ខេត្តមណ្ឌលគិរី ៖ ដីព្រៃក្នុងដែនជម្រកការពារសត្វព្រៃស្រែពករាប់រយហិកតា នៅភូមិសាស្ត្រឃុំណងឃីឡឹក ស្រុកកោះញែក ត្រូវបានអាជ្ញាធរមូលដ្ឋានឃុបគិតជាមួយឈ្មួញទុច្ចរិក សហការគ្នាកាប់រានទន្ទ្រានព្រៃឈើ រួចធ្វើលិខិតកាន់កាប់ដោយគ្មានកោតក្រែងញញើតច្បាប់សូម្បីបន្តិច ខណៈមន្ត្រីបរិស្ថានដែលមានតួនាទីការពារថែរក្សានៅតំបន់នេះ គ្មានកំរើកសរសៃ…
ខេត្តមណ្ឌលគិរី ៖ ដីព្រៃក្នុងដែនជម្រកការពារសត្វព្រៃស្រែពករាប់រយហិកតា នៅភូមិសាស្ត្រឃុំ
ណងឃីឡឹក ស្រុកកោះញែក ត្រូវបានអាជ្ញាធរមូលដ្ឋានឃុបគិតជាមួយឈ្មួញទុច្ចរិក សហការគ្នាកាប់រានទន្ទ្រានព្រៃឈើ រួចធ្វើលិខិតកាន់កាប់ដោយគ្មានកោតក្រែងញញើតច្បាប់សូម្បីបន្តិច ខណៈមន្ត្រីបរិស្ថានដែលមានតួនាទីការពារថែរក្សានៅតំបន់នេះ គ្មានកំរើកសរសៃ ហាក់ត្រូវថ្នាំសណ្តំ តែដូចពាក្យចាស់ថា «ដំរីងាប់យកចង្អេរបាំងមិនជិត» ព័ត៌មានអាស្រូវរបស់អាជ្ញាធរស្រុកកោះញែកនេះ ត្រូវប្រជាពលរដ្ឋហែកកកាយក្នុងវេទិការសាធារណៈ កាលអំឡុងដើមឆ្នាំ២០២៣ បង្កឲ្យមានការចុះស៊ើបអង្កេតយ៉ាងតក់ក្រហល់ ។
ប្រភពពីអ្នកស្រុកបាននិយាយថា កន្លងមក គេធ្លាប់បានឃើញឈ្មោះ ម៉ៅ មន្ត្រីសាលាស្រុកកោះញែក បានចេញចូលសហការគ្នាជាមួយឈ្មោះទូច រត់ការធ្វើឯកសារកាន់កាប់ដីធ្លីក្នុងដែនអភិរក្ស រហូតមានការទទួលស្គាល់ឯកភាពពីសំណាក់អាជ្ញាធរស្រុកកោះញែក ទោះដីចំណុចទាំងនោះមានព្រៃឈើមហាក្រាស់សម្បើម ហើយស្ថិតក្នុងដែនគ្រប់គ្រងរបស់ក្រសួងបរិស្ថានដែលកំណត់ដាច់ខាតមិនឲ្យមានការកាប់ឆ្ការធ្វើជាកម្មសិទ្ឋបុគ្គលដ្បិតជាធនធានធម្មជាតិមហាសាលរបស់
ជាតិ។
យោងតាមលិខិតដែលក្រុមអ្នកកាសែតទទួលបាន មន្ត្រីជំនាញមន្ទីរបរិស្ថានខេត្តមណ្ឌលគិរី បានបានចុះពិនិត្យទីតាំង ដីដែលបានកាន់កាប់ និងលក់ដូរក្នុងដែនជម្រកសត្វព្រៃ ចំនួន១១ក្បាលដីឃើញថា ក្បាលដីដែលបានកាន់កាប់ សុទ្ធតែដីនៅ គម្របព្រៃឈើ មានចំនួន៦ក្បាលដី ស្ថិតក្នុងតំបន់អភិរក្សនៃដែនជម្រកសត្វព្រៃស្រែពក ដែលមានឈោះ្ម អ្នកកាន់កាប់ ១.កាញុង វើល មានទំហំ ១១៧៣៥៧ ម៉ែត្រការ៉េ ២.និត ឡៃ មាន ទំហំ ១០៨៣៩០ ម៉ែត្រការ៉េ ៣.ជាយ ធឿន មានទំហំ ៨៥៦២២ ម៉ែត្រការ៉ ៤.ហា ទូច មានទំហំ ១០០១១៣ ម៉ែត្រការ៉ ៥.ទៀវ តូច មានទំហំ ៨៨០៣២ ម៉ែត្រការ៉េ ៦.វៀង ម៉ាលីវ៉ាន់ មានទំហំ ១០៤៦០៩ ម៉ែត្រការ៉េ និង៥ក្បាលដី ។
ដីស្ថិតនៅតំបន់ប្រើប្រាស់ដោយជីរភាព នៃដែនជម្រកសត្វព្រៃស្រែពក ដែលមានឈ្មោះដូច ១.សាកុន សាមឿន មានទំហំ ១០១១១២ ម៉ែត្រការ៉េ ២.ស៊ិន សៅ មានទំហំ ៦៧០០១ ម៉ែត្រការ៉េ ៣.ដៀង ពង មានទំហំ ៥៤៧៦០ ម៉ែត្រការ៉េ ៤.ប៊ុន តុ មានទំហំ ៨០១៨៥ ម៉ែត្រការ៉េ ៥.អាំពី មុំ មានទំហំ ៨១៨៤៥ ម៉ែត្រការ៉េ។យោងតាមអនុក្រឹត ២៤៥ អនក្រ.បក ចុះថ្ងៃទី៣០ ខែវិច្ឆិកា ឆ្នាំ២០២២ ស្តីពីការកំណត់តំបន់សហគមន៍នៃតំបន់ការពារធម្មជាតិ ចំពោះក្បាលដីទាំង១១ មានផ្ទៃដីសរុបចំនួន ៩៨៩ ០២៦ ម៉ែត្រការ៉េ គឺស្ថិតនៅក្រៅវិសាលភាពនៃអនុក្រឹត ដែលក្រសួងបរិស្ថានមិនអនុញ្ញាត អោយធ្វើការចុះបញ្ជីដីធ្លីនោះទេ ។
បន្ទាប់ពីក្រុមមន្ត្រីជំនាញបានរកឃើញពីភាពមិនប្រក្រតីខាងលើ កាលពីអំឡុងខែមិថុនា ឆ្នាំ២០២៣ ក៏បានស្នើសុំឲ្យរដ្ឋបាលខេត្តមណ្ឌលគិរី និរាករចោលលើ លិខិតបញ្ចាក់កាន់កាប់ដីព្រៃក្នុងដែនជម្រកសត្វព្រៃខុសច្បាប់ ដែលបានចុះហត្ថលេខាបញ្ជាក់ លើលិខិតផ្ទេរសិទ្ធិកាន់កាប់ទាំង១១ក្បាលដី ក្នុងដែនជម្រកសត្វព្រៃស្រែពក ដោយអាជ្ញាធរ ភូមិ ឃុំ ស្រុកនិងចាត់ វិធានការតាមនីតិវិធី។ប៉ុន្តែគិតត្រឹមថ្ងៃទី២២ ខែសីហា ឆ្នាំ២០២៣ គេបានទទួលព័ត៌មានមកថា ដើមឈើរាប់សិបហិកតានៅចំណុចខាងលើ នៅតែត្រូវជនឆ្លៀតឱកាសកាប់ផ្តួលរំលំ ដើម្បីវ៉ាត់ទីយកដីដដែល។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ