ខេត្តក្រចេះ ៖ កុដិលោកមួយខ្នង មានទទឹង១៥ម៉ែត្រ និងបណ្តោយ២០ម៉ែត្រ ធ្វើអំពីឈើប្រក់ប្រូស៊ីម៉ង់ ត្រូវបានអគ្គិភ័យឆាបឆេះទាំងស្រុង កាលពីវេលាម៉ោង០០និង២៥នាទីយប់រំលងអធ្រាត្រ ឈានចូលថ្ងៃទី១៦ ខែសីហា…
ខេត្តក្រចេះ ៖ កុដិលោកមួយខ្នង មានទទឹង១៥ម៉ែត្រ និងបណ្តោយ២០ម៉ែត្រ ធ្វើអំពីឈើប្រក់ប្រូស៊ីម៉ង់ ត្រូវបានអគ្គិភ័យឆាបឆេះទាំងស្រុង កាលពីវេលាម៉ោង០០និង២៥នាទីយប់រំលងអធ្រាត្រ ឈានចូលថ្ងៃទី១៦ ខែសីហា ឆ្នាំ២០២៣ ស្ថិតនៅវត្តសុវណ្ណនាងជោតនារាម ក្នុងភូមិសាមគ្គី ឃុំស្វាយជ្រះ ស្រុកស្នួល ខេត្តក្រចេះ ។ តាមប្រភពព័ត៌មានអោយដឹងថា នាវេលាយប់កើតហេតុ មានករណីផ្គររន្ទះបាញ់ឆ្លងចរន្តខ្សែរភ្លើង ទើបបណ្តាលអោយឆេះកុដិលោកមួយខ្នង មានទទឹង១៥ម៉ែត្រ បណ្តោយ២០ម៉ែត្រ សាងសង់អំពីឈើប្រក់ប្រូស៊ីម៉ង់ ។
តាមការបំភ្លឺរបបស់ដូនជី ឈ្មោះយឹម យ៉ុង អាយុ៦៣ឆ្នាំ រស់នៅក្នុងវត្តសុវណ្ណនាងជោតនារាម គឺនៅមុនពេលលកើតហេតុ គាត់បានឮផ្គររន្ទះយ៉ាងខ្លាំងខ្ទរដី ហើយគាត់ក៍៏បានសំងំដេកបានប្រហែល២នាទី ងើបឡើងក៏បានឃើញអណ្តាតភ្លើងឆាបឆេះដល់ដំបូលកុដិ ហើយក៏ស្រែកឆោឡោហៅអោយអ្នកភូមិជួយ ពន្លត់តែដោយសន្ទុះភ្លើងខ្លាំងពេកយកអ្វីមិនទាន់ក៏បានឆេះទាំងស្រុង ។
តាមសង្ឃដីកាព្រះចៅអធិការវត្តអោយដឹងថា សម្ភារខូចខាតក្នុងករណីនេះ រួមមាន មេក្រូចំនួន២គ្រឿង ធុងបាស់ប្រលូធូចំនួន២គ្រឿង ធុងបាស់ធំ១គ្រឿង ម៉ូតូ១មួយគ្រឿង ឡាន១គ្រឿងម៉ាកកូរ៉ូឡា៩៥ ទូរសព្ទ័ដៃចំនួន៥គ្រឿង បច្ចយ័សម្រាប់ទុកកសាងចំនួន៥៤៣០០០រៀល សម្ភារៈចានឆ្នាំង ព្រះបដិមា មួយចំនួនធំ កុដិលោកទទឹង១៥ម៉ែត្រ និងបណ្តោយ២០សរុបជាទឹកប្រាក់៣៤៥០០ដុល្លារអាមេរិក ។
ព័ត៌មានបន្ថែមនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ