង​តាម​ប្រភព​ព័ត៌មាន​ពី​កន្លែង​កើតហេតុ បាន​ប្រាប់​ឱ្យ​ដឹង​ថា នៅ​មុន​ពេល​កើតហេតុ គេ​បានឃើញ​ម៉ូតូ​១​គ្រឿង និង​រ៉ឺ​ម៉ក​ម៉ូតូ​១​គ្រឿង​ទៀត កំពុង​តែ​បើកបរ​តាម​បណ្តោយ​ផ្លូវ​លេខ​១០៥ ទិស​ដៅ​ពី​ជើង​ទៅ​ត្បូង ដោយ​ម៉ូតូ​នៅ​ខាង​មុខ ចំណែក​រ៉ឺ​ម៉ក​ម៉ូតូ​នៅ​ខាងក្រោយ​។

ប្រភព​ដដែល​បន្ត​ថា លុះ​ពេល​បើក​មក​ដល់​ចំណុច​កើតហេតុ ស្រាប់តែ​មាន​រថយន្ត​ស៊េរី​ទំនើប​ម៉ាក Mercedes G63 ពណ៌​ខ្មៅ ស្លាក​លេខ កម្ពុជា HUN CHEA ដែលគេស្គាល់ថាជារបស់ លោក ហ៊ុន ជា មន្ត្រីនគរបាល​ផ្កាយ​៣​នៃ​ក្រសួងមហាផ្ទៃ បាន​ធ្វើ​ដំណើរ​តាម​បណ្តោយ​ផ្លូវ​២៧៦ ទិស​ដៅ​ពី​លិចទៅ​កើត ក្នុង​គោលបំណង​បត់​ទៅ​ខាងស្តាំ​។ ភ្លាម​ៗ​នោះ ភាគី​ខាង​ម៉ូតូ​ដែល​ជិះ​នៅ​ខាង​មុខ​បាន​បន្ថយល្បឿន ដើម្បី​ឱ្យ​រថយន្ត​បត់​ស្ដាំ ចំណែកឯ​អ្នក​បើក​រ៉ឺ​ម៉ក​ម៉ូតូ​វិញ មិន​បាន​បន្ថយល្បឿន​នោះ​ទេ ប៉ុន្តែ​បែរជា​បន្ថែម​ល្បឿន​វ៉ា​ជែង​ម៉ូតូ​ទៅ​វិញ តែ​វ៉ា​មិន​ផុត ក៏​ជ្រុល​ទៅ​បុ​.​ក​ជាមួយនឹង​ម៉ូតូ និង​ហួស​ទៅ​បុ​.​ក​ជាមួយនឹង​រថយន្ត​របស់​លោក ហ៊ុន ជា ដែល​ត្រូវជា​ក្មួយ​ប្រុស​បង្កើត​សម្តេច​តេ​ជោ ហ៊ុន សែន ពេញទំហឹង​តែ​ម្តង​។

ក្រោយ​ពេល​កើតហេតុ​ភ្លាម​ៗ លោក ហ៊ុន ជា ដែល​ត្រូវជា​ក្មួយ​ប្រុស​បង្កើត​សម្តេច​តេ​ជោ ហ៊ុន សែន មិន​បាន​យកទោស​ភ័យ​អ្វី​ទៅ​លើ​ម្ចាស់​រ៉ឺ​ម៉ក​ម៉ូតូ​នោះ​ទេ គ្រាន់តែ​ផ្តល់​ដំបូន្មាន​ខ្លះ​ៗ ដើម្បី​កុំអោយ​បើកបរ​លឿន​ពេក និង​ឱ្យ​ប្រុង​ប្រយ័ត្ន​នៅ​ពេល​បើកបរ ជា​ពិសេស​អ្នកបើកបរ​ម៉ូតូ​កង់​បី និង​អ្នក​ដឹក​ជញ្ជូន​តែ​ម្តង កុំ​អាង​បុ​.​ក​ហើយ​លើកដៃ​សំពះ​អី ត្រូវ​បើកបរ​ដោយ​ភាព​ប្រុង​ប្រយ័ត្ន​។

បន្ទាប់​ពី​ណែនាំ​រួច ភាគី​ខាង​អ្នក​បើក​រ៉ឺ​ម៉ក​ម៉ូតូ ក៏​បាន​ធ្វើការ​សុំ​ទោស​នៅ​មុខ​អធិការដ្ឋាន​នគរបាល​ខណ្ឌ​បឹង​កេងកង បន្ទាប់​មក​លោក ហ៊ុន ជា ក៏​បាន​អនុញ្ញាតិ​ឱ្យ​ចេញ​ទៅ​ផ្ទះ​វិញ​តែ​ម្តង ដោយ​មិន​យកទោស​អ្វី​នោះ​ទេ​៕

អត្ថបទសរសេរ ដោយ

កែសម្រួលដោយ