ខេត្តព្រះវិហារ ៖ នៅព្រឹកថ្ងៃទី១១ ឧសភា កន្លងទៅនេះ នៅទីលានអតីតព្រះរាជដំណាក់ នាមាត់ស្ទឹងសែន ស្ថិតក្នុងភូមិដំណាក់ សង្កាត់កំពង់ប្រណាក ក្រុងព្រះវិហារ មានរៀបចំពិធីប្រគល់អដ្ឋិធាតុកងទ័ពស្ម័គ្រចិត្ដវៀតណាមចំនួន២៨អដ្ឋិធាតុ ដែលជាលើកទី៧ហើយ បន្ទាប់ពី រដ្ឋាភិបាលវៀតណាម និងកម្ពុជាបានព្រមព្រៀងក្នុងការ
ខេត្តព្រះវិហារ ៖ នៅព្រឹកថ្ងៃទី១១ ឧសភា កន្លងទៅនេះ នៅទីលានអតីតព្រះរាជដំណាក់ នាមាត់ស្ទឹងសែន ស្ថិតក្នុងភូមិដំណាក់ សង្កាត់កំពង់ប្រណាក ក្រុងព្រះវិហារ មានរៀបចំពិធីប្រគល់អដ្ឋិធាតុកងទ័ពស្ម័គ្រចិត្ដវៀតណាមចំនួន២៨អដ្ឋិធាតុ ដែលជាលើកទី៧ហើយ បន្ទាប់ពី រដ្ឋាភិបាលវៀតណាម និងកម្ពុជាបានព្រមព្រៀងក្នុងការធ្វើសហប្រតិបត្ដិការរុករកអដ្ឋិធាតុកងទ័ពវៀតណាមនៅលើទឹកដីកម្ពុជា ។
ពិធីនោះធ្វើឡើងក្រោមអធិបតីភាពលោកអ៊ុំ ម៉ារ៉ា អភិបាលខេត្ដ និងលោកម៉ាំង ឌុង អភិបាលរងខេត្ដយ៉ាឡាយ ជាប្រធានក្រុមK៥២ ខេត្ដយ៉ាឡាយ រុករកអដ្ឋិធាតុកងទ័ពវៀតណាមនៅលើទឹកដីនៃភូមិសាស្ដ្រខេត្ដព្រះវិហារដែលមានការចូលរួមយ៉ាងច្រើនកុះករពីសំណាក់មន្ដ្រីរាជការកងកម្លាំងប្រដាប់អាវុធទាំងបីប្រភេទប្រជាពលរដ្ឋ លោកគ្រួអ្នកគ្រូ សិស្សានុសិស្ស ព្រះសង្ឃ នៅក្នុងអង្គវេទិកា និងឈរអមតាមដងផ្លូវក្នុងក្រុងព្រះវិហាររាប់ពាន់នាក់ដើម្បីជូនដំណើរក្បួនរថយន្ដប្រតិភូនាំអដ្ឋិធាតុធ្វើមាតុភូមិនិវត្ដន៍ ។
ពិធីនោះ គេសង្កេតឃើញថ្នាក់ដឹកនាំខេត្ដព្រមទាំងក្រុមកាយឫទ្ធិអុជធូប និងដាក់កម្រងផ្ការំលឹកដល់វិញ្ញាណក្ខន្ធវីរយុទ្ធជន យុទ្ធនារី វៀតណាមដែលបានចំណាយសាច់ស្រស់ ឈាមស្រស់ក្នុងបុព្វហេតុជួយរំដោះប្រជាជនខ្មែរទាំងមូលឱ្យរួចផុតពីភពខ្មៅងងឹត និងជ្រោះដ៏សែនជ្រៅនៃរបបប៉ុល ពត អៀង សារី ខៀវ សំផន ដណ្ដើមមកវិញនូវសិទ្ធិសេរីភាពជូនប្រជាជនខ្មែរក្នុងឆ្នាំ១៩៧៩រហូតមកទល់ពេលនេះ ។
លោកអ៊ុំ ម៉ារ៉ា អភិបាលខេត្ដជំនួសមុខឱ្យអាជ្ញាធរខេត្ដ ប្រជាជនទូទាំងខេត្ដ និងរាជរដ្ឋាភិបាលបានសម្ដែងនូវការក្រៀមក្រំ និងការសោកស្ដាយយ៉ាងក្រៃលែងដល់វីរយុទ្ធជន វីរយុទ្ធនារីនៃកងទ័ពស្ម័គ្រចិត្ដវៀតណាម ព្រមទាំងក្រុមគ្រួសារនៃកងទ័ពប្រជាជនវៀតណាមដែលបានបាត់បង់ប្ដី កូន បងប្អូន ក្នុងបុព្វហេតុជួយប្រជាជនកម្ពុជា ។ លោកអភិបាលខេត្ដបានរំលឹកថា ទោះបីជាអតីតកាលបានកន្លងហួសក៏ពិតមែន តែអ្វីៗដែលជាសច្ចភាព និងសច្ចធម៌សម្រាប់ប្រជាជនកម្ពុជា គឺមិនអាចបំភ្លេចបានឡើយចំពោះគុណូបការៈរបស់កងទ័ពស្ម័គ្រចិត្ដវៀតណាមនៅលើទឹកដីអង្គរដ៏បវរនៃយើងដែលគ្រប់កាលៈទេសៈតែងតែបានជួយកម្ពុជាប្រៀបបីដូចជាបងប្អូនក្នុងនាមជាប្រទេសដែលមានភូមិផងរបងតែមួយ ។
លោកម៉ាំង ឌុង អភិបាលរងខេត្ដយ៉ាឡាយជំនួសមុខឱ្យប្រជាជនខេត្ដយ៉ាឡាយបានសម្ដែងនូវការដឹងគុណដល់រាជរដ្ឋាភិបាលកម្ពុជាដែលគ្រប់ពេលវេលាតែងតែបានធ្វើសហប្រតិបត្ដិការយ៉ាងជិតស្និតជាមួយប្រទេសវៀតណាម និងថ្លែងអំណរគុណដល់អាជ្ញាធរខេត្ដព្រះវិហារដែលបានចូលរួមធ្វើ សហប្រតិបត្ដិការក្នុងការរុករកអដ្ឋិធាតុកងទ័ពស្ម័គ្រចិត្ដវៀតណាមនៅលើភូមិសាស្ដ្រខេត្ដ ព្រះវិហារដែលមកដល់ពេលនេះគឺជាលើកទី៧ហើយ ចាប់តាំងពីឆ្នាំ២០០៤ មកដោយក្រុមការងាររុករកអដ្ឋិធាតុកងទ័ពវៀតណាមបានចំនួន៣៧៧អដ្ឋិធាតុ ។ ពិធីក៏មានការចុះហត្ថលេខាប្រគល់អដ្ឋិធាតុចំនួន២៨អដ្ឋិធាតុ ដែលជាលើកទី៧រវាងថ្នាក់ដឹកនាំខេត្ដព្រះវិហារនឹងខេត្ដយ៉ាឡាយប្រទេសវៀតណាមផងដែរ ៕
ចែករំលែកព័តមាននេះ