រាជធានីភ្នំពេញ ៖ ប្រជាពលរដ្ឋរស់នៅភូមិស្លែងរលើង សង្កាត់ទឹកថ្លា ខណ្ឌសែនសុខ បានរួបរួមគ្នាស្ថាបនាដាក់លូមួយខ្សែប្រវែង៥២៥ម៉ែត្រ ទំហំ០,៨០ម៉ែត្រ ដើម្បីរំដោះទឹកបញ្ចៀសពីការជន់លិចទឹកភ្លៀងនៅក្នុងរដូវវស្សានេះ ។ ការរៀបចំដាក់លូរំដោះទឹកក្នុងភូមិស្លែងរលើងនេះក្រោមការផ្តួចផ្តើមចលនាប្រជាពលរដ្ឋពីសំណាក់លោកគង់ សៅ
រាជធានីភ្នំពេញ ៖ ប្រជាពលរដ្ឋរស់នៅភូមិស្លែងរលើង សង្កាត់ទឹកថ្លា ខណ្ឌសែនសុខ បានរួបរួមគ្នាស្ថាបនាដាក់លូមួយខ្សែប្រវែង៥២៥ម៉ែត្រ ទំហំ០,៨០ម៉ែត្រ ដើម្បីរំដោះទឹកបញ្ចៀសពីការជន់លិចទឹកភ្លៀងនៅក្នុងរដូវវស្សានេះ ។ ការរៀបចំដាក់លូរំដោះទឹកក្នុងភូមិស្លែងរលើងនេះក្រោមការផ្តួចផ្តើមចលនាប្រជាពលរដ្ឋពីសំណាក់លោកគង់ សៅ ប្រធានភូមិស្លែងរលើង, មេ៥០ខ្នង និងមេក្រុម ព្រមទាំងមានការចូលរួមពីប្រជាពលរដ្ឋ។
ប្រព័ន្ធលូដែលត្រូវស្ថាបនានៅពេលនេះ មានប្រវែង៥២៥ម៉ែត្រ ទំហំ០.៨០ម៉ែត្រ តភ្ជាប់ពីផ្លូវបេតុង ក្នុងភូមិស្លែងរលើង រហូតដល់ផ្លូវលេខ២០០៤ ដោយអស់ទឹកប្រាក់ចំនួន៦.៣០០ដុល្លារ ។ លោកគង់ សៅ ប្រធានភូមិស្លែងរលើង សង្កាត់ទឹកថ្លា បានឱ្យដឹងថា ដោយមើលឃើញនូវការលំបាករបស់ប្រជាពលរដ្ឋដែលភ្លៀងមួយមេ កាលពីចុងខែមេសា បណ្តាលឱ្យទឹកជន់លិច ផ្លូវ និងលំនៅឋាន លោករួមទាំងមេ៥០ខ្នង មេក្រុម បានបំផុសចលនាប្រជាពលរដ្ឋប្រមូលថវិកាដើម្បីស្ថាបនាដាក់លូមួយខ្សែនេះឡើង ។ នៅក្នុងការស្ថាបនាដាក់លូនេះក៏មានការជួយឧបត្ថម្ភពីលោកឃិត ឈឿន អាយុ៥១ឆ្នាំ ជួយផ្នែកគ្រឿងចក្រ កាយដីដាក់លូដោយពុំគិតថ្លៃផងដែរ ។
តាមលោកមេភូមិស្លែងរលើងឱ្យដឹងថា ការស្ថាបនាដាក់លូនេះបានចាប់ដំណើរការតាំងពីថ្ងៃទី៩ ឧសភា ហើយស្ថាបនាឱ្យរួចរាល់នៅពេលឆាប់ៗខាងមុខនេះ ដើម្បីបញ្ចៀសទឹកជន់លិចផ្លូវក្នុងភូមិស្លែងរលើង ៕
ចែករំលែកព័តមាននេះ